سمعت لي كلمـة مـدري وش اقصاهـا

[align=center]قصيدة للشاعر عبدالله زويبن الحربي


سمعت لي كلمـة مـدري وش اقصاهـا
حـزت بنفسـي وأنـا مانيـب هارجهـا

لـو كـل كلـمـة إليا جتـنـا طردنـاهـا
بعنـا الثميـنـة بسـعـر مايخارجـهـا

لـو مـرت السمـع ماكنـا سمعنـاهـا
ونقفـل الـراس عنـهـا لا يبرمجـهـا

ومـن يـم هــذا لـهـذا مانقلنـاهـا
والنـاس واجـد وتلقـى مـن يروجهـا

مـن جابهـا بيـن خـلـق الله وداهــا
لو بـه مراجـل تـرى نفسـه يسمجهـا

ومن عامل الناس فـي سابـق خطاياهـا
يقعـد بـدارن خــلا مــاداج دايجـهـا

فـي كنـة تشـوي الجربـوع رمضاهـا
وتابس غصون الشجر من حـر واهجهـا

والناس بالحق حكم الشيخ مـا أرضاهـا
ماتقنـع النـاس لـو انــك تحججـهـا

ياللـي تبـا الطيبـة خذهـا وعطنـاهـا
وخـل الطريـفـة طـريـة لا تثلجـهـا

وأقضب طريـق الأوادم وامـش ممشاهـا
أتبـع دروب العـرب وأدرج مدارجـهـا

وأرسـم لنفسـك حــدود ولا تعـداهـا
من حط نفسه بـدرب الضيـق يحرجهـا

وان كـان نفسـك هواهـا قـام ينحاهـا
حط الأعنـة بـروس الخيـل وأسرجهـا

وفـكـر بمنكافـهـا قــدام مغـزاهـا
واضـرب حساباتهـا وتشـوف ناتجهـا

وكـل بعضـده يمـوح الدلـو برشاهـا
وتلقى كبـود الضوامـي مـن يبرهجهـا

وان كان تـوك علـى صـدرك تهجاهـا
حنـا ترانـا نـدرس فــي مناهجـهـا

مـن يـم مصباحهـا نبعـد معشـاهـا
إلـى قعـد راعـي الضـالـع يدرجـهـا

لو هي صعيبـة إلـى انعاجـت عدلناهـا
واللـي تجـي مستقيمـة مـا نعروجهـا

نهتـم فـي وزنهـا وابــرام معنـاهـا
ومـن الكرستـال واللـولـو نتوجـهـا

مثـل الجواهـر ليـا مـنـا نضمنـاهـا
وسلوكها مـن جديـد الـزري ننسجهـا

مخايـل ترتـدم والـصـدر منشـاهـا
لا دك بالـبـال داكـــوك يهيـجـهـا

وليا أمطرت ضاقت الوديـان فـي ماهـا
تاخذ إلـى الحـول مـا يبسـت مدالجهـا

وان صدت الناس عنـا مـا أعترضناهـا
مـا تقفـي النـاس عـنـا ونتولجـهـا

وإن جاتنـا الطيبـة بالطـيـب زدنـاهـا
الطيبـة بالعسـل والسـمـن نمزجـهـا

وان جاتنـا الثانيـة نصـبـر ونرفـاهـا
يمكـن إليا فـاق راعيهـا يعالجـهـا

وان عادهـا عـودة مـاعـاد ينسـاهـا
من حربة فـي صميـم الصـدر نولجهـا

مسمومـة يبلـش الدكـتـور بـدواهـا

مايقنع الخبل لين انه ايلامجها



عجبتني وعسى تعجب الاعضاء جميع[/align]

رد: سمعت لي كلمـة مـدري وش اقصاهـا

[align=center] اكيد تعجبنا دامها من اختيارك

صح لسانك ولسان شاعرها

تسلم عمي ابو مشعل على هذا الاختيار

تحياتي واحترامي لك



[/align]

رد: سمعت لي كلمـة مـدري وش اقصاهـا

[align=center]اخي الكريم
نايف النمرااان
صح لسانك ولسان الشاعر
الله يعطيك العافيه على النقل الرائع
تحياتي وتقديري لك[/align]

رد: سمعت لي كلمـة مـدري وش اقصاهـا

[align=center]اي والله عجبتي حيييييييل اخوي نايف النمران


وفيها من الحكم الكثيرالله يعطيك العافيه على هالأختيار الرائع


لك مني كل الشكر والتقدير[/align]

رد: سمعت لي كلمـة مـدري وش اقصاهـا

[align=center]اي والله تعجبني

ولو كل كلمة تنقال لنا نركض وراها

تعبنا ما حصلنا معانيها وهالوقت واجد
والمشكلة انا قريتها اليوم بالجوال وضاااااق خلقي
لكن الله كريم
صح لسانك ولسان شاعرها[/align]

رد: سمعت لي كلمـة مـدري وش اقصاهـا

[align=center]اخي نايف صح لسانك ولسانك شاعرها
اختيار اروع من الرائع لاكن يبدو ان اخر
شطر من القصيده سقط سهواً ياليت تكمله
ولك كل الشكر والتقدير[/align]

رد: سمعت لي كلمـة مـدري وش اقصاهـا

[align=center][align=center]اخوي نايف

دمت لنا ودام بوح قلمك وسلمت الانامل


احترامي وودي[/align][/align]

رد: سمعت لي كلمـة مـدري وش اقصاهـا

[align=center][all1=cccccc][align=center] تسلم يدينك ابو مشعل
قصيدة قمة بروعه والجمال
الله يعطيك العافيه على الاختيار المميز
أعذب و أرق تحيه

[/align][/all1][/align]

رد: سمعت لي كلمـة مـدري وش اقصاهـا

صح لسانك ولسان الشاعر
تسلم أخوي أبو مشعل
على هذا الأختيار الرائع

تقبل تحياتي وتقديري

رد: سمعت لي كلمـة مـدري وش اقصاهـا

[align=center]شاكر لكم مروركم جميع

مشكور ابو وليد على الملاحضه وتم تكملة البيت[/align]

رد: سمعت لي كلمـة مـدري وش اقصاهـا

اكيد تعجبنا دامها من اختيارك

صح لسانك ولسان شاعرها

تسلم ابن عمي

رد: سمعت لي كلمـة مـدري وش اقصاهـا

[align=center]
الله يعطيك العافيه اخوي نايف
قصيدة رااائعة تدل على عمق وجزالة ذائقتك الشعرية
لا تحرمنا من اختيارك المميز

دمت بود وتقدير
[/align]

[align=center]و*17و*17و*17[/align]