أشرايك تكتب بيت شعر ايعبر عن حالتك النفسيه !!!!!!

رد: أشرايك تكتب بيت شعر ايعبر عن حالتك النفسيه !!!!!!

أصبحت في عيني .. مثل باقي الأغراب
إن رحت وإلا جيت ما أنت بضنيني !!

وش حاجتي .. لاصرت بالحب لعاب .؟!
حرام أضيع معك باقي سنيني ...

خذها بلا تسويق وأحسب لها حساب
نهاية المقصود .. في كلمتيني


إللي يبي فرقاي.. ( قدامه الباب )
وإللي يبيني ( فوق راسي وعيني )

رد: أشرايك تكتب بيت شعر ايعبر عن حالتك النفسيه !!!!!!

كيف [ تطفيني ] وأنا نور قنديلك
وأنا كيف عنك أبعد اذا صرت [ عنواني ]

رد: أشرايك تكتب بيت شعر ايعبر عن حالتك النفسيه !!!!!!

طلبتك غمض عيونك وقل لي من ترى فيها
واذا فيها احد غيري بلاش تغمض عيونك

رد: أشرايك تكتب بيت شعر ايعبر عن حالتك النفسيه !!!!!!

السعاده حلم والدنيا أماني
والدموع ترافق العين الحزينه

كلما حاولت اعدّل في زماني
قامت الامواج تلعب بالسفينه

رد: أشرايك تكتب بيت شعر ايعبر عن حالتك النفسيه !!!!!!

فديت عمرك يا بعد عمر مغليك
وتفداك روحي والعيون وسهرها

ابيع الناس يا زين وأشريــــــك
والناس لأجلك مستعـــد أخسرها

رد: أشرايك تكتب بيت شعر ايعبر عن حالتك النفسيه !!!!!!

من عيوني خذ مراسيل الغرام *** كان تفهم في لغة حب العيون

رد: أشرايك تكتب بيت شعر ايعبر عن حالتك النفسيه !!!!!!

لاعاد ترجيني ولااني براجيك
وكل منا جعل دربه سلامه
لاعاد اسولف بك ولا اجيب طاريك
وانشهد ان بعض المعرفه ندامه
قلبي من اول يودك ويغليك
وعن خلق الله ترفعت هامه
واليوم عذال الهوى شرعوا فيك
حطوا على عينك سود الغمامه
لاتحسبي في قصدي انا جيك
عن حبنا اللى راح واقفى غرامه
حبك تحطم وانتهى بين اياديك
قصر الغرام اللى بنيته هدامه

رد: أشرايك تكتب بيت شعر ايعبر عن حالتك النفسيه !!!!!!

لاقـلت أحبك وش علـي من ملامـه
وإنـت اللذي علـمت فيها الشفايـف

مـثل الطـفـل لاَردد أول كـلامـــه
كلمـه وصارت في لسانه سوالـف

رد: أشرايك تكتب بيت شعر ايعبر عن حالتك النفسيه !!!!!!

ياقلب .. لا ساقك زمانك على الهم
غاير جروحك لا تبيًـح خفاهـا
مصيرها مع مـرً الأيـام تلتـم
وإلا تموت .. ويحسن الله عزاها

رد: أشرايك تكتب بيت شعر ايعبر عن حالتك النفسيه !!!!!!

كلن لعن { .. حظهـ .! ليا خاب مرررة ...
وش حيلة اللي عاااش عمرة بلا حظ ..!!

رد: أشرايك تكتب بيت شعر ايعبر عن حالتك النفسيه !!!!!!

مجنون شافك واصبح اليوم عاقل && وعاقل ترى في غيبتك صار مجنون

رد: أشرايك تكتب بيت شعر ايعبر عن حالتك النفسيه !!!!!!

عليك حدتني مقادير الأيام ................. والا (انت ) ما تنفع بسبع المذاهب !
هع هع هع

رد: أشرايك تكتب بيت شعر ايعبر عن حالتك النفسيه !!!!!!

تشوف الأرض لاجاها الحيا واستبشرت برجوع ..
تراها مثل صوتك على الدنيا يرجعني ..

رد: أشرايك تكتب بيت شعر ايعبر عن حالتك النفسيه !!!!!!

ابد ماجيت ابارك لك ولكن جيت ابا أوصيـك
// على اللي ناوي(ن) تدخل بها الليلـه .معذبتـي

ترى لولا الظروف الي عطتك وحدت محاكيك
// قسم بالله ماتدخل عليهـا لـو علـى رقبتـي

ولكن النصيب اقوى ولا ادري ويش اسوي فيك
// نعم صارت معزبتـك ولاصـارت معزبتـي

كذا صارت لي القسمة بتحرمني لأجل تعطيـك
// كذا لازم عشان تفوز انت انا اخسر بتجربتـي

تراهـا غاليـه جـدا وتكفـى والله يخلـيـك
// تدللها..تدلعها..تنسـيـهـا مصـاحـبـتـي

انا من كثر مااغليها احس اني بديـت اغليـك
// ولا تسـأل بايـة حـق والا وش مناسبـتـي

لانك لو بتسألنـي بتسمـع شـي مايرضيـك
// لـذا ياخـوي لاتسـأل ولاتسمـع لأجوبتـي

ابيك تحطها في داخل عيونـك وبيـن ايديـك
// وهي دلوعه اعتادت علـى كثـرة مداعبتـي

فداعبها شوي شوي حتـى تشتهـي طاريـك
// وشاغبها الين تقـول بطـل مـن مشاغبتـي

واذا هي مالها خلقك ولاتضحـك ولا تسليـك
// تحملهـا واسألهـا ياعمـري ليـه عصبتـي؟

وبالك اسمع انك يوم تضربها وهـي تشكيـك
// مايحتاج اوري لك بفـن الضـرب موهبتـي

صحيح انك بتملكها ومعـاك العقـد بالتمليـك
// وانا عارف حدود الله ومـن حقـك معاقبتـي

ولكن قل لها المجنون وصانـي وهـو يعنيـك
// يقول انـه بينتظـرك ولـو شيـب وشيبتـي

وانا مجنونها الي مانساهـا وانـت مايمديـك
// تغطي ذكرياتي فـي هواهـا ربـع تجربتـي

احس اني تماديت بكلامي والغضـب حاديـك
// لوانك فـي مكانـي ماتفكـر فـي محاسبتـي

كفاك اني تركت الليله اشغالي عشـان اجيـك
// دخلت القاعه برجلي ولاادري ويـش عاقبتـي

وانا ماجيت اخرب عرسـك الليلـه ولاآذيـك
// اناجيتك عشان اخاطبـك واسمـع مخاطبتـي

توصى وانتبه واحـرص عليهـا والله يهنيـك
// ترى كل الكلام الي طلع من ضيقـي وكبتـي

ولكن ماقدرت انـي اقولـه وانـت مايخفيـك
// اخاف اني اذا قلـت تقـوم وتقطـع رقبتـي

رد: أشرايك تكتب بيت شعر ايعبر عن حالتك النفسيه !!!!!!

احيـآن احـس إنّـي من الحــزن مخنـوق . !
واحيـآن احـس الحــزن فينـي يغنّــي

يااااامآ أصبّـرنـي واتمتـمـ ( تبـي تـروق ) !
حتى : ( إنتهيـت ) ومابقى شي منّـي .. !