ابراهيم الرسلاني وسلوم السبيعي وقصائد مجاراه لقصيدة الشاعر/ احمد ادلي

قصيده ل ابراهيم وقصيده ل سلوم مجاراه لقصيدة احمددلي

--------------------------------------------------------------------------------






مصافحه ارجو ان تنال اعجابكم
في ذمتي ماعـاد انـا فاهـم ٍ شـي
......................ما دري تبـي فرقـاي والا تبينـى
ياجرحي اللي مد عمقـه مـن يـديّ
......................متقاسـم الغلطـه فـؤادي وعينـى
لحظة عطش أحيت جماد ٍ ماهو حيّ
......................وتوطنّـت بيـن الخيـال ويقينـي
بعيونها حر المدى شفـت بـه فـيّ
....................والجرح حب وقسـوة القلـب لينـي
ماعـاد افـرّق بيـن هـاذي ولاذيّ
..................ولاعاد اميّز ب آخر الوقت وينـي!
للبوح مدّيـت المشاعـر لمـا فـيّ
......................وللجـرح غنّـي ياأنامـل سنينـى
ميت ظما وانا علـى ساحـل المـيّ
......................واغيب واحلامـي تمـوت بحنينـي
ومع كـل هـذا ماتحقـق ولاشـيّ
......................الموت واقف بيـن حلمـي وبينـي
أحـمــد دلـــي الــهــزاع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ الشاعر / احمد دلي الهزاع شاعر غني عن التعريف شاعر رائع ومميز

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

قصيده مجاراه لقصيدة الشاعر احمد دلي الهزاع للشاعر/ ابراهيم شويش الرسلاني


ودي انا افهم ياحبيبي ولو شي // انــك تبـــي فــرقــاي والا تبينــي


وودي كثر ماغليك تغليني شــوي // ومن الحنان اللي عطيتك عطيني


عطني وانـا بعطيك ماتملك يـــدي // واعطيك روحي والغلا والحنيني


هــذا وانــا لازلـت محتــار يــافــي // منت الـذي دايـم ابيــه ويبينــي


تركتني واقفيت ياشمـعــة الحــي // بين الرجا والياس تمضي سنيني


اطرد سراب الصيف وانا احسبه مي // اركـض وراه ولاتطـولـه يـدينــي


غـلاك عندي يشتعل داخلـي ضــي // واشتاق لك مابين حينن وحيني


مـانساك والله يـاحبيبـي وانـا حــي // الا ان يحــول الموت بينك وبيني



الشاعر/ ابراهيم شويش الرسلاني


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ


قصيده مجاراه لقصيدة الشاعر/ احمد دلي الهزاع ل سلوم السبيعي



صحيح ماني منـك فاهـم ولاشي // فـرقـاي والا ياحبيبي تبينـي


تعـال عنـدي ياعـذابـي لـك شوي // نحـل انـا ويـاك لغـز(ن) دفيني


قلـي طلبك وقلـي اللـي بعـد لــي // قلي قبل تضيع باقي سنيني


تعـال شفني منـك ميت وانـا حــي // من غبت عني والبلاوي تجيني


بالشمس قاعد وانت قاعد على في // والحـر غير مـن ملامح جبيني


يــامـي هـذا مـن سبايبـك يـــامـــي // اسباب بعدك كل همن يجيني


بيـحـت انــا مــاكـن مـاعــاد بـيـــدي //باح الخفى وبيحت خافي كنيني


احس انـا فـي داخلـي يشتعل ضـي // نار(ن) تلضى بين قلبي وبينـي



الشاعر/ سلوم بشير السبيعي

رد: ابراهيم الرسلاني وسلوم السبيعي وقصائد مجاراه لقصيدة الشاعر/ احمد ادلي

صح لسانك اخوي سلوم
وحياك الله في منتداك منتدى الويلان

تقبل تحياتي وتقديري

رد: ابراهيم الرسلاني وسلوم السبيعي وقصائد مجاراه لقصيدة الشاعر/ احمد ادلي

[align=center]صح لسانك اخي العزيز سلوم

والله يعطيك العافية

لك تحياتي وتقديري

دمت بخير[/align]

رد: ابراهيم الرسلاني وسلوم السبيعي وقصائد مجاراه لقصيدة الشاعر/ احمد ادلي

[align=center]تسلمون جميع اخوي سلوم


وصح لسانك

قصائد جميله من شعراء اجمل


تقبل تحياتي[/align]

رد: ابراهيم الرسلاني وسلوم السبيعي وقصائد مجاراه لقصيدة الشاعر/ احمد ادلي

[align=center]صح لسانك ولسان الشعراء

تسلم اخوي سلوم وحياك الله في منتداك منتدى الويلان

تحياتي وودي لك[/align]

رد: ابراهيم الرسلاني وسلوم السبيعي وقصائد مجاراه لقصيدة الشاعر/ احمد ادلي

الشاعره/ الكبيره بشعرها / بنت ابوها هــــــلا وغـــــــــلا بالشاعره


المميزه افخر بمرورك العذب والذي زاد من روعة القصائد روعه



اشكرك على مرورك العطر



لك مني اجل التحايا