ماذا تقول لــ الشخص اللي في بالك ..؟؟

نادميني كلها ساعه و اغيب
=مابقى غير الموادع يا حبيب
سلّي الخفاق عن همّ الزمان
=و اجلَي مْن العين نزّات السّريب
طالت ايامي و انا فوق الشدّاد
=الذلول تسير و الراكب غريب
درهمت بي في عجاج القايله
=و الثرى من حدرها جاله لهيب
كل خفٍ يرسم بدربي حذر
=لاهل ركبٍ ما بعد طبّ الشعيب
يفهّم اللي يفهم و يجهل كثير
=و المراجل دربها دايم صعيب
يا كبر غلطات جهّال الحياة
=ضعيوا بعيدهم واخطوا القريب
يا بعد فرق الّليال من النهار
=و يا بعد فرق الغرير من اللّبيب
بعضهم يزمّ به كثر الهدوم
=وان تحدّث طاح من عين الرقيب
كل رجلٍ يستره قل الكلام
=و اللسان يجمّله و الاّ يعيب
نادميني..وقتي الباقي قصير
=و الْمِسي بعيونك جروحي تطيب
فرّغي قلبي و فكري من عناي
=يا شعاع بالعمر قبل المغيب
و مضةٍ في ليل دهرٍ ظلوم
=تبعث الآمال في وقت عجيب
السؤال يغيب من قبل الجواب
=نادميني..كلها ساعه و اغيب

يآ شوق خبرني عن إللي انآ اغليه
عن وآحد روحي تمننىآآ تشوفه
اغليه من بد المخآليق وأفديه
واحس لـ الفرحه طعم يوم اشوفه

يا حلو مدري يا حبيبـي يا حبيبـي يا حلـو
من باب دافع الاشتياق اللي تبي منها اختره



اي والله احبك وصايبني على حبـك غلـو
اشد من غلو التزام الدين عقـب الهستـره



الناس شدوا من محل الجهل الاول ونزلـوا
في دار كل (ن) ينقل اقلامه وينقـل دفتـره



اليا عطاك الله قبول الناس يمـك لا اقبلـوا
ابرك من اللي لاعطيته وجه يعطيك اظهره

ياجريح القلب بي عنك الجروح=جعل قلبي فدوة(ن) لك ياسعد
مشرط الجرّاح في قلبي يروح=كل ماهوجست بك يوم الأحد
خفقة(ن) تجزع وخفقات(ن) تنوح=عالجوا جرحك وجرحي بك قعد
يشهد الله لو تعوض الروح روح=ياابن أبوي فداك روحي والجسد
ياجحود الضيم ماودك تبوح=بالخفوق جروح ولسانك جحد
شلت حب الناس بالقلب النصوح=لين صار الحب بعروقك سدد
سمّح الله درب ذا الوجه السموح=زال شرّك والمقابيل السعد

يا سحايب سراة أبها تعديّ شمال=واستعيري دموعي سيّلي كل واد
غطي أرض الحبيّب بالندى والجمال=مثل ماهو مندّي بالمحبة فؤاد
وارعدي يا سحابه فوق هاك التلال=صوري له حنيني عقب طول البعاد
ولعي يا سحابه بالسما كل جال=مثل ما أشعل فواد فيه كدح الزناد
مير أشوف التسلي عن هواها استحال=وقفي يا سحابة حمل الأشواق زاد
دوك قلبي وعيني دوك بعض الخيال=دوك كلي تبعتك ما بقى لي قعاد

ليه اذا حبيتك أكثر زدت قسوه
=وان دريت بحاجتي لك .. زدت جفوه

وان عطيتك من حياتي ماتريده
=ماكفاك وتحسب ان الحب نزوه

والله اني يا أحب الناس.. أحبك
=والله ان الروح لو ترضيك.. فدوة

والله اني تارك غيرك .. وجيتك
=مزعل الزعلان والعذال عنوه

كل دقة قلب فيني لك قصيده
=تكفي الدنيا مع الاحباب غنوه

وكل هاجس مايجيب ألا خيالك
=سلوتي بالعمر .. في صحوه وغفوه

اجمع احساسي واشواقي واجيلك
=والبس ثياب الهوى والعشق كسوه

وانتقي من سواليفي حسنها
=والقصايد من غزلها كل حروه

وأنثر العبرات والضحكات عندك
=واقول اني احق الناس فضوه

ادري اني عادي مافيه ميزه
=وادري اني كادح ماحاش كروه

وادري اني في خريف العمر ماضي
=مابقي بيني وبين القبر خطوه

لكن اني صادق في ما اقوله
=واطلب من الله عن الزلات عفوه

أسابق الساعه و تسبقني الساعه
تقضي و انا توني باوّل ثوانيها

أبشتري وقت وين اسواق بيّاعه
ياللي تبيع الدقايق حد و اشريها

قلبي يبي وقت لو الوقت ما طاعه
و عيني تبي شمس لو الشمس تعميها

و نفسي مثل باقي الاجواد طمّاعه
ابي اجدّد على الفرحه لياليها

لا شك الايام للفرحات منّاعه
لو نوّرت ليلةٍ عشرين تطفيها

يظهر ثبات الفتى و النفس مرتاعه
خوفٍ على اللي نحبّه من بلاويها

لو ان كل ينال مناه بذراعه
خذيت حقّي من أقصاها لدانيها

المشكله انك يابو لحظين بتّاعه
تاخذ سلاحي من الكفين و أعطيها

و انا ادري ان العيون السود خدّاعه
لا شك ودي أصدّق منك داعيها

و المهتوي لاهتوا مايطوي شراعه
يمشي على النار كنّه ما وطَى فيها

ازعل ولكّن " الـغـلا " مثل ما هوّ
لان الزعل ماله " دخل بـِ المحبه "

ماني من اللي كل ليله وله "جــــوّ"
يمدح ( وليفه) وإن زعل منه سبه

تصدق لو تغيب لحظة وبعد اللحظه ترجعلي
لاظمك حيل واهمسلك حبيبي طالت الغيبه

يقولون الــ/ هوى نظره يقولون الهوى أحلام
يقولون الــ/ هوى همسه تذوب خافق فيهـــــا
يقولون الــ/ هوى دنيا تضمنها الغلا بهيـــــام
يقولون الــ/ عشق سلطه ولا تقدر تقاويهـــــا
ولكني أشوف اليوم خداع وبعثره وأوهـام
مثل غشوه على قلبك على عينك تغشيهـــا
مثل كذبه تصدقها معاها دارت الأيـــــــام
مثل فكره على بالك بها نفسك تمنيهـــــــا