|
منتدى قصــائد الأعضــاء |
الذهاب إلى الصفحة... |
|
أدوات الموضوع | انواع عرض الموضوع |
04-09-2012, 05:59 PM | #1 |
تاريخ التسجيل: Nov 2008
المشاركات: 7,355
معدل تقييم المستوى: 340 |
يقولون سر الشخص لامن ظهر يؤذيه
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يقولون سر الشخص لامن ظهر يؤذيه = وانا السر عندي ساجنه وسط زنزانه ولويفتح اذنه ناقل الهرج مايوحيه = لوانه بذل قصارجهده على شانه ردي العزايم بالكرب لارحم واليه = لايدري بزلاتك لو انك حدى اخوانه لاتاخذك فيه انك ابن عم وابن اخيه = ترى مال نقال الحكي غير حقرانه ترى الصدر صندوق(ن)مقفل على مافيه = ولاينكب احيان ال ابن ادم سوى لسانه اللي يجيب الهرج للناس ويوديه = مشغول بين فلان وفلان وفلانه ماينظر سما دايم عيونه تحت رجليه = كبه ويلقا من طيوره وصدقانه ويرتاح معه ولايجيني وانا ماجيه = ولابي تليفونه ولاريد عنوانه عسى واحد(ن)مايجمل ولاالله مهاديه = يقشه القشاش قدام بزرانه ولوان صدري جرح سيف الغدر مدميه = مايدري به الا رب الارباب سبحانه اسجد لرب(ن)يمرض العبد ويشافيه = كريماً عن المحتاج ماصك بيبانه وارفع يديه واطلبه والتجي ايليه = واتوسله عطفه ولطفه وغفرانه وابي الوذ في بوحي الى الشعر واحاكيه = لاعله يبدد ضيقة الصدر واحزانه واسولف مع القمراء على اليل واناجيه = بكل اريحيه يطلق الشاعر حصانه على النار والدله وتمر الحسا ناقيه = بروض الحياء والارض خضرا ورويانه ماغير ام سالم صوتها بالسماء تلاحيه = تهوبل على يادان وا دان لادانه حرام انها اطلق من رفيق(ن)قصار يديه = الياجتك تستعرض تقل فيك فرحانه يالبيه فيها ثم مليون يالبيه = ولوانها طيراً يرفرف بجنحانه افضفض عن الصدر الذي هاجسه مشقيه = بطاروق يعجبني ومرتاح للحانه الياصاغه الشاعر ومن بعده يغنيه = متخير اللي يلامس(ن)كل وجدانه [/poem]
__________________
I thank those who work for me this signature Is not necessary to know who I am
التعديل الأخير تم بواسطة معيض بن عريفج ; 04-10-2012 الساعة 11:32 PM |
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
الانتقال إلى العرض العادي |
الانتقال إلى العرض المتطور |
العرض الشجري |
|
|