نـظـرات عــبـدً خـان في عـهـد سْـيـده !!

[poem=font="simplified Arabic,7,,bold,italic" Bkcolor="transparent" Bkimage="" Border="none,4," Type=2 Line=0 Align=center Use=ex Num="0,black"]
خــيــول فـكــري ؟
0
أطلقت لافكاري لجام الاعنه = حتى تبلور من نسمها قصيده
قررت أقـــّـطــع قيد الافكار لنه = تزهد ليا حبْسِت نفوسً زهيده
دام الجمال أغطاه والشعر فنه = أمنتك الله يالافكار العنيده
طيف الخيال بغيهن وهقنه = في ظرف نظره الف فكره جديده
روحً تبوح السر .. روحً تكنه = من كنته للبوح صارت تسيده
أما فهمت اللي ذكرت ونسنه = والا أكرر ماتقول وتعيده
لقيت عذرك للمواعيد كنه = يقول ماكانت وعــّوده اكيده ؟
خيول فكري قيدهن حطمنه = وبين الامل والياس حطمت قيده
أطلقت زرقن وبلهن سيلنه = مقسوم لي لو كان ماكنت أريده
رجيتهن مايرسلن وأرسلنه = حتى غرق خدي بنار الوقيده
حسبي عليهن بالعهد خوننه = وخانتني الدمعه وصارت شريده
خانن رموشً دمعهن وقفنه = ياصعب والله دمع خطو الوليده
لمحتها من فوق رمشً بلنه = نظرات عبدً خان في عهد سْيده
آهات صدري والجروح الاسنه = تزارقن صدري بغصت وريده
عزيت خفاقً همومه حدنه = وشح الوفا وخان العضيد بعضيده
عــزاه من جور الليال أبعــّدنه = يلين لو قلبه سوات الحديده
لاصار ماهدومك جسدك أسترنه = من عاد ترجي هم قلبك يفيده
كلن على الثاني حسامه يسـنه = ملعون راعي التفرقه والمكيده
مثل الجميل اللي تقفاه مــّـنه = حت الورق والريح صاح بجــّريده
الاسئله وحـلـولـهـن دوّرنه = وضاع الجواب بظــل جمـله مفـيده
[/poem]

[align=center]




"


"


"


"



[/align]