تتلنـي لهفـات شـوقـي وجيـتـك
جيتك أجـدد ماضـي الحـب ويّـاك
لا تحسب إني فـي غيابـك نسيتـك
وشلون أودّع لـذة العمـر وأنسـاك
ما تدري إني من غـلاك أحتويتـك
ومع كـل دقـات الخفـوق أتمنـاك
وفي كـل لـذات الحيـاة اشتهيتـك
يامـا تخيلتـك وراجعـت ذكــراك
يبرد حمى الأشواق لـو مـا لقيتـك
هذا الصحيح ولا اعتقد شـيْ يخفـاك
تدري وأنا عـن كـل زلـة حميتـك
جاك النصيب اللي كتب لـك بدنيـاك
لو قلت ليتك .. جيـت قبلـه وليتـك
وصدّيت أخاف الناس بالقـول تقفـاك
بالنفس لو حظـي يجـود اشتريتـك
لا تعتقـد سمـعـت هــذا ولا ذاك
أنـا بديتـك بالغـلا مـا انتهيـتـك
والله محد ٍ مثل مـا اغليتـك أغـلاك
أمك وأبـوك ونسـل حيّـك وميتـك