القاف شديته

القاف شــديتـــــه بمعنــى وتفكيــر
ولاخيـــر في بيت على غيـــر معناه
اببــدع القيفــــان مابــه معـــاذيـــر
وقال المثل من دور الشي يلقـــاه
قالو متكدر قلــت مابــي تــكــديــر
مادام ربــي فـــوق تعالــت اســماه
ونبيي محمــد ونا مــع هــل الخيـــر
وماشي على دين الولي وتبع ارضاه
ومن لي رجــال طيبيـــن ومشاهيـــر
اعيال وايـــل اهــــل اصيــت والجـــاه
يوم انها بحــد السيـــوف البــــوابتــــر
محد قرب في ماضي الوقــت لحمـــاه
يشهد على ماقــول فعــــل المناعيـــر
امــعــــززيـــن الجـــار وضــــد تاطــــاه
يامـا هزمــو بجموعهــم من طــوابيـــر
امــن العــرب والفــرس واللــي تبـلاه
عــدوانهـــم يقفـــون عنهــم مــدابيـــر
ومقردك ياللـــي سيــف وايــل تـولاه
وفي وقتنا وقــت النعـــم وتياسيــــر
وقــت التطــور والرخــاء والمسـاواه
في ضل ربي ثم بضل راعـي الخيـر
مليكــنا اللـــي تفعــل اطيــب يمنـاه
حنا علـى عادات الجــداد بنسيــــر
نمشي بدرب اجدادنا مانتنــاســاه
وصلـــو عدد ماحام بالجو من طيــر
علـى الرسول خصه الله ورضـاه

رد: القاف شديته

[align=center] اللهم اصلي واسلم على سيدنا ونبينا محمد بن عبد الله

الف الف صح لسانك ياعواد الولدعي وبيض الله وجهك
قصيدة جزله من راس جزل لاهنت لاتحرمنا من جديد روائعك وتقبل مروري ولك تحياتي وتقديري[/align]

رد: القاف شديته

صح لسانك ياعواد الولدعي وبيض الله وجهك