المشاركة الأصلية كتبت بواسطة رمضان العنزي

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black"]
[ ياللـي بزيـن الحـرف قمتي تخطيــن=ويش السبب في منح حبك بخلتي
اهديـك مـــن قلبـي عـداده ملايين=وعداد ما يقرأ حروف(ن) كتبتي
وعداد ما شفتي و ما ترمش العين=وعداد شعرك وكل مره مشطتي
وعـــد الاعـدا وعد ناس(ن) محبين=وعداد ما تذرف عيون ظلمتي
وعداد ناس بالملاقى شجيعين=وعداد نبضات لقلوب (ن) جرحتي
وعد الرمال وعد نجم وبراكين =وعد القلوب اللي بحبك سحرتي
وعد الورق بالدايره والدواوين=وعد ما جلتي بقلبي لعبتي
وعداد ما يكسى العذارى فساتين=وعداد ما ملتي عليه وعلتي
وعداد ما في الكون طير وثعابين=وعداد ما ناديت باسمك واجبتي
وعداد ما تزهر ورود البساتين=وعد الورود اللي بيدك قطفتي
وعد الشباب وعد ناس مسنين =وعد العلوم اللي نسيتي وعرفتي
وعداد ما ينشر حروف ودواوين =وعد البيوت اللي بصدرك حفظتي
وعداد قطرات المطر بالميادين =وعداد ماتشهق نفوس و شهقتي
وعداد ما تسهر عيون المحبين=مع كثرهن لو في اس ميه ضربتي
يالغالية يا منيتي شوفة الزين =وافديك في روحي وقلب اسرتي
(.....) مكاني بين ثغر ونهدين=وهذا الطلب أ نكان ليه منحتي
الناس تنكر بيع عبده وعبدين =وانتي اقتحمتي قلب حر وسرقتي
والعبد يدفع به حلاال و ملايين =وانتي كذا بسلاح المحبه غصبتي
يابنت قلبي اوداعتن للمحبين =والرفق ثم الرفق دامك ملكتي
كل(ن) يعيش بقلب وانتي بقلبين=وكل التهاني بعد يابنت خنتــــي [/poem]