يكفي تجارب في زمانك تجاربك

حرصك على اللي مايودك مذله
وش عاد لو كونه من اقرب قرايبك

دور مع الاجواد غيره وخله
تلقى مع الاجواد خيك وصاحبك

يسوى قريبا تفرحه فيك زله
عينه كريمه ماترى في مناقبك

ماشاف مدك بس عسرك فطن له
ان طبت ماشافه وان اعسرت حاسبك

يعني تجنب ناقص العرف كله
وافخر لك بطيب من عروق منسبك

ترا الغليل ايموت من حر غله
يعرف ماهو قدك ولا هو بغالبك

السيف له مقبض وهيبه وسله
ولك نظرتن تعرف بها من يحاربك

بعض اللحى طالت على غير مله
من غير مله كرم الله شاربك

خلك مع اللي دل الاجواد دله
يكفي تجارب في زمانك تجاربك
مساعد مزعل العنزي

رد: يكفي تجارب في زمانك تجاربك

السيف له مقبض وهيبه وسله
،،،،،،،،،،،،،،، ولك نظرتن تعرف بها من يحاربك

صح لسانك ياليمني
كلمات غاية في الروعة
بارك الله فيك ،،

أخوك
فارس عنزة