المشاركة الأصلية كتبت بواسطة أبــــ بنت ــــوهـا

[poem=font="Simplified Arabic,5,sienna,bold,normal" bkcolor="transparent" bkimage="" border="double,6,sienna" type=1 line=0 align=center use=ex num="0,black"]

ياللي تقول اني بلا احساس وشعور = اللي طرالك ماطرا لي على بال
بس لا تحاول تمتطي الكذب والزور = بانت صفاتك يامنافق ودجال
زاح الستار وبان ماكان مستور = الشمس لايمكن تغطى بغربال
خذها نصيحة ياولد واسمع الشور = خل السوالف واترك القيل والقال
أرفع بنفسك عن دنافيس الامور = خلك رفيع الشأن في كل الأحوال
لاتنتظر فرصة ودورك بطابور = اتعب على الطولات لو عشت رحال
خل الكرامه في حياتك لها دور =وابعد عن السقطات باحضان الأنذال
الشوك مايوضع مع باقة زهور = خل الورود بساحتك دوم تختال
لا لاتقول أنك على الوقت مجبور = شفني حملت هموم ماتشيلها جبال
خل المهايط واترك اللف والدور = لجل الوصول لغايتك صرت محتال
ماني من اللي هرجها من ورى السور = دايم على وضحا النقا رافعه شال
مهرة أصيلة ولاسلك دربها عثور = شامت عن الأنذال لوقيل خيال
من بنت أبوها جالك العلم بسطور = أنثى ولكن لاتهقويت رجال
أبوي رباني على الطيب مشكور = وقت الضرورة ألبس شماغ وعقال[/poem]

قصيدة متواضعه تعبر عن نفسها !
آمل أن تحوز على رضاكم

مع أجمل تحياتي