(( ديوان الشاعر حسين الهوران ))

[poem=font="simplified arabic,6,black,bold,normal" bkcolor="transparent" bkimage="" border="double,10,black" type=2 line=0 align=center use=ex num="0,black"]
ماطواك الوقت ياذكرى الولايف= كل ماحاولت انسى تذكريني

لابغيت اسج لي في راس نايف= تنود بي ذكراك لبداية سنيني

صورة ماتنمحي وطيف تكايف= مع هبوب النود ناد,الشوق فيني

تستبيح البوح واسرار النحايف= وتسري الآهات ويعود الحنيني

مانسيت لقاي يااحلى المصايف= يااول بدايات درب العاشقيني

جيت اجر,خطاي للقيا,واسايف= وكان فيني رهبه ونبضي يحديني

ابتديت وقلت:يااغلى الولايف= يامساءلقاك فل وياسميني

قالت اهلا فيك مع بسمة شفايف= ولاشعرت الابدفا,يدها بيميني

وارتجفت وقالت انت اشفيك خايف= قلت انا مالي تجارب اعذريني

واضكحت والموت ياضوح الرهايف= ونادت الغره على صبح الجبيني

قلت انا دخيل هنفات اللطايف= بقدك المياس لاتتمايليني

في عيونك ليل وخدودك قطايف= والشهد ينساب بين الشفتيني

في دلالك غي بعذوبة عفايف= وسلهماتك تجعل القاسي يليني

جمع الخلاق بك زين الطوايف= وبك تمازج نيلها والرافديني

قالت انت الشاعر اللي بالصحايف= ياسما,الإحساس نجم المبدعيني

ارق يانجم الثريا,للنوايف= واهدني من در,جوهرك الثميني

قلت انتي ثامنة سبع التحايف= انتي اكبر من صفات الواصفيني

ثقلك الردفين وخصورك خفايف= وليلك لياانساق به تتلحفيني

قلبي اللي كان قبل لقاك عايف= من صدفتك صار بيدينك رهيني

ياحكاية عشق وجروحٍ نزايف= حبك اسرى وسط دمي صدقيني

شاعرك له صارت الشرد عسايف= وانعسف لك ياغلا,من نظرتيني

انتي اول حب في عمر الطرايف= وابعدتنا,ظروف هالوقت اللعيني

كل ماعنيت انحت لك صلايف= وانقش اسمك في صفا,حرفي الحزيني

انسج من الموج لك دل وسفايف= وكل ماهب العذيبي سولفيني

شاعر.الأحساس ماهوحب زايف= في زمان فيه قل الصادقيني

لوخسرت العمر لعيونك كلايف= لأجل اشوفك ماني من الخاسريني

كل مااشرفت في عالي النوايف= الهبوب تجود وتهيض حنيني[/poem]

