|
سالفة الشايب
في جلسه يعج منها رائحة الهيل وسوالف الاوليين وروائح المراكي الشداد والرائحة المميززه رائحة ذاك الكهل اللي يتسم بالطيبه وتعج منه ريحة الكمبودي المعتق وانا بينهم واحاول استفيد من قصصهم وخاصتن اللي مافيها كنت انا وفلان الله يرحمه << عادة بعض شيباننا لاجا يسوولف له سالفه وماتنبلع قال كان معي رحمة فلالان انشدووه
قمت أقهـويهم والدله تنام وتقووم وتنام وتقووم يلتفت لي فوهة الدله ويقوول مطوول كسرة هـ العضام ؟ اقوول اشششش هذا تراث عادي اووقف على راسه لين يخلص سالفته الفنجال منزله ولاهو معبّرني ولاكأني واقف وكل مااحاولت ارخي يدي يرمقني ابوي بذيك النظرره اللي تقووول ((خلك رجال وشد يدك)) وان اقوول امحق رجووله كان بووقف نص ساعه لين يخلص هـ الشايب من سالفته طبعا ازين مافيهم انهم يناقشوون موضووع وشووي ويطلعوون بقصـه كانوا وقتهـا ينـاقشـوون احوووال القضـاه وكيف انهم في هـ الوقت صار القاضي وكأنه ملك لايصد ولا يُرد مبجل منزه عن الاخـطـاء والعسكـري الملاك الحـارس لهـذا القاضي عفى الله عنـه وأصلح شأنه هو وأمثـاله أبتديت أمل من وقفتي واتنحتح واتحقرص وأشر لأبوي بطرف عيني اليسرى كنايتن عن يبه قل لهـ الشايب تقهووووووووووووووووووووووووووووووووووووووووووووووو وووووو وابووي مازال مصـر على نظرته (( خلك رجال واكرب نفسك )) تعدل الشايب بجلسته وحط عصـاه وراه اللي اتحرى ابوي ياخذه منه ويوسم على ظهري فيهـا ويكتب ذكرياتهم هو وقطع هـ الزري اللي معه << قسمن احبهم بس لازم ابهر الموضووع قال الشايب قصــه دخلتنـي جوو يقـول والذمه على لسـان الشـايب : فيه واحد قاضي وقديمه هـ السـالفه وكان هـ القاضي محنّك وذكـي وذو فطنه ويلقطها وهي طايره وكان يجووونه من شتى بقاع الارض يستحكمونه فيه شئ وهـ القاضي ماله الا ولد واحد بس والولد هذا ماكان جايزن له شغل ابووووه ابد ودايم ينصحه يقول يااايبه ترى شغلك هذا مقلقني وانا خايفن عليك وراك اخره باتسر وماتدري انت بحكمك تخطيء ويمكن تظلم احد ويدعي عليك ويايبه سمعت حديث بما معناه ان القضاه ثنين في النار وواحد في الجنه وانا خايفن عليك والقاضي ولاكنه يسمع استجداءات ولده لانه مقتنع في مهنته اللي اكتسبها من ابووه وذكائه اللي مهووب شوووي قال ياوولدي هذا شغلي ولاقدر اتخلى عنه لاتحاول معي تتعب جا ذاك اليووم وقفلت مع الولد وجا لاابوووه قال يبه حل من حلين ياتخلي شغل القضـاه ولا برووح واشووف لي ديره ثانيه انا مااعاد اقدر اصبر اشووفك كذا وانا خايف عليك ابووه مااقتنع وقال طيب وش تبي تسووي؟ قال ابي اروح واخليك قال رح درب يوودي مايجيب اخذ الولد ماتيسر له من اغراض وركب ناقته ومشى واول قريه وصلها كانت بيووت شعر وجلس تحت شجررره يبي ينـام وحط الخرج تحته << مهوب الخرج اللي ورا الرياض وجا بينــام وشااف ذاك المنظررررررررررررررررررررررررررررررررررررر اللي وقف شعر راسه منه شاف وحده ماسكتن بزر وحاطتن يدها على فمه والبزر يصيح يصيح يصيح لين انقطع حسه وسكت قامت الحرمه وكملت مشيها ((وخوووينا يراقب الحدث قدامه )) طلعت الحرمه هذي زوجها متزوجن عليها وحده ضعيفه بس عيبها الوحيد كانت مزيوووونه وام البزر كانت شيفه ولدها اذا جا يرضع منها يطرش ويغسل صدر امه ويغمض عيوونه ويرضع << من عندي هالسالفه لاتقوولوون الشايب اللي يقص هالقصه تسذووب والا انا من حقدي عليه انه وقفني ساعه قمت اتبلالاه قامت الحرمه وودت ولدها للمزيونه وقالت خلي ولدي عندتس بروح احطب وبجي وانتبهي لجوالي بالشحن لادق ارعصي صامت << تسذووب من عندي (مازال حقدي على الشايب ) راحت الحرمه وهي تكن في صدرها الحقد لهذه اليرقه الفتاة المسكينه التي كل ذنبها انها جميلــــــه يقوولون وجهها ماشاء الله لااله الله من قوو ماهوو ابيض يمسكوون راسها في الليل ويلفووون به يمين ويسـار لاضيعووا شئ في اللليل على شان يضوووي لهم << تسذووب انا |
