تويت
عيب اشتكي غربال قلـب ابتلانـي=يتبع هوا نفسـي ويتبـع مطفـق
عايش زماني ويش جاد الزمانـي=غير القراده وحـظ ماهـو موفـق
اسعها بمناكبهـا وارجـع مكانـي=ومتني ارتكا لحمول بالزود ترهـق
اتلجلج همومـي بعـوج المحانـي=ومابحت سدي وجبتها للمهرطـق
مدري قضا ولا هو الحـظ جانـي=بس المهم افرك بكفيـن واصفـق
مالي جدا ياكـود بـدع المعانـي=وعني وعن همي متـى الله يفـرق
مدري قراده اقول يومـه سقانـي=هملول مزن الهـم رعـاد وابـرق
ماني قصير ذراع ولانـي جبانـي=يومن غيـري بالمواقيـف ينسـق
وماني ردي عـزوم ملفـا لعانـي=وعن واجبه ماحن نفسي ولارفـق
يحضر نباي ان غبت يحضر كفاني=وبمزارقي للطيب بالطيـب اسبـق
حزته لان ابوي وجـدي ضمانـي=راعي المليحا عبيد يمنـاه تطلـق
اليا انعقد حجـان والقـول شانـي=براطمه من شفهـا تـرف اطبـق
قافن طرا من شيب للنـاس بانـي=من جور حظي حر رمضاه تحـرق
صكت بي الدنيـا ومـاالله هدانـي=لوجه اصلي قبل ماضيق وازهـق
ومابي لحد فزعه وهمي عصانـي=واخفيه ومن بيح خوافيـه أحمـق
هذا اللي جاد الفكر وابـدا لسانـي=ان زال عني هم جـا هـم اعمـق
يعني انتصف عمري ولازلت اعاني=وسطرت سيرة هم للعمـر يسـرق
عايش زماني ويش جاد الزمانـي=غير القراده وحـظ ماهـو موفـق
اسعها بمناكبهـا وارجـع مكانـي=ومتني ارتكا لحمول بالزود ترهـق
اتلجلج همومـي بعـوج المحانـي=ومابحت سدي وجبتها للمهرطـق
مدري قضا ولا هو الحـظ جانـي=بس المهم افرك بكفيـن واصفـق
مالي جدا ياكـود بـدع المعانـي=وعني وعن همي متـى الله يفـرق
مدري قراده اقول يومـه سقانـي=هملول مزن الهـم رعـاد وابـرق
ماني قصير ذراع ولانـي جبانـي=يومن غيـري بالمواقيـف ينسـق
وماني ردي عـزوم ملفـا لعانـي=وعن واجبه ماحن نفسي ولارفـق
يحضر نباي ان غبت يحضر كفاني=وبمزارقي للطيب بالطيـب اسبـق
حزته لان ابوي وجـدي ضمانـي=راعي المليحا عبيد يمنـاه تطلـق
اليا انعقد حجـان والقـول شانـي=براطمه من شفهـا تـرف اطبـق
قافن طرا من شيب للنـاس بانـي=من جور حظي حر رمضاه تحـرق
صكت بي الدنيـا ومـاالله هدانـي=لوجه اصلي قبل ماضيق وازهـق
ومابي لحد فزعه وهمي عصانـي=واخفيه ومن بيح خوافيـه أحمـق
هذا اللي جاد الفكر وابـدا لسانـي=ان زال عني هم جـا هـم اعمـق
يعني انتصف عمري ولازلت اعاني=وسطرت سيرة هم للعمـر يسـرق
اخوكم/عبدالله بن ضيف الله الشملاني
تعليق