قلوبنا صارت كما الثلج في النار =بصدورنا من حيف الأيام ذابت

آخر ما كتبت أتمنى
أن تشفع لي

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]


يا صاحبي خلك على الوقت صبّار =مثل الجبل في وجه الإعصار ثابت
الوقت قالو فيه بالناس دوار =وكم ودّت الأيام معها وجابت
هذي هي الدنيا مع العاق والبار=تشين عشر سنين لو يوم طابت
دنياً تسدد غبن لأشرار وأخيار=بسهومها من بين الأضلاع صابت

شفنا القهر منها تراديد ومرار=والروس من زود الغرابيل شابت
كم صدمةٍ جتنا من إيمين ويسار=منها دمانا في الشرايين رابت
وقلوبنا صارت كما الثلج في النار=بصدورنا من حيف الأيام ذابت
ياما تصبرنا ولو صار ما صار =وياما ظنون يا ابن الأجواد خابت

وكم قلب مقهورٍ من الوقت محتار =فيه القهر من صغر نامي ونابت

وياما يمين ٍ تنقل الحمل لو جار =من كثر ما شالت وأنا أخوك عابت

ناسٍ خذت مع ناس سجه ومشوار =ونهاية المشوار من قلب تابت

كانو يقولون الكفو ياخذ الثار=واليوم ظاع الدم والقوم هابت
صار الصحن مقلوب ونقول الأقدار=وشمط العجايز في زمنا تصابت

والطير لولا الريش في الجو ماطار =خذها ترا عندي عليها ثوابت
[/poem]

محبكم
يوسف العضياني