رد: ((ديوان الشاعر:مـعـيـض بن عـريـفـج))
[poem=font=",7,black,normal,normal" bkcolor="transparent" bkimage="http://mdyf.net/vb/mwaextraedit4/backgrounds/188.gif" border="double,7," type=0 line=1 align=center use=sp num="0,black""]
ياذهب ياماس يالولو ويامرجاني = ويابراءات الرضيع اللي يتبسم لامه ياعبير الورد يالنرجس ويالريحاني = ينعش اللي بعد مايقطف زهره يشمه قاطفه متخيره من جملة البستاني = دار عينه لين شافه ثم راح وخمه يالشموخ النخله اللي عرقها روياني = وانت بحرمن العطا يغرق جميع الامه انت طاغي بالدلال وحسنك الرباني = والمحسان كلها في خلقتك ملتمه فيك من يوسف وعندك خاتم سليماني = ومع جماله مع دلاله زييين خفة دمه تحسدك وتغار من حضورك النسواني = كيف عاد اللي يحبك وانت كلك همه شوفني عندك اسيرمكسره جنحاني = ارحم اللي شتت افكاره وحن ولمه وصرت مجنونك وطول الوقت ماصحاني = لين حبك اعتلا برج الغلا بالقمه وانت في قلبي وحبك سار في شرياني = وطيفك اليازارني وسط الخفوق اضمه استلم قلبي مع احساسي ولاتنساني = والله اعطاك الغلا لك وانت ابوه وسمه لاتخليني اشوف الماء وانا عطشاني = والضماء يزداد بي وانا بجنب الجمه [/poem] |
رد: ((ديوان الشاعر:مـعـيـض بن عـريـفـج))
[poem=font=",6,white,normal,normal" bkcolor="darkred" bkimage="" border="double,4,darkred" type=2 line=1 align=center use=ex num="0,black""]
ياجمال الطفل بعيون حضرت والديه = ويابراءاته بعين امه وفي عين ابوه وياغلاته في عيون الحنون اللي يبيه = من غلاته كل شيء يراضيه اشتروه جاء لامه بعد عشرين عام(ن)تحتريه = وبعد ماهم يائسين(ن) من الطفل انجبوه يالجميل العذب يالطاهر الشهم النزيه = انت نادر بين كل الخلايق والوجوه لوتغيب سنين غلاك مايثر عليه = بل يزيده لك غلا والغلالك كل ابوه الاثار ان طال وقته فــ كل(ن)يهتويه = وانت كنك سيف ابو طالب الياحصلوه كل تاجر جاب ماله وحلمه يشتريه = وصاحبه مهما يبالغ في اسعاره عطوه [/poem] |
رد: ((ديوان الشاعر:مـعـيـض بن عـريـفـج))
صح لسانك
والله يعطيك العافيه على هذه القصيده الجزله ولاتحرمنا من ابداعك الرائع |
رد: ((ديوان الشاعر:مـعـيـض بن عـريـفـج))
[poem=font="simplified arabic,7,white,normal,normal" bkcolor="teal" bkimage="" border="double,10,teal" type=2 line=0 align=center use=ex num="0,black""]
اعزلله اني تعبت وخاطري طاب = واخترت عن الرجاء درب القطيعه الله ولا حاجة(ن) بيدين لعاب = والرزق ابوابه من الله وسيعه والصقر اللي له جناحين(ن) ومخلاب = مامات جائع وهداته شنيعه الادمي له احاسيس وله اعصاب = وضع(ن)يطيعه ووضع(ن)ما يطيعه والهون ماترتضي به عكف الاشناب = خطلان الايدي منازلهم رفيعه من جالهم باللوازم نال الاعجاب = ماهي تصنع فعايلهم طبيعه ومن جاهم بيوم(ن)اقشر راح مرتاب = في يوم(ن) اشد من حرب الوديعه اما تجي مثل فعل حجاب عقاب = مع حكمة اكثم بن صيفي سريعه وصدرك شمالي على زلات الاقراب = ودرء المفاسد قبل جلب الصنيعه وصدرك حجازي ان صك الناب فـ الناب = ومبدى الكرامه بغيره لاتبيعه والا بليا حياة(ن)مالها حساب = المووت رحمه ولاعيشة هزيعه بعض البشر ماحدن يفقده لوغاب = وبعض الرجاجيل فقدانه فجيعه وانا عنزي ماركع الا لرب الارباب = اصلي كذا في بني وائل طبيعه [/poem] |
