|
منتدى الشعر المنقول منتدى خاص بالشعر والقصائد المنقولة |
|
أدوات الموضوع | انواع عرض الموضوع |
11-14-2005, 01:51 AM | #1 |
تاريخ التسجيل: Sep 2005
المشاركات: 9,410
معدل تقييم المستوى: 30 |
عنتر وعبلة العصر
هذي بارك الله فيكم قصه هي بسيطه وحصلت في وقتنا الحاضر وهي حول العشق العفيف وبدايتها عندما اراد اخونا وعزيزنا ابو طلال العضو بالمنتدى ان يستقدم سائق لخدماته الخاصه والعمل ايضا قهوجي بمخيم كان ابو طلال مشارك فيه المهم ان السواق اعجبنيى نشاطه ويبين هندي ولكنه ذيب لو كان فيه حنشل كان والله يسوري الليول ومابين بالظلمه من شدة سواده المهم مافي طريق اني اخذه من ابو طلال لأن الرجال مشغله معه بالمخيم وحدى المرات سير علي ابو طلال ومعه سواقه حمزه دخل ابو طلال وبقا السواق بالسياره عند الباب ومار تفطن علي هكا الخطه رحت طول الله اعماركم وازهم الشغاله اندنوسيه كانها لنبه اسمها راتي قلت لها ياراتي نظفي قدام الباب قالت بابا فيه رجال قلت لالا ماعليك بس انتي لاتعطين وجه لأحد المهم صارت اتنظف عند الباب وحمزه ماغير يخز ما تمسك بوصية ابو طلال وهي غض النظر المهم ريتا ادخلت بقلب حمزه ومار كل اشوي ولياهو جايني معتن مع ابو طلال وبدون ابو طلال لين الرجال فاتحني بالموضع وطلب يد ريتا قلت والله ياحمزه انت من ناس طيبين ورحمة خالك رجال مشكل وغالي علي بس يا حمزه مايمكن ازوجك ريتا وانت بعيد اذا الله ايهداك وتنقل كفالتك عندي ابشر مار وهو يعتزي قال بابا اسمع بابا (قالها بنتره اشوي)انا بكرا فيه كلام بابا ابو طلال (والله انا قلت بقلبي لا هين والا اذا درابك ابو طلال انك عاشق فلايردك الى المطار) المهم الرجال راح من عندي وعيونه اتقادح المهم بعد يومين او ثلاثه وليا ابو طلال يزهم علي ولياهو يقول يولد ماتبيلك سواق قلت ويش العلم قال سواقنا قلب علينا اما يسافر والا ينقل كفالته عندك قلت ماني محتاج هلحين سواق المهم بغيت اتمتن اشوي لكن رجعت قلت لالا خلاص ابيه خفت تقبس مع ابو طلال يسفر الرجال
جا عندي حمزه وبعد اسبوع تدهن بله قارورة زيت ومشط قذيلاته وجلس اقبالي يبزم قلت يحمزه بين اذانك علم هاته قال بابا انت اول فيه كلام انا يجي انتا فيه زوج انا ريتا قلت ابشر يحمزه لكن فيه شروط اول شيء لازم تجيب لك بيت بيتين قصيد ولازم هي ترد عليك ثانيا لا انت تفهم ادنوسي ولاهي تفهم هندي فأكيد تبون اتفاهمون بالعربي المكسر قال بابا صحيح قلت اجل الشرط تكلموا بالعربي بس اذا جيتم تسبون بعضكم سبو بلغه ثانيه الشرط الثالث انك تحول مالا يقل عن ثلاثة ارباع الراتب لعيالك بالهند خفت اتغديبه الاندنوسيه ابكم الحريم غدا بعصمان الشوارب من ربعنا ونسنهم اعيالهم وهالاندنوسيه ماهي سهله خفت على هالضعيفين المهم نفذ جميع الشروط الرجال بس الشرط الاول تأخر فيه اشوي قلت له والله ما تفحج عليها الا بعد ماتقولك بيت او بيتين ولازم هي ترد عليك المهم بعد كم يوم ولياهو جايبي لي هالبيتين [poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] اللي جمع مابين عنتر وعبله= اليوم يجبع بيننا ياحياتي انا لأجلك تارك الهند كله= عفت الأهل والأبن وايضا البناتي[/poem] قلت له هذا نبي نقبله منك ولازم اشوف رد ريتا وبعد كم يوم جادت قريحة ريتا بهذا الرد على حمزه [poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] لك الهوى والحب دقه وجله= انت الوحيد وغير شخصك فواتي ارجوك تكتب جملتي بالمجله= تفداك ياحمزه بالروح راتي[/poem] المهم بعد ماشفت حبهم لبعضهم وكل واحد يبي الثاني عطيته ريتا عطيه ماوراها جزيه ولكن بلشنا بالملكه مالكينا ولي امر لراتي ونفكر نفكر مار ويجيني حمزه بهكا الراي الاصمع قال انكلم اخوها باندنوسيا ونملك عبر الهاتف المهم انهم ملكوا وتم الزواج على هذا الأساس وانا مرتاح لأني جمعت بين حبيبين بالحلال اذا الهاتف ينفع
__________________
التعديل الأخير تم بواسطة رمضان العنزي ; 11-14-2005 الساعة 01:58 AM |
07-15-2009, 01:24 AM | #2 |
تاريخ التسجيل: Sep 2007
المشاركات: 60
معدل تقييم المستوى: 206 |
رد: عنتر وعبلة العصر
[align=center]
اللي جمع مابين عنتـر وعبلـه اليـوم يجبـع بيننـا ياحياتـي انا لأجلـك تـارك الهنـد كلـه عفت الأهل والأبن وايضا البناتي قصيده حلوه والله يعطيك العافية[/align] |
07-15-2009, 02:36 AM | #3 |
تاريخ التسجيل: May 2009
المشاركات: 105
معدل تقييم المستوى: 186 |
رد: عنتر وعبلة العصر
لحول ولا قوة الا بالله
الموضوع بالمنتدى المنقول هل الكلام صحيح او من التاليف
__________________
يويوتو
|
07-16-2009, 02:58 AM | #4 |
تاريخ التسجيل: Apr 2006
الدولة: دار أبــــــو مـتعــب
المشاركات: 23,436
معدل تقييم المستوى: 690 |
رد: عنتر وعبلة العصر
[align=center]الله يعطيك العافيه عمي ابو وائل
ودي واحترامي لك [/align]
__________________
|
07-16-2009, 03:08 AM | #5 |
تاريخ التسجيل: Apr 2009
المشاركات: 5,065
معدل تقييم المستوى: 286 |
رد: عنتر وعبلة العصر
[align=center]هههههههههههههه
زين سويت فيهم كذا شكرآ ابو وائل[/align]
__________________
محمد التويجري |
07-16-2009, 10:53 AM | #6 |
تاريخ التسجيل: Jul 2009
الدولة: K.S.A.
العمر: 37
المشاركات: 1,940
معدل تقييم المستوى: 220 |
رد: عنتر وعبلة العصر
[align=center]صح لسانك ويعطيك العافية عمووووووو..[/align]
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
معاني بعض القاب العائلات الشامية | حفيد الأسدين | منتدى أستراحة الويــلان | 15 | 09-25-2010 01:29 AM |
اسماء شيوخ عنزه المعاصرين في هذى الوقت | أبو خالد | منتدى تاريخ وامجاد القبيلة | 15 | 01-14-2008 12:05 PM |