[poem=font="simplified arabic,5,black,bold,normal" bkcolor="transparent" bkimage="" border="double,10,limegreen" type=2 line=0 align=center use=ex num="0,black""]
بالله وبْكتبه.ورسْله.انا.آمنتْ=وقضاه واقْداره.ويومه.وغيبه
ودوّهتْ.لحروفي.وتهادتْ.ودوّنْت=من عذْي نبْع البدْع.ماهي رتيبه
كتبْتهالإسْمك وبسْمك.تسلْطنْت=يامن يغار الطّيب لاشاف طيبه
ولاظنْ لي لايم.الْياقلْت وامْعنْت=قلْت انت لي عزْوه ومحْزم وهيبه
اصْدحْها صادق وللكون اعْلنْت=وشْ.قلْت عنّك بالوقوت الرّهيبه
قلْت الذي من صدْق الاحساس مكّنْت=لحْظة غيابك والغثا.حاف ذيبه
لاضاق صدْري مالي انسان غير.انْت=ياخويهْ.اللي عجْزتْ.امّي تجيبه
يامن فعلت الطيب بالصّدق هيمنْت=على عروش اهْل الوفا.وتسْتويبه
اقولها واقْسم بربّي وثمّنْت=فيك المواقف من قريب لقريبه
وراجعْت بسجلّ اصْدقائي وقارنْت=ماشفْت بالشّدّات غيرك كسيبه
لله درّك ساقك اصْلك وبرْهنْت=انّك سلايل من يردْ.الذّهيبه
لن الذّهب ساسك واصْلك ولاهنْت=والعز.بأهْل العزْ.مابه غريبه
ربّاك عودٍ.ولْوصاياه اذْعنْت=انا اشْهد.انّه فيك مانال خيبه
مع وقْت شحْ.الجود جيت وتزامنْت=جادك لنا.والجود.ناشف قليبه
فيك الشّجاعه لانْتخوْ.فيك وافْتنْت=من هيبتكْ.خصْمك جداه الهريبه
وانا الذّي بحرْفي كم افْرحْت واحْزنْـت=لقيت فيك انسان كفْو.احكيبه
ياحي منْطوقكْ ولايوم بطّنْت=معْناك مثْل اصْلك معادن خصيبه
وانا العقيم.ولا.ولدْ.لي ولابنْت=عوّضّني الله فيك اخْ.انْتخيبه
بوقْت الشّدايد لاوقعْت.وتوهّنْت=ادْري ورايهْ.رجْل.يسْوى كتيبه
لاضامني وقْتي ولوْ.وين ماكنت=صرخْت بسْمك.جيت فزْعة نديبه
ياعزْوتي اللي لعهْد.صداقتي.صنْت=انا اعْتبرْتكْ.لي عضيد اقْتديبه
لاتاهنْ اشْواري على ارْياك راهنْـت=وكسبْت انا برأْيك.عقولٍ.لبيبه
بمبدان وقْتي للمواقف تعيّنْت=ماشفْت غيرك فوق اشْعل سبيبه
سيفك من الفولاذ بالضّنْك بيّنْت=مثل القضا.سيفك.بخصْمي اتْهويبه
من شفْتك زال خوفي وتطمّنْت=وهلْهلْت.وايْقنْت لعدوّي الغليبه
من عزْ.وايل بالنّفايل تفرْعنْت=وبك من طنا.شمّر.ونخْوة عتيبه
وانا لأجل ردْزالجمايل تحيّنْت=فرْصه امجّد.يالرجال العريبه
طرّزْت معْنايه بطيبك ولوّنّتْ=من نبْع.جودٍ.دوم سايل شعيبه
يامن عن دروب الرّزايا.تيامنْت=يامن حسبْ.بصباه لوقار.شيبهْ
للطّيب وافْعاله وللمجْد.لقّنْت=للجاهل ان الطّيب يبْغى ضريبه
المجْد.والاقْدام.وان كان.كنْكنْت=متهيّب.اللّقْوات ماينْهقيبه
وفيت ياللي بالوفا.ماتهاونْت=بعهْد.الاخوّه.يالخصال الأديبه
اعاهدكْ ان خانتْ الارض ماخنْت=والوايلي ماخان عهْدة صحيبه
ولاعنْدي اثْمن من خيولي لك ارْسنْت=اصايلٍ.صعْب القافي اتْحديبه
كتبْته بسْمك وبالصّوت هيجنْت=وطرب لها المعنى الثّمين ومغيبه
عاتب على كيفكْ.لأنّك عليْ.منْت=تمون ياخويهْ.ولافيه ريبه
احسْ.بقصوري ولوْ.قالز.احْسنْت=نقْطه ببحْرك يابكوري النّجيبه
لكن تأكّد.انّني لوْ.تكفّنْت=اوصي بكتْب.البيت فوق النّصيبه
بيت الاخوّه.كل ماضيق دنْدنْت=واهيّب بإسْمك زماني وأليبه
وانا الاصيل ولو بوقتي تمدّنْت=ابقى اخوك.حسين وقْت المنيبهْ
واردّها..مالي بهالكون غير انْت=ياخويهْ.اللي عجْزتْ.امّي تجيبهْ [/poem]

