في بيت ضوي::مساجله بيني وبين الشاعر فهد عايد الضوي

رواد هذا الصرح الشامخ
مساكم نور ومسرات يسعدني ان اضع لكم هذه المساجلتين بيني وبين الشاعر فهد عايد الضوي
اتمنى ان تنال المساجلتين على رضاكم واستحسانكم
يقول الشاعر فهد عايد
[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلطان جيتك هذي عندنا يـوم عيـد=اقلط على الدلـه الصفـرا وفنجالهـا
في حلة اللي لهم بالعز مجد(ن)تليـد=ضواويه والسعـد يالنومسـي فالهـا
يامرحبا وانت ياسلطان شاعر جديـد=وش تحت غترتك يارجال وعقالهـا
شاعر ونعرفك ياسلطان باسك شديـد=والكلمـه الطيبـه تنـزل بمنزالهـا
عطنا هنا يابن نومس كل در(ن) فريد=حتى نقول ابن نومس كلمتـه قالهـا
اختر تكون الزعيم اليوم والا العميـد=وان درهمت فاطرك مثنين اعقالهـا
لاهبت الريح يهتز الـورق والجريـد=نعرف رصيد العرب لوكثرت اموالها
الدار بحماية الله ثـم ضـل العقيـد=الله يعـز الديـار اليـوم برجالـهـا
مايخضع الراس غير لحكم رب العبيد=ولا كل نفس(ن) تبي تبقا على حالها
وانا احمدالله لي نظره وشوفي بعيـد=احل كل العقـد لـو تبـرم احبالهـا[/poem]
رديت عليه اقول[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صح الله لسان من رحب بجزل القصيد=قافيـةٍ وجـهـة يـمـي بموالـهـا
رحب وبعده دعاني يم طلـع الجريـد=في حلـةٍ بالكـرم مصفـوفٍ دلالهـا
ارويت راسي من الدله وعلـمٍ حميـد=في بيت ضوي علوم المرجلـه نالهـا
ثمَن دعيت القوافي لين لبـى السديـد=قافٍ ضلوعـي منـه يرتـج زلزالهـا
يوم انتخى القاف والجن بصريخه مريد=ايقنت بأن القصيـده صـار يزهالهـا
ذلول شعري على الشده ذلـولٍ تكيـد=عقالهـا مأنثنـى والـراس خيالهـا
مبطي وانا يافهد بالشعـر دم اووريـد=برهـان للكلمـه اللـي زل عيالـهـا
امثل النومسي وان قلت مانـي بليـد=بالكلمـه الطيبـه والعـز يبرالـهـا
امثل العايـد اللـي للمعالـي تصيـد=اللابه اللي علـوم الطيـب منوالهـا
شاعر ولي بالقصايد بيت عالي مشيد=وانا افتخر يوم سقنا لك مـن زلالهـا
لنك كفو بالقصيد وكـل علـمٍ مجيـد=واقبل تحيـه يابـن عمـي تقفالهـا[/poem]

تحياتي للجميع