نـفـحــه بالــرّمــــاد

إلـــيـــهــــــا!!!!
[poem=font="simplified arabic,6,black,bold,normal" bkcolor="transparent" bkimage="" border="double,10,black" type=2 line=1 align=center use=ex num="0,black"]
مابكيت من التّرف يامتْرفه= والله اني من السعاده مابكيت

انتي تغرّك حدود المعْرفه= وانا وسْط المعمعه وحدي ربيت

ماتذوّقتي الهموم المسْرفه= ولامشيتي كثر ماهمت ومشيت

بردها بيديك يدفي معطفه= وثلجها بيديك ثلج اليااكتويت

يثمر العنقود وان جيت اقطفه= يختفي مثل السّراب ولاجنيت

آخ يادنياي صيري مُنصفه= في كتابك وش كتبت ووش قريت

الهموم اللي تجيني مردفه= وايتكسّر كل دربي لانويت

انتفاض الطير ماهو رفرفه= لاانذبح يشبه لحالي المستميت

آه ياحلا,حس انتي مرهفه= صوتك يهيّض جروحي لونسيت

نفخة وسط الرماد وتسْعفه= شبّت النار وتطببت وبريت

كل همٍّ خلف دربي احذفه= ولولا صوتك ماقصدك ولاحكيت

لو دريتي بالعنا,يالمترفه= تعذريني ليه دنّقت وبكيت
[/poem]