منتديات الويلان - مراحل من عزوبي إلى متزوج ؟؟؟؟؟؟؟

هل تنام على بطنك؟؟؟ او تخم الوسادة بالليل ؟؟؟ او تعفس الكنب وتعضه وتسعبل عليه وانت نايم ... او تنام في الشوارع كأنك قطو... او تنام على الفرشه وانت تقرا الجريده... او تنام ويطلع سرك ستر الله سرك ...
اذا كانت الإجابة بنعم فإن كل هذه الأعراض هي أعراض رغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد :
الله لايبارك في الساعة الله جبنا فيها شغاله
لا تتخذ قرار الزواج إلا وأنت في حالة هدوء تام بعيدا عن الاثارة والعواطف الجياشة ...
مو تشوف فيديو كليب وتطمر الى امك وانت مشبك اصابعك ومميل رقبتك وتقول (دوروا لي ابي اعرس)ابي اكمل نصف ديني .
اولا:مرحلة ماقبل الزواج:
كيف تعرف بانك استويت وحان قطافك من بنت الحلال:
أ..علامات الرغبة في الزواج عند الشاب.
1/اذا بديت تحب الاغاني وتسمعها بمخمخه وتتخيل انك تقول الكلام لوحده ا=فاعرف انك (قاضي)فتلاحق عمرك وشف لك بنت حلال .
2/اذا صرت تتابع الفيديو كليب وتفق اثمك ولو يناديك ابوك ماترد عليه .
3/اذا بديت تمشي في السوق وتتمنى البنت اللي قدامك يطيح اللي هي شايلته علشان تصدم فيها.
4/اذا بديت تتعطر بعطور النساء وتقول مافيها شيء العطورات ليست حكرا على احد فاعرف انك بديت تخق فتلاجق عمرك واعرس .
ثانيا:أثناء الخطبة...
1/انضبط وابدأ صل في المسجد.واجعل المحافظه على الصلاة تحول دائم من الخطبة الى آخر عمرك.
لأن اهل البنت يبون يسألون شيبان المسجد ويقولون تعرفون فلان؟لذلك صل وابدا طلطل بوجيه المصلين كأنك تدور إخوانك.
2/لا تتهيبل وتتسلف سيارة خويك الفخمه وترزها عند باب اللي انت خاطب منهم لأن الخطيبه مصيرها تعرف ان السياره مو سيارتك وبالتالي تطيح من عينها ...
3/أثناء الشوفة لا تستحي ابدا وقز البنت ولا يهمك ابوها واخوانها لان الشرع معاك وان قالوا شيء قل لهم حديث الرسول صلى الله عليه وسلم (فلينظر اليها ولتنظر اليه فانه احرى ان يؤدم بينهما).
4/ في الخطبة اذا صار فيه مكالمات بعد ما يوافقون عليك طبعا فلا تصير لصقه وعله كل دقيقه وانت داق على البنت (وينكم فيه )؟ وش سويتو اليوم؟مااشتقتي لي ؟
5/لو كتبت كتابك على البنت وبديت تأثث البيت لا تأخذ البنت الا علشان تأثث غرفة نومها بسسسسسسسس والا باقي الاثاث اختاره انت .
6/اضبط ميزانيتك على مستوى معين من الاثاث بمعنى .... مو تشتري لوحه ب3000 ريال والكنبات ب1500ريال يعني مافيه تناسق وتروح وتشتري لوحه ثانية ب15 ريال من حراج بن قاسم فيصير بيتك منوع من كل نوع .
7/ اياني واياك تظهر بشكل مثالي في الخطبة بل خلك على طبيعتك بحيث تقول للبنت هذا انااااا.
ثالثا:ليلة الزواج ...(الكلام الكبير هنا)
ليلة العمر والليلة الوحيدة اللي تحس انك اهم واحد في الحفل فلا تصدق نفسك ويكبر راسك ولاتكثر من شرب الشاي والقهوة ليلة العرس بعدين تنتفخ المثانة فتتورط لانه صعب اذا جلست مع المدام في الكوشه فجأة تقوم تقول بعد إذنك ابي دورة المياه صدقني راح تقول البنت اللي هذا اوله ينعاف تاليه ...فلنفرض انك قمت من الكوشه بعد ماتخلص هل بترجع وتجلس مع العروس مره ثانية والا تبي تطلع من هناك بالعربي انت تبي تبلش اذا رجعت يقولون الحريم جاه اسهال من الخوف فتصير علك بفم اللي يسوى واللي مايسوى ....
ليلة العرس ارفق على سيارة الرجال اللي انت ماخذ سيارته لانك ممكن تصدم سياره كشخه وجنبك بنت ...
الحين اذا جيتوا تبون تدخلون البيت افتح الباب وخلها تدخل قبلك وامزح معها شوي (خشي برجلك اليمين)
رابعا:سواليف ليلة العرس...
الكثير من الشباب في اي المواضيع يطرح ليلة الزواج وفي رايي انه بالامكان طرح مواضيع تتعلق بذكريات الخطوبة والابتعاد عن المواضيع الرسمية بمعنى تجنب الاتي :
1/انتبه تتميلح او تنكت اكثر من اللزوم لان الموضوع سينقلب ضدك .
2/انتبه تجيب طارئ امك في ليلة العرس .
3/امدح مكياج المدام وفستان فرحها لانها تعبت شهور حتى تظهر بهذا المظهر اللي تتمتع فيه انت ووجهك لو انك ماتعرف شيء في الذوق واللبس ولا تفهم فيها شيء يعني بالعربي خلك (الكذاب الصادق).
4/انتبه انك تصير عاطفي وتقول للبنت من اول ليله (بصراحه انا احبك وميت فيك) لأنها مو مصدقتك توك ماعرفتها وشلون ميت في حبها .
خامسا :ملابس ليلة العرس ...
1/بعد ماتفسخ ثوبك وشماغك وعقالك تروش الله يصلحك وبعد الانتهاء انتبه تلبس ملابس تظهر مفاتنك مثلا تجي بلبس داخلي وفانيلة علاقي وتصير كأنك من المصارية اللي اسود وابيض وينطنطون بالمسبح .
2/انتبه تلبس بجامه مخططه لانها قضى عليها الدهر.
3/يعني اختر اللبس المناسب لجسمك مثلا شورتات رياضييه اذا كان جسمك رياضي والا اذا كنت دب فخلك بالثوب الشماغ والعقال استر لك وغير ملابسك اذا نامت المدام وفاجأها في الصباحية .
4/للإحاطه فإن قمصان النوم النسائية (مشققه)وشفافه وكلها حركات واذا لبست لك المدام قميص نوم راااايق ترى مو معناها (طب علي )
سادسا:الخطة المحبوكة للقاء الحميمي ....
1/حذاري ثم حذاري تتحرش جنسيا حتى ولو كانت زوجتك فكما يقال (احذر ان تبدأ حياتك الزوجية بحادث اغتصاب ).
2/اجعل بداية حياتك الزوجية قصة رومانسية متعددة الفصول فالليلة الاولى للتعارف فقط.
3/اليوم الثاني انتبه تستقبل اي زيارات من الاهل او من اهلها واعزمها في مطعم راق .
4/في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياها (كوفي شوب ).
5/اليوم الثالث:
حاول تسافر بها عمره بعدين لمدينة جده كتغيير جو.
6/اللقاء الحميمي لايمكن تحديد الموعد المناسب له بل يعتمد على الظروف والمتغيرات والتي لايمكن ان اعرفها فأنت الذي في ارض المعركة فحدد هذا اللقاء انت ...

أسف جدا على الإطالة وهذا اللي عندي