|
منتدى قصــائد الأعضــاء |
|
أدوات الموضوع | انواع عرض الموضوع |
03-17-2009, 10:40 AM | #1 |
تاريخ التسجيل: Jul 2006
المشاركات: 66
معدل تقييم المستوى: 219 |
له حضور وله مقام وله قبيله ( قصيدة جديده )
[poem=font="ms dialog,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دار فكري واعتلى سرج الاصيله = مهرتن تليت بيديني رسنها لاصهلت بالمعركه بنت الكحيله = من صهيل الخيل معروفً لحنها مهرتي لادكت الميدان خيله = دشت الجمع الغفير ولا شحنها مهرتي تشريفها مارضى بديله = مالها الا الفارس اللي ذاد عنها فارسً لامن قبس نار الفتيله = مااحترى عفو الصدور ولا هدنها له حضور وله مقام وله قبيله = والمراجل من صغر سنه ضمنها لارتكى للمعضله لوهي ثقيله = شالها والمتن مايهتز منها الجزيله بالمواقف تستويله =ياصدورً طيبه الفايت غبنها عاش من عينه على راس الطويله = والرديه لاسقى ربي وطنها شمت عنها يوم عشاق الهزيله = بالهزيله طشها ابليس وفتنها ماحسبت حساب يالرؤس الذليله = والاخوه دم وجهي ماطعنها مايخون الزاد من نفسه نبيله = والجذور الفاسده يظهر عفنها ليه نشره والردى اصلاً فصيله = عرقها ضخ الردى دم ورهنها الردي يبقى ردي مافيه حيله = وكل نفسً مالها غير امعدنها ان وقفت اخيل براق المخيله = امطرت لي والذخيره بمخزنها وان جلست أروم حد المستحيله = ونظرتي سبع الكواكب تحتظنها عاش راسي للتسامح والفضيله = وابتعد عن زمرة الغدر ووثنها بالامانه عيت النفس الاصيله = واحتميها لو غدى روحي ثمنها اجمعو خيل الاماني كل ليله = والكرامه لحفوها في كفنها ماجمعكم طيب .. تجمعكم فشيله = ياوجيهٍ دمها البارد دفنها مايبرر غاية النذل الوسيله = خانه المبدى لو الكلمه وزنها وان بغيتوا زبدة الهرج ودليله = مهرة الخيال بيديني رسنها [/poem] ــــــ ـــ ـ
__________________
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|