[poem=font="simplified arabic,5,black,bold,normal" bkcolor="transparent" bkimage="" border="double,10,limegreen" type=2 line=0 align=center use=ex num="0,black""]
لاضاق صدرك وانْحشك فيك مذْهبْك=ازبن رحابة بوح قافك وفلّه
هيجن فرايد نادراتك وتطربْك=واسكب عذى هجس المعاني وزلّه
لادرْهم بليهي نوادر,ركايبْك=تبوح.الحنايا.الحدْب لادوّهنْ لّه
ولاالّتم.كل الذّود.كمْلتْ كتايبْك=تحس كنّك مالك الكون كلّه
تلذّذ,بصافي صوافي مشاربْك=درّ.البكور.المكْرمات المدلّه
وارْق بسما.فكْرك.لشاهق كواكبْك=اسْكب رذاذ.الشّاهقات المطلّه
الغيم لالامس.مداه بمناكبْك=امْطر.سحايب.هجْسك المسْتهلّه
طهْر.القوافي.ديمها.من سحايبْك=تروي عطش.كبْد.اليباس.وتبلّه
والشّعر.عمْق احساس.لاطرّزه سبْك=ماهو تصنّع.صادقه.ماتملّه
يابوح قافي.جود.كايف اطايبْك=واسرْ.بعروقي. وبين حدْب الأهلّه
ترنّم.بعزْفك.لنايد.هبايبْك=لحّنك.صوت البوح.وابْلغ جملّه
لاهبْ ذعذاع.الشّمالي.وواكبّك=تبْدع وهايب.حكْمتك.من جبلّه
تجارب الماضين.لوحة تجاربْك=والله خالق.لك دوى كل علّه
قل للولد.وشْفيك.ماارْضيت شايبْك=احْسب.ليوم تصير.انت بمحلّه
وقت الشدايد مختبر.صدْق صاحبْك=والاالرّخا.ينْعدْ.من ضمْن شلّه
الْياانوكل زادكْ فكثّر مراحبْك=ماينْرجع.مير.اكسبْ.الطيب كلّه
عنْد المواقف لاتقصّر بواجبْك=اللي يبي الطّولات حمْله يشلّه
وساس الرّدى.يومنْ تعادي قرايبْك=وصل الرّحم.واجب دمح كل زلّه
ربْحك من اعمالك وناتج مكاسبْك=بعد.الفرايض.قلب مافيه غلّهْ
الله يالدّنيا.كثارٍ.حبايبْك=متقلّبه.والغدْر.بسْمك سجلّه
قالو.الهوى غلّاب.ماامْداه يغلبْك=بلحْظه غدرتي به وماادري اشحْصل لّه
ياقاف شعْري وين شاحت ذهايبْك=هن مشملات.مهاوزات الاظلّه
اصْدح بعالي الصّوت ياقاف طالبْك=صوتك شموخ الرّاسيات طربنْ لّه
وانا معك ياقاف دوّه واجاوبْك=وسيف المراجل من جفيره اسلّه
اذا يمينك ماتدسّم شواربْك=اسألْك بالله.انت وشْ عايشٍ لّه
فعْلك رصيدك.مايزبّك منسبْك=ولاينْفعك مالك بكثْره وقلّه
فعْلك هو اللي فوق يرْقى بمراتبْك=وراعي الرّدى ماطيّبنّه حيلّه
وياحزام هقْواتي كربْتك وابااكْربْك=وابااعْتزى والموت.ولا.المذلّه
تموت رافع راس.تشْهد نصايبْك=وتراب قبْرك.فاح ندّه.وفُلّه
يارب انا احْمدْك.واشْكر وهايبْك=وهبتني.حرْفٍ.زهى في حللّه
يارب يارحمن.اغفر.لتايبْك=واسْبغ عليه.ظلال.ظلّك.مظلّه
واجعل ختامي مسْك.من فوح اطايبْك=ياعالم بالامر.دقّه وجلّه
[/poem]

