قصة وسيره

للذكريات بمهجة الروح وقفات *** تودع على نفس المعنى سعيره

تزورني بالليل واحيان ما بات *** وكم ليلة ن خلت عيوني سهيره

اسرح مع الذكرى على وين ماجات *** بافراحها وهمومها المستديره

وذكرت هند وهلت العين عبرات*** اللي سقت روحي معاني كثيره

بنتا عطاها الله من الزين لمحات*** بعيون تقطع قلب راع البصيرة

تنثر شعرها حدر الامتان زافات*** سبيب شقرا يوم صارت كسيره

اركوا عليها الرمي والخيل عجلات *** وارخى مصارعها وفاتت مغيره

عرفتها يوم الليالي شريفات *** قبل السنين الفاجعات الاخيره

شرخ الشباب اللي به الحب ومضات *** اللي سقتني من غلاه وعبيره

لاشك في درب الردى يوم ماجات *** ولا طاوعتني بالدروب العسيره

مديت يدي يوم للنفس شرهات *** وبكت وقالت عل الايام خيره

واقفيت واقفت والمدامع غريقات*** وهالحين مدري وينها باي ديره

مدري من الحيين والا من الاموات*** اللي لها بالقلب قصه وسيره

صح لسانك
وبارك الله فيك

صح لسانك يالغالي

قصيده جميله تسلم

على هالنقل الجميل

اخي عبدالمحسن

صح لسانك مدد بلا عدد

الله يعطيك الف عافية

صح لسانك على روعة طرحك

كل الشكر

الاخ عبد المحسن
صح الله لسانك مدد بلا عدد
ابيات في قمة الجزاله

صح لسانك اخوي عبد المحسن


بنتظار جديدك دوم


لاتحرمنا جديد روائعك



دمت كما انت بطيب حال

صح لسانك
أخوي عبد المحسن
تسلم ولاهنت على هذه القصيده


تقبل تحياتي وتقديري