بيت الكريم أبوابـه بـدون حـراس

[align=center]قالوا علامك صامت وقلـت يانـاس
كثـر الكـلام يقـل لاجلـه مقامـي

الصمت حكمه والحكي مصدر إفلاس
ولقيت في صمتـي يزيـد احترامـي

الصمت له معنى وله ذوق وإحساس
مركب نجاتك في بحـور الظلامـي

ترىالرجل صوره من الراس للساس
ثـم يتبيـن جـوهـره بالكـلامـي

إما نطق فـي كلمـة ترفـع الـرأس
تضفي على شكلـه جديـد الاسامـي

وإلا يعـود معدنـه معـدن نحـاس
يرميه سهمـه بعـد ماكـان رامـي

لا صار عندك من ثمينـات الألمـاس
خله بصدرك ليـن وقـت التمامـي

أخاف يطلعلك مـن النـاس بـلاس
وإلا سفيـه مـا يــرد السـلامـي

الله خلق خلقه علـى عـدة أجنـاس
وكلـن يسوقـه مذهبـه للأمـامـي

واله خلق بالطيـر قمـري وقرنـاس
ووقت الهدد مـا ينغـزي بالحمامـي

لا جال في صدرك من الهم هوجاس
وعينـك يحاربهـا لذيـذ المنـامـي

ونفسك عليله والفكر صارمحتـاس
اترك طمان القـاع وارق السنامـي

عليـك بالعالـي ليـا هـب نسنـاس
يبري الجروح الخافيـه والعظامـي

وخلك لربعك دايـم الـدوم نبـراس
وخص القريب وخص ولد العمامـي

خلك لهم في داجـي الليـل مقبـاس
ولصاحب أصدق من حقوق الغمامي

ربعك ذراك ليا لحق راسـك البـاس
قدم لهم شربك ولـو كنـت ضامـي

وخلك لثوب الطيـب والعـز لبـاس
واتـرك دروبٍ تنتهـي بالحرامـي

وفعل الجميل وواجب الضيف نوماس
ومن لا نفع بالضيـق نفعـه عدامـي

بيت الكريم أبوابـه بـدون حـراس
وبيت البخيـل يعـد مثـل الهدامـي

وسلامتكم منقوله[/align]