محـذرك مـن قبلـهـا الــف تحـذيـر
[align=center]لا صرت بايعني .. اشوفـك علـى خيـر
مـع السلامـه .. دام مـا بـه سلامـه !!
قلت : انتهينا؟ قلت لك : خير يـا طيـر !!
مانـي بـاول شخـص يخسـر غـرامـه
محـذرك مـن قبلـهـا الــف تحـذيـر
لا عفتنـي بيعيـف قلـبـي هيـامـه ؟؟
مانيـب ميّـت لا ! ولا احتـاج تبـريـر
صـح الله لسـانـك .. ووفــر كـلامـه
بسمعك .. حبكـه .. وفكـره .. وتصويـر
وافهـم عـدل يــا مـدعـي بالفهـامـه
وجه الشعـر ( ابيـض ) ويحتـاج تغييـر
ودي تـزيّـن هالقصـيـده ( عـلامـه )
ماضيك ( الاسود ) بذكـره دون تقصييـر
كذا يكون بخـد هالشعـر .. ( شامـه !! )
يصدق معـي تعبيـر .. ويخـون تعبيـر
يا ضيعة الشاعـر .. بوقـت انسجامـه !
يمكـن خطـا ادونـك بالشعـر ؟! ميـر
لو مـا احترمتـك ؟ للغـرام احترامـه !!
ما كان حبـك غيـر بـس طعنتـك غيـر
علمتـنـي معـنـى الـنـدم والنـدامـه
مـا جـاك منـي اي زلــه وتقصـيـر
كل ما خطيت اعاتبك .. بابتسامـه!!؟!
حسبي علـى الذكـرى اذا هبـت عصيـر
مـا عـاد تنفـع شرهـتـي والمـلامـه
البال ( ضامي ) وقتها والحـزن ( بيـر )
( خسرتك ) وهمي ( كسبـت ) اهتمامـه!!
والليل فازع لـك كـذا !! جانـي مغييـر
ظلمتـنـي واكـثـر ظلمـنـي ظـلامـه
لا اقبل علي اوحييـت صـوت المساييـر
وفزيـت كـل ضيـف ٍ اقــوم بمقـامـه
وليا عـزم هالليـل ( ضيقـه وتفكيـر ! )
قلّـي بربـك كيـف بـقـدر انـامـه ؟؟
مـا فيـه داعـي للعـتـب والمعـاذيـر
الغدر ( خال ) الجرح واطيّب ( عمامه ) !!
أما يجيـب الله مطـر .. تالـي وخيـر ؟
ولا السلامـه مـااااش مـامـن سـلامـه
الـشـاعـر / مـحـمـد الـسـهـلـي [/align]
__________________
اللهم يا رحمن ارحم والدي اغفرله وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس
• اللهم ابدله دارا خيرا من داره واهلا خيرا من اهله وادخله الجنه واعذه من عذاب القبر وعذاب النار
•• اللهم انسه فى وحدته وانسه فى وحشته وانسه فى غربته
• اللهم اجعل قبره روضة من رياض الجنه ولا تجعله حفره من حفر النار
• اللهم اعذه من عذاب القبر وجاف الارض عن جنبيه
|