رد: ((ســــجل حضورك اليـــومي ببيت مـــن الشــــعر النبطي ))
مافي جميع الغيد بالزين شرواك
إلاّ ملاك الجيل وأنتي ملاكه
سبحان من حط الحلا فيك محلاك
وقلب العشيق تراوده في هلاكه
إعيون يذبح رمشها اللي تمناك
مات بغرامك في غرام الشراكه
مديت يمنى مالها غير يمناك
عجّل عليها لاتثير الشكاكه
الجود في وصل المحبين ينخاك
لا تقطعه بالكف مد إشتباكه
أمشي مع الوافين لو فوق الاشواك
جنبت عن درب الردى وإحتكاكه
كريم لكن ما انحنى إلاّ لمولاك
ولا خير في اللي مايحب الحناكه
لاتحسب اني جيت اعدد مزاياك
هذا غلاك اللي دفعت إشتراكه
جيتك وجاك اللي من القلب صافاك
عوّضني بحبك حياة الضناكه
إي والله أحبك على طيب مجناك
ومن لا فعل مثلي خطير إرتباكه
تبغي الصراحه طامعً فيك وإعفاك
عبدالله حياته دون شوفك هلاكه
__________________
|