أشرايك تكتب بيت شعر ايعبر عن حالتك النفسيه !!!!!!

رد: أشرايك تكتب بيت شعر ايعبر عن حالتك النفسيه !!!!!!

امشي على دربك وروحي تشيعك
لحظة رحيلك بعدها الكون ضاقـي
معايشٍ طيفك..واذا تنادي أسمعك
باقي هنا بيـن الجفـن والمآقـي
مانمت في ليلٍ به يطيب مضجعـك
صار السهر بيني وبينـه وفاقـي
وقتٍ من وصالك منعني ويمنعـك
ماكنت أحسب الوقت وقت افتراقي

رد: أشرايك تكتب بيت شعر ايعبر عن حالتك النفسيه !!!!!!

سافرت ناوي أترك الضيق لحظات
لقيت طيفك بالسفر محترينـي.?!

حاولت أببعد عن خيالك مسافـات
الله حسيبك وين مارحـت فينـي.?!

غيرك نسيته ماطرى كل حـزات
الا أنت دايم بال ــــيـــــ تجينـي.?!

رد: أشرايك تكتب بيت شعر ايعبر عن حالتك النفسيه !!!!!!

ووش حدني للحب لــولاك ذوقي
وما حد ذوقي غير علمي بطيبتك

حبك تغلغل واستبد فـعروقي
سريت فيها لين فـ القلب صبَّـتك

وان كان به غيرك سكن في خفوقي؟
فما غيرها امّـك يومها ليّ جابتـْك

رد: أشرايك تكتب بيت شعر ايعبر عن حالتك النفسيه !!!!!!

لو هروب الشخص عن ظله يفيد
.........كان ابهرب والبلا ظلي وراي

رد: أشرايك تكتب بيت شعر ايعبر عن حالتك النفسيه !!!!!!

سآل الوله وختلط ضني على ضنه
بقصى عروق الولع حبره وقرطآآسه !

رد: أشرايك تكتب بيت شعر ايعبر عن حالتك النفسيه !!!!!!

لميت جرحي واحتضنته وسافرت
ما للواداع بخاطري غير تجريح

ودي ولكني صمدت وتصبرت
واقفيت اشد اخطاي بالغصب لا اطيح

ما هو جفا.. انا (فلان) ما تغيرت
عقب الوداع.. فراق ما هو بتلميح

ياليتني دمعه فراق وتبخرت
لا( احساس) لا ( وجدان) لا (قلب يصيح)

امشي على ذكراك ولا تعثرت
يا ساكن الوجدان بدون تصريح

ولو خيروني من الملا ما تخيرت
غيرك حشا وش فيه؟.. من هبت الريح

رد: أشرايك تكتب بيت شعر ايعبر عن حالتك النفسيه !!!!!!

منك نتعلم لعبة الصد ونصد
...........مادام قلبك والليالي علينا

منك نتعلم كيف مانحفظ الود
..........وتشوف منا ماتسويه فينا

والحين لازم تاخذ المسأله جد
...........علمتنا نقسا وشفنا قسينا

رد: أشرايك تكتب بيت شعر ايعبر عن حالتك النفسيه !!!!!!

بيّن شعاع الفجر ما ادركت هملـوج
من كثر هاجوسـي وقـلّ أندماجـي

هواجسٍ تصفق براسي كمـا المـوج
إليا تتالـت وأزرق المـوج هاجـي

دنياً تبـذّ الحيـل ودروبهـا عـوج
لعلّ كسبـي مـن سببهـا خراجـي

رد: أشرايك تكتب بيت شعر ايعبر عن حالتك النفسيه !!!!!!

تسري الليالي السـود مثل الحريقه
تحرق من أيام العمر خضر الأوراق

ونور الأمل في الوصل يفقد بريقه
ودايـم وحنـا بالإسم بس عشـاق

أظهر لي الواقـع ومـر الحقيقـه
كل شئ يقـول إفراق وافراق وافراق

رد: أشرايك تكتب بيت شعر ايعبر عن حالتك النفسيه !!!!!!

صدر الحزين يطاوع الضيق .. و يضيق
من كل صوب .. و تصبح العين ديمـه

ينزل مطر .. و يلوح براق .. و تفيـق
كل الجـروح .. المبطيـات .. القديمـه

و أنا .. علـى الدنيـا قليـل التوافيـق
ما غيـر أساوقهـا بـراي و عزيمـه

رد: أشرايك تكتب بيت شعر ايعبر عن حالتك النفسيه !!!!!!

أصبحت عندي فوق كـل المخاليـق
تخطي و لا لك غيـر قـدر و حشيمـه

و انا و ربـي مـا نقضـت المواثيـق
لا زلت أشوفـك راس مـال و غنيمـه

دونك سحاب الدمع و مشـارق الريـق
و عقبك ضياع و جرح قلب و هزيمـه

رد: أشرايك تكتب بيت شعر ايعبر عن حالتك النفسيه !!!!!!

إن بعتنـي فالسـوق بيـع الصناديـق
عـز الله انـك بعتـنـي دون قيـمـه

ليتك تشـوف ابـواب قلبـي مغاليـق
ما هيـب لا و الله .. و عـادة حليمـه

ما همنـي و النـاس جمـع و تفاريـق
ما دمـت منتـب فيـه روحـي يتيمـه

رد: أشرايك تكتب بيت شعر ايعبر عن حالتك النفسيه !!!!!!

مـابيـن صَـدري والـمقـابـر . . عـلاقـات !
بـالاســم . . والـمعنـى . . ودفـن الضحيـه



الفـرق بـأن الـمقـبرهْ تـدفـن أمـــوووات ،
وأنـا دفنـت أشيــاء بـالصـــدر . . حيـهَ !

رد: أشرايك تكتب بيت شعر ايعبر عن حالتك النفسيه !!!!!!

رسالة من سطر واحد عليها من التعجب سور
تعبر عن مدى كره القلم .. لموادع احبابـــــه
تذكرني ..إذا تاه البياض بزحمة الديجور
وتذكرني ..إذا شفت النهار أنشقت ثـــيــابه

رد: أشرايك تكتب بيت شعر ايعبر عن حالتك النفسيه !!!!!!

اغراب عشنا حلـم فـي ثـوره البعـد "

" رحنا وجينا بـس / مـا أحـد ٍ عرفنـا




ضقنا وضيقنا المكان وبقـى ( سعّـد ) "

" متنـا وحنـا مابعـد شـي ( شفـنـا )