تويت
[poem=font=",6,darkred,normal,normal" bkcolor="transparent" bkimage="" border="double,6,green" type=0 line=0 align=center use=ex num="0,black""]
البشت اللي مـاهو على ذرب الافعال = ماتـنـفعـه لو زريها يطرب الموق
والبشــت لو تخــلـي الهـيـس رجــــال = شـريت له بشتن جديده من السوق
وشريت لأردى الربع من غالي المال = بشتن حساوي(ن)يشوق النظرشوق
وجزمات بيض وغتره وثوب وعـقال = وخليته مزركش تقل لون غرنوق
ميـر الردي دايـم ردي قــول واعمـال = وعمر الدجاجه راسها مارتفع فوق
ياهيه خل البشت تلبسها الابطال = لها عليهم يوم يشرونها ذوقا
تزها لعبد الله وسلطان الاشبال = ونايف وسلمان وهذا العلم ماثوق
نطاحت القالات في يوم الاهوال = والطيب يثنونه ورى الطاق مطبوق
وتزهاك ياشيخ الشيوخ ابن هذال = وشرواك من بين الرجاجيل مرموق
وتزها الشيوخ اللي مهي بشيخة ريال = مثل مصوت بالعشاء وهي به تلوق
وكرام السبال اللي يحلون الاشكال = اللي محشومينن عن الكذب والبوق
واهل الشجاعه يوم للخيل خيال = اللي يفكون المعازيب والنوق
في ساعة(ن)قلب الردي يذهل اذهال = يردون حوض الموت سابق ومسبوق
واهل العطايا اللي عاطاياهم جزال = غيثاً من المنشاء به رعودوبروق
والا الردي بشته تقل دقن دجال = دقنه تجي شبرين والقلب مشقوق
عايش مع العالم منافق ومحتال = لاخايفن خالق ولارحم مخلوق
ويقول انا سلالة فلانان ابن ال = وهو طيرتن برقاء وطرياه ممحوق
والمعذره والهرج لونبحثه طال = ومن ماتشوف العين سويت طاروق
[/poem]
تعليق