زلتي من ذنوب الوقت

السلام عليكم ورحمة الله وبركاتة

اخواني خواتي أتشرف ان اكون احد اعضاء هذا الصرح الشامخ وأن اشارك أقلامكم وفكركم الراقي

أسمحوا لي ان اضع أول مشاركاتي معكم








زلتي من ذنوب الوقت مكتوبـه
والليالـي كفانا الله بلاويـهـا
الزمن شين والأوضاع منكوبـه
والحظوظ الرديه مـن يسويهـا
كل ماقلت زان اللنش وأركوبـه
زفه الموج وأرسـاه بشواطيهـا
المدامع على الخديـن مسكوبـه
والمواجع عجز عنهـا مداويهـا
القراح المصفى مـر مشروبـه
علقمه بالكبود اللـي نقـع فيهـا
جار في الزمان وشانت أدروبه
والمماشي علي ثقلت خطاويهـا
من بديت الدراسة صارت اعقوبه
والله اعلم وش اللي في تواليهـا
المداين عن الأنظـار محجوبـه
من كثاف الضباب اللي حواليها
حال وقت الشقى نوبه وراء نوبه
وانتهت من يدينا عنـد ساعيهـا
كل ماقلت ياوقـت العنـا توبـه
لاح براق حزني فـي مباديهـا
كل خطوه على من حب محسوبه
لوعرفها توقف عـن مماشيهـا
وأنت يالي لبست من الشقى ثوبه
الصبر عون لأبـن آدم بتاليهـا
ياعظيم الجلال وقابـل التوبـه
أرحم أنفوسنا وأقبـل حسانيهـا


وسلامتكم

رد: زلتي من ذنوب الوقت

القراح المصفى مـر مشروبـه
،،،،،،،،،،،،،،،،،،، علقمه بالكبود اللـي نقـع فيهـا

الأخ العزيز مبارك النومسي صح لسانك على هذه الأبيات الرائعة المليئة بالمعاني الراقية، وأهلاً وسهلاً بك في منتدى قبيلتك

مع خالص التقدير

أخوك
فارس عنزة

رد: زلتي من ذنوب الوقت

صح لسانك

رد: زلتي من ذنوب الوقت

صح الله ابدانكم

شاكر لكم مروركم العذب

رد: زلتي من ذنوب الوقت

صح السانك اخي القدير مبارك النومسي

وحياك الله في منتداك ونت راعي محل

ونا تاخرة الفتره اللي راحت ماعندي نت

حضورك تشريف لمحللك اخي مبارك

رد: زلتي من ذنوب الوقت

كل ماقلت ياوقـت العنـا توبـه
لاح براق حزني فـي مباديهـا

الاخ مبارك ابارك لك هذا الابداع واهنيك
على هذا الحضور

صح لسانك وتسلم