((ديوان الشاعر:مـعـيـض بن عـريـفـج))

[poem=font=",6,darkred,normal,normal" bkcolor="transparent" bkimage="" border="outset,9,green" type=0 line=0 align=center use=ex num="0,black""]
ياللي موادعك سكرة مووت تالي حياه = ودعتك الله والخافق بدا00يحتضر
والمنتحر يحسب ان الموت هو النجاه = والحزن ضيق على صدري وجيت انتحر
قلبي وداعتك وانت وداعتن للإله = والقلب عندك وعرقه معي مير انفجر
ياصاحبي كان تسمع كلمتي قول هااااااه = وانا ابا اعطيك كل الهرج بالمختصر
العام اشوفك مثل غيرك بدون انتباه = ولافرح ولاحزن اليامن غاب والا حضر
واعجبت بك اكثر اكثر لين قلبي ملاه = حبك واشوفك بعيني غير كل البشر
واليوم انا صرت مجنون(ن)لايرجى شفاه = مجنون في حبك اللي مثل عمق البحر
كل حس فيني ترى شوفك وقربك مناه = وغلاك في كل شيء بداخلي منتشر
صرت انت اللي اعشقه واللي اتنفس هواه = انت اكسجيني ولي الماء وضوء الفجر
وانتي لي الكون ومايحوي واكبر غناه = وشمس النهار وسكون اليل وانت القمر
واللي صعيب(ن)وصاله مايفيدك غلاه = والحب هو والحياء والبعد مووووت(ن)حمر
لكن ابا اشيل جرحي لو ماحصل دواه = واقفي عسى القلب ينسى كان باقي عمر
ان عشت ابا اسير اقدامي بكل التجاه = وان مت ماني لحالي مات قيس ونمر
ودعتك الله حبيبي وانت اساس الحياه = ودنياك يبكي بها المولود واللي يحتضر[/poem]