بين العرب والفرس مابه مساواه

ايران ضحت بك ولابه مراواه
بعت النعيم اللي تعيشه بدارك

بين العرب والفرس مابه مساواه
ماشفت حقد الفرس غير مسارك

كنت بنعيما كل شخصا تمناه
منهو تعرض لك ومن داس عارك

طاوعت حقد الفرس وجهك نثر ماه
خنت العهد للدار واحرقت جارك

طهران ماعزت شعوبا معناه
شف شعبها في منقع الذل بارك

في سوريا ترسم وجوه المعاناه
وسط العراق تشب نار المعارك

وقبل اليمن لبنان تمشي ابلاواه
تزرع لك الفتنة وتدعم حصارك

واصبحت لجل الفرس غايه ومقضاه
والمفترض في عز دارك تشارك

الفرس لو تحكمك راسك تقاضاه
اول ماتبدا به بداية دمارك

حقيقة التاريخ ماهي مخباه
في وسط مكه دونت بالمدارك

اقربها حج العام والفعل سماه
سفير فارس بالجريمه مشارك

سياسة التدمير فكره تبناه
من خطته تحدث دمارك بدارك

ونصيحتي يااهل الوصوف المسماه
بدرب التباغض والفتن وش مدارك

من يتبع محمد على الخير ممشاه
عليه انا اصلي وسلم وابارك

وصحابه اكرما خيارا معذاه
منهاجهم نهجه كريما مبارك

ماني من اللي حيلة الشتم مبداه
سلمي كذا مابه يمينك يسارك

اكره ماعندي غدر الانسان مرضاه
عندي قرارا يختلف عن قرارك

دعوه من اهل العرف والدين والجاه
للحق حق وللمنازع معارك

سيف المنى.. مساعدالمزعل

رد: بين العرب والفرس مابه مساواه

بين العرب والفرس مابه مساواه
،،،،،،،،،،،،،، ماشفت حقد الفرس غير مسارك

صح لسانك عالقصيدة الجزلة
دائماً مبدع ومتميز

تقبل تحياتي،،

رد: بين العرب والفرس مابه مساواه

شاعرنا مساعد اليمني

صح لسانك على النص الرائع

الله يعطيك العافية