أشرايك تكتب بيت شعر ايعبر عن حالتك النفسيه !!!!!!

انا لامن نويت أعشق أعشقك لو تروح أميال
وأنا لامن نويـت الصـد تبطـي ماتلاقينـي
يا أنك تلتفت صوبي وتبقي لو تصير أهـوال
أونك تبعتد وتروح وتنسـى كـل عناوينـي
حلات الحب من صوبين وناسن تضربه أمثال
ترى هذا هو الحب الحقيقي يانظـر عينـي
مدام إن الغلا تـوه وغيمـه بالسمـا همـاال
تعال وعطني كفوفك وفدوه لو تبـي سنينـي
تعال بصادق احساسك تعال بصادق الامـال
ترى دربك يلوح لى وأحسـه دوم يدعينـي
تعال وتبشر بقلبن على صـدر الغـلا ميـال
ترى قلبي احس انه علـى دربـك يمشينـي
وإذا ناوي تجي في صدق وقلبك للهوى قتال
وناوي حبك بقلبي يجـي وسـط الشرايينـي
أبي منك تواعدني وتبصم بالهوى لـو طـال
أبي كلمة شرف منك تـرى هـذي تكفينـي
إذا حب البشر كذبه أبي حبـي معـك لازال
وإذا حب البشر يفني أبـي حبـك يغذينـي
وإذا ناوي تجي تلعب وناوي بعدها ترحـال
لاوالله روح في دربك مدامه حيـل يمدينـي
ترانا بالبدايه فكـر بعقلـك وراحـة بـااال
ترى درب المفـارق مـا أطيقـه لاتعنينـي