يالي فخركم من دموع التماسيح

[align=justify]
يالي فخركم من دموع التماسيح
من بلنا معروف روياك خاطي
حنا سنام المجد روس الزحازيح
ملوك العرب والعز بالمجد غاطي
يا عيد ... يا عواد.. يا خضير يا رميح
خلوا مجال الكذب فيه احتياطي
يبقى لكم ما بين عبدان وصبيح
فرصة قضاء وايقاض لهل الخراطي
يا هيه حنا كاسبين التماديح
يوم أنت من حول الشبك والرباطي
ما به حقيقة مار تبغى التجاريح
واليا جرحتك صعب فيك الخياطي
ما ودي أدور لبابك مفاتيح
الستر زين وخل كشف المغاطي
مكفي ولا لي بالمواضيع تلميح
من دون فتش عدولها والشناطي
من شان بذرن زارعينه فلاليح
عرقه نشا موصول شاطي وشاطي
منته بحول وقد ناس مصاليح
عن كيد بعض الكود ما بك نشاطي
وين أنت ما أخذت الغلب والواليح
يوم إنها من فوق هاك المعاطي
وإلا أنت كسبك من خشاش السحاليح
مالك وراهم درب غير الهياطي
إن طعتني ما عاد فيها تباجيح
عود على عود الشجر و الاراطي
ما عاد ينفع يالمهايط دلابيح
الدلبحه تتبعك لو كنت ساطي
كيف الدلال الجاهزات المفاويح
تبين تنقد فيه يا صاح باطي
بالشم ماهو ذوق عند الطحاطيح
بدلال ابن رشيد عوق السواطي
الشيخ ابن ظويهر على كل تصحيح
وقصيدة الحربي دليل ونواطي
والي يصوت باليال الشلافيح
الشيخ ابن مهيد وإلا أنت قاطي
وأبا الشيوخ ألي كما عاصف الريح
الشيخ ابن شعلان ... مابه غلاطي
والي صعق ملحقات الذوابيح
عقاب العواجي بالصعيبات حاطي
وأبا الخساير يوم شح المفاطيح
هذاك اعمر ولا يبيله نقاطي
وشيخ الشيوخ مروض الخيل والفيح
الشيخ ابن هذال والصيت عاطي
والهقوة ألي لسحالي مشاويح
ياعنك منت بحولها يالقطاطي
وعطيت اغبيني وراها مرابيح
مابه مثاني مع القاح المواطي
والجار معنا فوق روس الواميح
يدله على كيفه ولا به شطاطي
ودخيلنا ماشاف ضيم الشوابيح
يلقى المعزة واحمر الدم لاطي
صديقنا يشرب قراح الصحاصيح
وعدونا مقهور ماله مساطي
امة بني وايل لها المجد مازيح
كعام المعادي والصدور انبساطي
وكل القبايل للمعالي نواطيح
كلن بحقه والمترخ ظباطي


لشاعر الكبير
الحميدي بن نبات[/align]

ودمتم بود