رد: ((ديوان الشاعر:مـعـيـض بن عـريـفـج))
يا الربع العذر والسموحة عندي هالخربوطيه وابيكم تضحكون معي عليها [poem=font=",6,white,normal,normal" bkcolor="darkred" bkimage="" border="double,4,darkred" type=2 line=1 align=center use=ex num="0,black""] انا البارحة يوم العرب نومو مانمت = سهران لين الشمس بانت وانا صاحي امثل على نفسي سوالف وكلي صمت = انا المشترك ونا بعد جورج قرداحي تدرون ليش انا على هالسهر عزمت = مع اني وانا سهران بالحيل مرتاحي لان امس كله نايم بمضجعي ماقمت = ياغير العشاء عقب الشفق راح وانزاحي شبعان نوم ومن كثر نومي اتورمت = حواجب عيوني بارزه تقل تفاحي طويت الفراش وللقنص الفجر درهمت = واخذت ساكتوني وناديت سداحي ولقيت الارانب يوم وسط الصحاري حمت = ولقيت الخزز مير الخزز ماهو بصاحي وسداح لحقه ثم رده وانا اتولمت = متجهز(ن)له يالاجاويد بسلاحي واقبل علي وانا رميته ولاتممت = وانا اشوف سداح اتربك كله وطاحي ومات السلوقي وعقب مامات تألمت = قبل تنقطع روحه نبح ماهو بصاحي وسلم الخزز وانا على فعلي اتندمت = وذبحته وانا لسداح ماني بذباحي وعلى شان قتل النفس من غير عمد(ن) صمت = ساعتين صايمهن بوقت الضحى الضاحي[/poem] وسلاااااااااااااامتكم خخخخخخخخخخخخخخخخخ |
رد: ((ديوان الشاعر:مـعـيـض بن عـريـفـج))
[align=center]الاخوه الاخوات الكرام
السلام عليكم ورحمة الله وبركاته وكل عام وانتم بخير وسامحوني على التقصير واعايدكم بهذه المتواضعه [/align][poem=font="arial,6,darkred,normal,normal" bkcolor="skyblue" bkimage="http://www.alodaba.com/vb/mwaextraedit2/backgrounds/28.gif" border="outset,9,green" type=0 line=0 align=center use=ex num="0,black""] سلامي على دار الأدب الثقافيه = سلام(ن) بريح الهيل والعود الكادي يسوقه نسيم(ن) من شمال السعوديه = سحابه مطرها من جميلات الانشادي وبردها غلا لكل البلاد الخليجيه = واولهم البحرين من غير نشادي هتانها منزاله شويه شويه = يبل العروق وترتوي عطشا الاكبادي على ديرة البحرين الديره الحيه = ديار ال خليفه شيوخنا روس الاسيادي اهل الكرم والطيب واهل الشهاميه = طبيعة(ن)فيهم من عصور الاجدادي اكرم من الغيث ان نشاء من مناشيه = ان سال سيله نزل الظلع بالوادي اقلهم اكرم من الطائي لخيه = واشجع من السيف الحدب وابن شدادي تاريخهم معروف مليون بالميه = قبل يطلع التلفاز والصحف والرادي من العايدين وهاجس الشعر عيديه = وابارك لكم بالعيد وبكل الاعيادي وللشيخه الدكتورة الفخر خلديه = حماها الولي من كل مبغض وحسادي بنت ال خليفه مزبنين الجلاويه = الياحداهم عن مواطنهم الحادي وحنا سوا وحنا الخليج وعوانيه = على قلب واحد كلنا اخوان واحفادي وحنا العرب ساس الاصول العربيه = ولانخون العهد والملح والزادي وحنا الخليج وحي ذكره وطاريه = وحنا حماته عن مطاميع الاوغادي والله يهادينا على طيب النيه = ومن يهدي الله مايبي نصح وارشادي[/poem] [align=center]وسلامتكم من كل شر[/align] |
