[frame="7 80"] سوالف جروح
.
.
.[img][/img]
.
هالمره باذكر لكم مواقفي الطريفه اثناء الدراسه





اطرف موقف مر علي بسنوات الدراسه .......اذكر مره كنت بالمرحله المتوسطه مشاركه بالاذاعه المدرسيه وطبعاَ الساحه الخارجيه للمدرسه مكشوفه وكان يومها هوى قوي بالمره.......... المهم اختكم في الله جروح نادت اسمها الطالبه المختصه بتقديم الاذاعه وطلعت وامسكت بالورقه وبدأت القرائه .........الظاهر لسه فيني نوم ماصحصحت والهوى كان قوي بالمره مادريت الا الورقه طارت من يدي وتعلقت بالشجره امام الطالبات والمعلمات .........وانواع الضحك عاد انا ماانتبهت ان الورقه طارت الا من اصواتهم ........والا لو علي مادريت شكلي قاعده اكمل الحلم.......الامر بالنسب لي عاااادي .انا بطبعي جريئه .......رفعت عيني وقاعده اطالع الورقه وين تعلقت والبنت اللي تقدم الاذاعه محرجه موت وانا ولا فكرت ولا كأن في احد
رحت الين عند الشجره والطالبات والمعلمات ذهول مو عارفين وش راح اسوي؟
؟؟ شمرت وتعلقت بالشجره ونزلت الورقه وقرأت الموضوع مره ثانيه ........... هههههههههههههههههههههههههههههههههههههه
.
.
.

مره بااول ثانوي كنت مسويه ورده بالسراميك طالبتها مننا معلمة الرسم....وبنفس الليوم كان عندنا حصة فقه ومعلمة هالماده على نياتها مره ....تحدوني صاحباتي اني اقوم واقدم لها هالورده قدام الطالبات ........ المهم رحت الين عندها وعيوني بالارض مسويه مستحيه قلت لها.... ابله تفضلي .......[img][/img]



عاد شكل الورده مغري بس لسه الى الحين مالمستها وعرفت انها سراميك .............بادلتني المعلمه نظره مليئه بالحب ممزوج بدلاخه ههههههههه قالت لي شكراَ وماهي الا ثواني عندما وضعت يدها الثانيه عالورده استغربت ملمسها لحضتها عرفت انها ورده بالسراميك وانها مقلب حذفت الورده وقالت لي ياللي ماتستحين على وجهك ؟ ههههههههههههههه ..........الله يذكرها بالخير ...كانت رومانسيه للغايه تحب الورد الطبيعي........ههههههههه

.................................................. .....


اما اصعب موقف مر علي .........مره من المراريت بالثانويه وركزوا عالمراريت.........هههههههه
كان عندنا اختبار علم اجتماع انا جايه اصف طابور مابعد الفسحه بالساحه الداخليه للمدرسه ساحه خنقه تفتقد التهويه المهم كنت ماسكه الدفتر بيد والعصير ابو مصاص باليد الثانيه وعلى فكره تعقدت من هذا العصير للابد والطوابير لسه ماانتظمت المهم انا قاعده اراجع مع نفسي الاختبار فكيت كيسة المصاص اللي عليه وقاعده العب فيها بفمي >>>حاله نفسيه لاتسألوني ليش ...انقطع المصاص ودخل جزء منه بفمي واختنقت سدت هالقطعه من الكيسه مجرى التنفس عندي احاول اتنفس مافي فايده وربي اني مو قادره اصور لكم صعوبة الموقف المهم قدامي وحده من البنات ابغى افهمها اني محتاجه مويه مافهمتني تحسبني استهبل الغريب اني رحت اجري للطابور الثاني ومسكت بنت مااعرفها سوى معرفه سطحيه وصكيتها كف لاشعورياً >>>>ههههههههههههه الظاهر حاقده عليها قاعده استنا اشرق عشان احط حرتي
البنت انفجعت مو عارفه اشفيني ..؟؟........والله ان الطوابير كلها ركض للساحه الخارجيه وانا الحق وراهم ابي يفهمون اني ابي مويه مو فاهمين ابد ....<<<الظاهر متوقعين فيني بسم الله ههههههههههههههه....الا بنت الله يذكرها بالخير انقذتني من هالموقف باللحضه الاخيره

شفت الموت قدامي .............موقف لاينسى ابد............من يومه حرمت اتعبث بكيسة المصاص...........الصوره اللي بالبطفوله هديه لهالمنتدى
.
.
.[/frame].

__________________