[poem=font="arial,6,white,bold,normal" bkcolor="transparent" bkimage="backgrounds/10.gif" border="double,4,green" type=1 line=1 align=center use=ex num="0,black""]
الا يا وجودي لا غدا الجو متعكر =والاشغال واجد واكثر الناس مرتبطه
وجود المريض اللي به الضغط والسكر= يبي ضبطها الأقشر ولا هيب منضبطه
ولو تنفع الذكرى معا كل من ذكّر =نفعه الطبيب من المسّرات والغبطه
الانسان يوم يضيق ما يقدر يفكّر =واذا ما تشالى تبطي النفس منخبطه
وجودي على ارضٍ ترجي الوسم لا بكّر =ايلين الشتا تظهر قبل عدته شبطه
مكانٍ كثر ماهوب مفتوح .. متسكر =عن أهل الردى وإحراق الاعصاب والربطه
ولا فيه وجه بثوب الاحباب متنكر= ولا من حمل سكيّنة الغدر تحت إبطه
لو يقدّم التاجرهداياه متشكر= ولو حصّل المحظوظ بتجارته خبطه
يكفيّني ان الجو ماهوب متعكر= ولاني على اعصابي ولا الروح مرتبطه [/poem]
الشاعر ( ناصر القحطاني )