[poem=font="simplified arabic,5,black,bold,normal" bkcolor="transparent" bkimage="" border="double,10,limegreen" type=2 line=0 align=center use=ex num="0,black""]
القصيد ابحار.هجْس وبهْجته وقْت إكْتشافه=له عموقٍ.تتْعب اللّي ماعرفْ معنى دررْها
مايغوص اعماقها.الامن عرف نونه وكافه=ان رقتْ له فوق يرقى.ماحدرْ.مع من.حدرْها
همْهمة حدْب المحاني.والضّيقْ.والإرْجافه=غموضها.يتوّه.عقول.وحيّ رت قصّاص اثرْها
ان تخيّلْها.هنوفٍ.ماوطتْ جسْر.الرّصافه=وان تخيّلها.كحيله.سابقٍ.تلحق قدرْها
آه.يارتْل القوافي.لمّك الشّاعر بقافه=المدى.لوضاق.شاسع.ليلتهْ.لجْلك سهرْها
ياعيون السّلسبيل.ويارواه.وارْتشافه=ضامياتي واردات.لنبعها وصافي نهرْها
ياسراجه وابتهاجه.رمْز.طهْره.ياعفافه=سافريبه.للدّروب.اللي تطاولْه.بسفرْها
ياصدوق حروف.بكْر.الهجْس.يارمْز.اخْتلافه=يارحبْها.في فضاها ودوّها.وغبّة بحرْها
لاسريتي بالعروق.وصارلك قلْبي مضافه=هلهلْت عذْي الفرايدْ.فرحةٍ باللي عبرْها
آه.ياشيب السنين.وياشّقى.بوح انْتصافه=صغْتك.ببدْعي.حكمْ.من صفا.عالي صخرْها
امتزج فيك القديم.وحاضرك.مابه كلافه=ديم من فكْرٍ.صميم.هيجنة بوحه جهرْها
ياقصيدي.لكل آفه,خالق.الخلّاق.آفه=ولايطوّلّن.السنين.ان قدّر.المولى وقصرْها
ايه ياطهْر.الجباه.خضوعها لربّ.نخافه=وايه.يابيض القلوب.وبالنّقى المولى عمرْها
وإيه يانفوس.الاصايل.مورد.الذلّه.تعافه=لوضماها.به تموت.عزّةٍ.صعْب اتْخسرْها
والزّمن.لوهو.عطالك.لاتأمّن.من عجافه=لوتضيق.البيد فيك.الفرج.اقرب.وأرْها
من زرع حصّاد.ناتج بذره.اليااينع قطافه=وغارس.البذره.جناه.نفس.غرْستْه وثمرها
من يقول ابليس برّر.كل ذنْبٍ.وإقْترافه=لوهو.مفتّح.عيون.فاقده.عينه بصرْها
والصّخى.بشموخ.بيت.شاهده مدْسم رفافه=صاحبْه.رمْز.المروّه.مدْهر.وقوته بهرّها
ياقصيدي.به ترنّم.وهاتها.زافه.وزافه=والحروف الشّاديات.كسْرها طيبه جبرْها
ياحروفي النّايدات.عمق معناي.وضفافه=ياعذوبة كل ليله.شاعر.المعنى سمرْها
بين حدْ.الجد.سيف.شذرته.تلْمع طرافه=وبين حدْ.الحزن.مزْن.برْقها.شعْ.وشطرْها
كل مااسوق التّفاءول.جاه ذيب الهم حافه=وكل مااحلامي تشافت.زارها اليأْس.ونحرْها
ياضما.الحرْمان.بلْ.ارماق.من يبْست.شفافه=ملْ.صبْره.والمواجع.كل مازادت عسرْها
ياسنيني شيب.راسي.كل مبصر.حين شافه=ابتسم.لجل الوقار.وصدْ.ودموعه نثرْها
ماكتبتك.ياقصيدي لجْل نشْرك بالصّحافه=كنْزي انت لمن ورثْني.شمّسك.تحيي.قمرْها
شاعرك.رمْزٍ.الشّموخ.كتاب اسمه في غلافه=الله.اعطاه.الوهايب.والفرايد.يبْتكرْها
شاعرك.ماله خليفه.لجْل يعطيه الخلافه=شاعرٍ.بوحه سجيّه.من لدنْ.ربٍ.فطرْها
هجْسه.ومعناه.غير.وفوق تصْوير الخرافه=من معاناته.تغنّى.المفرده وارخت شعرْها
لويهيجن هيجنت له.في حنان وفي لطافه=وان تألّم.انزفت له عزفها يجرّح وترْها
ولاحدا.جادت حداها.تطْوي.دروب المسافه=ولين نادي ياحروفي.جات طوعه.حيث امرْها
بينها.ومابين روحه ألْفه.وحب وولافه=كل ماجاد.وترنّم.عقول جلّاسه.سحرْها
يااله الكون عبدك.لك رفع كفّيه..عافه=مؤمن بك وبقدرّك.وسابغ.نعمّكْ.شكرْها
ياكريم ذوجلال.وستْر.زابنْك.ولحافه=رحْمتك.لايأْس منْها.ووالديني.معي اجرْها
يارجا.المؤمن.بخلْدك.عوضه.دنيا,الصّلافه=ولوذنوبه.مخ جلاته.طالبك.ربي اتغفرْها
خاتمتها. فوح مسْك.لبوح فكري واعترافه=شاعرٍ.لومات.واقف مثلما شامخ شجرها
[/poem]

