أشرايك تكتب بيت شعر ايعبر عن حالتك النفسيه !!!!!!

ما قلت لي شي ! وش خليت ما قلته ؟
اسكت و خل الكلام لجرحي الدامي

لو غيرك اللي يسولف ما تحملته
لكن على شان عينك هانت آلامي

آخر عباراتي وداع ..وآخر مشاويري رحيل
جيتك وبي لفحة ضما واقفيت كبدي ناشفه
اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه
وأنت بمتناول يدي ... تبدي مثل المستحيل
في عشرتك صوت العقل يقتل طموح العاطفه
قول لهم ياعزوتي ماعابنا موت النخيل
اللي يوافيها الأجل وتموت لكن واقفه

تصافحكعيني وانا كفي اعمى...
...........................مالي جدا الا نظرة الموق للموق...
ياما شربتك شوف من خوف لا اظمى
...........................وياما الوله للوصل يبّس بي عروق

نفس المكان اللي ذكرني نساني ,,, ومن طيبتي جيت المكان وذكرته

صغيّر لا تضيعني بنظرات البراءه
وانت ما تعرف مدى تأثير نظراتك بحالي
آه يالبيه .. يا بشويش .. يا هدّ الإضاءه
للجفول اللي .. من جفاله يجفّلني ظلالي
فز .. باسم الله عليك .. من المبرّة للإساءة
وارقد آمن في عيوني .. واسهر آمن في خيالي
يا صغيّر .. والذكي .. مثلي .. ليا خانه ذكاءه
ماله إلا يعشقك ويصير لعيونك شمالي
قم فديتك وانت حر .. من الف باءه .. لين ياءه
ما عطاك الا الله .. اسرف واستبيح ولا تبالي
سو ما يرضي غرورك .. وإدّ ما تهوى أداءه
الحشا لك بيت حاتم .. وانت غالي عند غالي
قم تمخطر في الحشا .. وانسى الكتابة والقراءة
وحل واجب شاعرٍ ما حلته سود الليالي
وعلّمه وشلون تتعدي على خط استواءه
وعلّمه وشلون كيف .. وهل يضيعون الرجالي
وكيف يجني خلف سور الجامعة .. ذنب الكفاءة
ساعةٍ نادى ابليس وقال له : مالك ومالي
وأنا يشفع لك صغر سنك ونظرات البراءة
بري حالي .. كل مالديت يمي بري حالي

قالوا علااامك قلت عاده قديمه
............ابكي اذا شفت المحبين يبكون

لا تسألني عن الندى فلن يكون ارق من صوتك
ولا تسألني عن وطني فقد اقمته بين يديك
ولا تسألني عن اسمي فقد نسيته عندما احببتك

هلت دموع السمـــا عند الوداع.........وارسلـــت غيومهـــا شوق وحنين..
قـــال ودع مايـــــفيد الامتناع.........الشقا مقسوم مير الله يعيـــــــــن..
ياحسايف وقتنا والعمــر ضاع.........نجتمع يوميـــن والفرقا سنـــــين..

ما أقول أنسى عيون الناس من شانك أقول أنسى جميع الناس لعيونك

ياصبح عطرك للمواليف مطلوب =حتى يطيب الجو من عطر نـورك