سمـاء وغـيوم ــــ
ليل وسماءوغيوم وبـروق ورعـود تجمعـن فـى ليلتـن فـى زمانـى البارحه نثـر المطـر مالـه احـدود و صوت الرعد كنه يجـر المعانـى طق المطريضرب على الباب بركود قلت اه من صوت المطر صرت عانى لا ماهقيت ان المطـر طـق بـردود عزالله انه طـق شخصـن دعانـى فتحت بابى شفـت ورده مـن اورود بنتـن تقـول الحـظ بيـدك رمانـى قلت ادخلى نامى ترى عينـك اتنـود لاتفهمى قصـدى علـى شـى ثانـى قالت كلامك يابـن الاجـواد مـردود عـزالله ان البيـت حسبـت مكانـى لاكن ترى عمرى معك يـوم واعـود لاتتـرك ايامـك تـعـد الثـوانـى تـراك لوحبيتنـى صـرت مقـرود لنـك تحـب انسـان طبعـه انانـى قلت الذى جابك مع ارعـود وبـرود عـزالله انـه حـط شـى بكيـانـى حط العيون اللى تحت جفنهـن سـود وحط الخيال الـى حلمتـه وجانـى الجارح الى يجرح القلـب بصـدود ابعـد بعيـد وكـن قلبـه نسـانـى |
رد: سمـاء وغـيوم ــــ
قلت الذى جابك مع ارعـود وبـرود
،،،،،،،،،،،،،،،،،،،، عـزالله انـه حـط شـى بكيـانـى الأخ الشاعر عبدالله الباحوث أحسنت صح لسانك، أبيات فيها من القوة وحسن التعبير ما يجعلها لا تخرج إلا من شاعر محترف وفصيح .. تقبل خالص شكري على هذه الأبيات الرائعة |
رد: سمـاء وغـيوم ــــ
اقتباس:
|
رد: سمـاء وغـيوم ــــ
صح لسانك وسلامتك من ال ااه قصيدة رائعه ولك تحياتي وتقديري
|
رد: سمـاء وغـيوم ــــ
عبدالله الباحوث مليون صح لسانك على هذة القلادة الرائعة اعجبني فيها تسلسل الابيات قرات الابيات فلم امل من قرائتها الف صح لسانك وسلامتك من الاه خي تقبل مروري
|
رد: سمـاء وغـيوم ــــ
و //1187
صح السانك عبدالله الباحوث باحث في جزل المعاني بيض الله وجهك |
رد: سمـاء وغـيوم ــــ
صح بدنكم جميع وجودكم انار متصفحي لكم مني خالص الود والتقدير
|
رد: سمـاء وغـيوم ــــ
قلت ادخلى نامى ترى عينـك اتنـود لاتفهمى قصـدى علـى شـى ثانـى الأخ الشاعر المبدع عبدالله الباحوث توقفت عند القصيدة اكثر من مره واستمتعت في كل حرف القصيدة في منتهى الجمال والروعه والقوه بالفعل ابداع وانا اعني ما اقول صح لسانك مليون وتسلم على هذا الحضور لك تحياتي وتقديري انتظر منك المزيد |
الساعة الآن 08:34 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.