[poem=font="simplified arabic,5,black,bold,normal" bkcolor="transparent" bkimage="" border="double,10,limegreen" type=1 line=0 align=center use=ex num="0,black""]
قصايدي بوح وجْداني =ربٍّ. وهبْها مباركْها
تنْساب من شذْرة لساني =يا طيب معْدن سبايكْها
ربّي على الفطْره اعْطاني =قّبِ. تقادحْ سنابكْها
جزْلات اصيلات وسماني =بعْض البشر صعْب يدْركْها
وفرايد.اذْواد قيفاني =لاضقْت بالطّرس ابرّكْها
تسْري مع نبْض شرْياني =حتى بالانْفاس اشاركْها
رزيمها احْساس الاوْزاني = وتدْهم همومي وتدْهكْها
رغْم الأسى.رغْم حرْماني = تنوض فيني محاركْها
تدرْهمْ. بترْتيل قرْآني = شيوخٍ . تأدّي مناسكْها
هديرها يشعْ.بإيماني = وتضْوي عتامةْ حلايكْها
لاضاق وهّاج الاوْجاني =والعبْره.الهم.حاشكْها
اهْدي له درْرٍ,ثماني = بكور الفرايد له. احْبكْها
والبٍّسه ماس تيجاني =لول القلايدْ .محكْحكْها
يامهْرتي ونصْفي الثّاني =حروفي هداياك اشْيكْها
وانا الوفا,جذور جداّني =بالمسْك ربّي ممسّكْها
شاعر ولايقبْل الدّاني = ساحات الابْداع يرْبكْها
بعيونها الكلْ يقْراني =مصْيونةٍ عن ركايكْها
قصيد ويهزْ .الارْكاني = ولالاكها لسان لايكْها
شاعر حكمْ نهْجي انْساني = اسْلك صعايب مسالكْها
لاجاح صوتي بالالْحاني = كل الاحاسيس احرّكْها
تفخْر.معي وقوت الازْماني =حروفي بالافْذاذ. شابكْها
سجّلت اسْمي وعنْواني =بصفْحات ارْقى ممالكْها
عهْدٍ علي كانه امْداني =لكْسبْ بحرْفي معاركْها
بفرايدي .بوح وجْداني = مادام ربْي مباركْها[/poem]