قصيدة .. شرب المصايب

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماهمني كبر البحر واندفاعه=أغوص لو دونه متاهات وطروق
إما حصل لي مطلبي في قناعه=والا اموت وباقيه عزتي فوق
عندي على شرب المصايب مناعه=يموت فيني عرق وتحيا بي عروق
أخضع لربي في خشوع(ن) وطاعه=اموت لكن ما نحني لاي مخلوق
أحب ربعي وافتخر بالجماعه=ولابيعهم لو كثروا سومة السوق
ربعي مقابيس الوغا والشجاعه=تاريخنا في ختم الابطال موثوق
واعشق مجاليس الفخر لو ساعه=واهيم هيمة راعي البل والنوق
وتشوم نفسي عن حياة المجاعه=موت الشجاع ولاحياة (ن) بلا ذوق
وان ضاق رزقي عند ربي إتساعه=بابه وسيع مزبن(ن) كل مضيوق
وان ضاع حقي في إيدين الطماعه=أخذت حقي واعطي الحق مطبوق
وارفع بنفسي عن رفيق اللكاعه=ولد الردي شين الحكي فسل مطفوق
ولد الردي يقصر عن الطيب باعه=ونسل الكرم تلقا به الطيب مفروق
[/poem]