رد: سالفة الشايب
وين باقي الحكاية (متعود عالحكاوي )
يامال العافية قطعت السالفه ليه وين باقي السالفة والله ماقصربك الشايب المفروض موقفكم ساعتين |
رد: سالفة الشايب
ههههههههههههههههههه ياولد يبيلهااااا مجلد والله
الف شكر لك |
رد: سالفة الشايب
[align=center]حصان ياويلك مني واين بقية القصه
والله اندمجت بعدين خل الكذب عنك قديم وكان الجوال في الشحن ماصار عيب كل هذا حاقد على الشايب ؟؟؟؟؟؟؟؟؟ والله ماالومك ههههه خلك من الشيبان شوف العجايز لا سولفن والله ماتسكت الوحده وانت فوق راسها يام افلان تقهوي تكلم ولا ماتكلم والمشكله لا جت العجيز راعيت كيف على القهوه حلنا هناااااااااااا تبي اقتراح على كيف كيفك اذا حسيت ان احد بيجيكم سو زيي نم ولا اطلع برى البيت ولا قول علي امتحان ولا عندي شغل ولا روح خذلك شور وافضل حل انك تميرض هههههههههههههههه تحياتي لك بس كمل القصه تكفى تراني احب القصص القديمه[/align] |
رد: سالفة الشايب
اقتباس:
[size=6]والموت العجيز اذا قامت تسولف عن طيبتهااا مع ام زوجهاااا تقرقع الدله هههههههه وهي اصلا موريه العجيز الويل [/size] |
رد: سالفة الشايب
[align=center]خلاص
ابشوفها بس كم القصه هذي بليززززززززز من امس افكر وش تكون النهايه والله انك شوقتني [/align] |
رد: سالفة الشايب
هههههههههههههههه ابشري بس خليني اتذكر
منهو بطل الفلم |
رد: سالفة الشايب
[align=center][align=center]ههههههههههههه
حصان الرجليه وش عندك قمت تسلحب عليناا والله ماادري عنك بس تبي الصج القصه حليوه وندمجت ويا هاا تحياتي وتقديري[/align][/align] |
رد: سالفة الشايب
اقتباس:
ياولد وش فيك ليكون كذبه بعد يمكن من كثر كذباتك ماتدري ايهن قلت |
رد: سالفة الشايب
[align=center]ههههههههههههههه
قصه حلوه ياحصان الرجليه بس بلشة 000000 المنتدى فك نفسك وكملهم القصه ولاتحرمنا من سوليفكم يالشيبان هههههههههه تحياتي لك[/align] |
رد: سالفة الشايب
[align=center][align=center]حصان الرجليه وش عندك قمت تسلحب علينا
تسلحبات ما لها داعي بس تبي صحيح القصه حلوه من جد لوني ادري انها تسلحبه وعلى كل حال الله يعطيك العافيه ولاتعود الحركات هذي [/align][/align] |
رد: سالفة الشايب
اقتباس:
حلوه تسلحب ههههههههه والله اني ضحك من قلبي خخخخخخخخ الله يقطع شيطانك |
رد: سالفة الشايب
اقتباس:
ههههههههههههههههههه المهم رجعت الحرمه وجت للمزيوونه وقامت تصيح << ملعووونة الخيّر ذابحتن ولدها وتبي تتهم هـ الضعيفه وخوينا ولد القـاضي (( شاهد وشافش كل حاااقه)) وتصيييييييييح ولدييييييييييييييييي ولديييييي ولدييييييي ذبحححححححححححححححححته واااااااااااااااااااااااوويلي واااااااااااااااااااااااويلي جا رجلها وماسكن الشبريه بيده ومتلطم ((كنه شبلي)) قال وش نوحتس يامره قالت ولدي ((قامت تشاهق تبي تضبط الدور)) قال وش به جنيني قالت ذبححححححححححته وااااااااااااااويلي جا والمزيووونه حاطتن الولد بحجرها ويمسك ولده ويهزه ويهززززه والولد ماااش ماهنا حررركه ويحط اذنه على بطن البزر وماش ماهنا حسس قال الولد مات؟ من ذبحه وش صار فيه المزيوونه منصدمه وتقووم تحلف انها ماسووت له شئ وعلى نومته من جابته عائشة الكيلاني شينة الحلايا ام السعف والليف وتحلف وتحلف وزوجها مصدقها وبنفس الوقت مو مصدق انها بتذبح ولدها من الغيره عليه مهما كان هذا ولدها هنـا رحمت الشايب وهز الفنجـال قال بس انا استلعنت قلت تقهووو بس وكمل تراي دخلت جو مع القصه وخوينا ولد القاضي شاهد على السالفه كلها المهم جا ابو الولد وجاب حريمه ويحاوول ان وحده منهن تعترف لان الولد ميت مخنووق مبين اثر الزراق على وجهه قالوا مالنا الا القاضي << ابو الولد اخذووا الحرمتين وكل وحده اخذت اخوانها معها والرجال اخذ اخوانها واركبوا اباعرهم وعائشة الكيلاني نست جوالها بالشق الشق = الجناح الخاص بالنسـاء مشهـد من قرية القـاضي القاضي جالس يتقهوووى << يـ هالقهووه اللي في كل محل حسيت رجولي اوجعتني يوم جا طاري القهووه جالس يتقهووى الا ويدخل عليه ذاك الشاب اللي متشقق وجهه من الحب وملعوونن خامسه يحب المسيكين بس الله قرده بـ ابو اللي يحبه نحيسسس وخسيس جا الولد الحبّيب يلهث كنه مطروود قال الحقني ياقاضي ياقاضينا ياللي بالحق ترضينا جيتك هدي قدي وابيك تنصفني قال وش فيك ياوولدي؟؟ قال انا قدر الله علي وحبيّت وابيها على سنة الله ورسووله وابووها معيي يقووول لوما يبقى الا جحدر كان زوجته انت تهبى ومعيي لايزوجني وش السوواة؟ وقال سوويت له كل شئ وكل مرره يسوويلي اختبار وانجح واخر مره قال المس اذنك بلسـانك ولمسته الين ماجا ذاك اليوووم قالي رح للغدير << نقعه ماء وادخل فيه وكان وقتهااااااا برد قال ان اصبح الصبح عليك وحييت ابي ازوجك واذا مت حقك وماجاك يسموونك شهيد الحب وصدق عبدالحليم يووم قال ( من ماااات فداءن للمحبووووووب ياولدي )) يقوول ورحت للماء وتكرفست به وكااااااااان جليد ثلج وامي يوم دررت قامت تشب من الحطب تبيييه يتبع الهووا ويدفيني ((ياااقلب الام )) يقووول يوم اصبح الصبح جووني وانا طالعن طرف لساني وعيووني متقووولبه خمووني ولحفووني وصحيت على كفووف ابووها وهي وراااه من ورا الشق تفح تقوووول ياجعلني كمادات يا عشيقي يقول يوم صحيت قال ابووها انت الحلقه الاضعف مااازوجك امك شابتن لك نـار ووصلك دفاها قم فارق << سبيكه هـ الولد لعنبوو الحب مايرحم قال القاضي والله انك قاضي ياولدي بس اسم ولا انا معنى طيب رح خله يجي وابي احكم بينكم جو الثنين وجلسووا عند القاضي وكلن قام يقوول السالفه ابو البنت كان يقوول انه مهو كفوو ازوجه والولد كان يتمسك بحبه رافضن كل الشعارات والاتهامات قال القاضي وبـأسلووب حكيم طيب ياجماعة الربع نبي نتغدى وعقبها يصير خير جلسوا للظهر ومغطوووها للعصرر وللمغرب وللعشاء؟ ولا جا الغداء؟ وتمللوا قال ابوو البنت ياقاضينا وين غداااك صار سحووووووور؟؟ |
رد: سالفة الشايب
[align=center]افاااااااااااا مسوي اعلنات
وذابح عمرك وانا كملت القصه واخر شي تلعب علينا ليش انا مخفه لك هههههههههههههه اقول خلك رجال واعقل وكمل القصه ولا اقولك اعطني جوال الشايب ابيه هو يقص لي القصه بدال ماتقطر علينا بالقطاره :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mamad::mad::mad::mad::mad::mad::mad::mad::mad::ma d::mad: :mad::mad::mad::mad::mad::mad::mad::mad::mad::mad: :mad::mad::mad:[/align] |
رد: سالفة الشايب
هههههههههههههههههههه
الشايب يوم سمع اني مخربن سمعته ركب الددسن وقال والله ياحصان الرجليه هذا الي خرب سمعتي غير اقطع ذيله ومار انا يوم سمعت الخبر سافرت للصين عندي جلايب هههههههه المهم الشايب سرى في الليل ناوي الشر المهم على الخط وداهمه النوم ولا ذاك البعير الي واقف بالخط اصدمه ديييييييييييييي والا الشايب متوفي الله يرحمه يعني مافي رقم جووووووووال هههههههههه العوض من الله اختي وانسي هالموضوع لا اقصلك قصت قودا لبيييييييي ههههههههه |
رد: سالفة الشايب
[align=center]والله ماعندك سالفه ياحصان
الاتفاول على الشايب ترى عنده ناس يبونه وبعدين ماتنكل من الكذب والله عيب واحد مثلك يكذب المره الاولى عدينها والثانيه وقلنا يالله لكن بعدين قمت تسدح علينا صواريخ حتى عجزنا الانمسك الارانب[/align] |
رد: سالفة الشايب
هههههههههههههههههههه الله يرجك رج العجايز للبن ياحزن الكون
|
رد: سالفة الشايب
[align=center]اف وش هذي الدعوه ياحصان
الله يرجك رج يقلب اسلوب التشويق اللى عندك الى اسلوب السرد المباشر [/align] |
| الساعة الآن 08:54 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.