رد: ((ديوان الشاعر:مـعـيـض بن عـريـفـج))
؛
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""] عقب الغلا ياصاحبي ويش غيرك = وعن الوصال اخترت درب القطيعه كانه تغلي هات عذرك وانا اعذرك = وكنه جفا من باعني غير ابيعه اقدر على قلبي ورده ويهجرك = ولويناديني لوصلك ماطيعه اطيع عقلي لانهاني ماسايرك = والقلب يرجع لي بخطوه سريعه ويومين والثالث ابد ماتذكرك = وصدورعذبين السجايا وسيعه خله يفيدك غطرستك وتكبرك = ونتائج افعال التغطرس شنيعه ترماتحتك الاضلالك ابشرك = مانته على سطوح النجوم الرفيعه ولاخلفك الا جرتك سمها اثرك = ولاحدن فقدك اليانويت القطيعه [/poem] |
رد: ((ديوان الشاعر:مـعـيـض بن عـريـفـج))
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
على طاري الذكرى وطاريك ياغلا انسان = وياغلا حبيب برحلة العمر حبيته قـبل ثلاث سنين باول شهر شعبان = تفرقت انا وياك والواضح اخفيته اكابرعلى جرح الغلا ولوعة الحرمان = رغم ان قلبي نار فرقاك كاويته وسمعت صوتك يابعد معشر الخلان = عرفته وفز القلب له ساعة اوحيته يالبيييييييييه ياهالصوت اللي لامس الوجدان = وقلبي معك ياصاحب الصوت تليته فزيت فزة من وطت رجله الثعبان = في ظلمت الغدرا وساعة طفا ليته وتهيض خفوق الهايم المغرم الولهاان = وشريط ذكراياتك العام فليته بصوتك وفي صورتك شفتك بلاعنوان = وان زارني طيفك من القلب حييته مع الوقت احسب اني نسيته وحبه كان = اثريه باقي حاضرا ماتناسيته له وسط صدري ملك ومعمرا بستان = وبالقلب من بين المحاني بناء بيته الياقبل على قلبي تفتح له البيبان = واليا خرج عن باقي الناس صكيته الالعن ابو حي الغلا يذبح الولهان = يقضي عليه شويه شوي ويميته وصلت في حبه الى حالة الادمان = اتنفسه شوق وغرامه تعاطيته ادور على درب السلامه بمهماكان = وطريق السلامه تالي الرحله اغديته ولا اله الانت يالواحد الرحمن = رحماك ياللي تحيي الحي وتميته [/poem] |
رد: ((ديوان الشاعر:مـعـيـض بن عـريـفـج))
اخواني اخواتي هذه قصيدة مدري وشهي مدري هي غزليه مدري هي اجتماعية مار اقرب مالها النصيحة او حولها وهي بها من الوجد شيء عجيب >>>امحق من عجيب
ولكن عاد تخبرون نبي نفرفش مع هالخربوطيه سلمكم الله واعذرونا عن القصور وتفضلوا والياقريتوها لاتنسون تقولون صح لسانك ولله درك ظروري هههههههههاغـا ضــه [poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""] الاياوجودي وجد اللي ماعليه خلاف = ولاهمه ياغير النوم والشرب والزادي عن البرد متغطي على دوشقه بلحاف = وعن الحر تحت مكيف(ن)باااارد وهااادي ولاهمه الدنيا ولاتجمع الالاف = ولاهو بشفقان(ن)على غض الانهادي قلبه لاهو قاطع ولاهو بعد ميلاف = تحب راسه او تشتمه كلهن عادي يغني وهونايم مع حبيب وصياف = امنت ب الله مايتطابق تقل رادي وجودي على طرد العجاجه من المشراف = وراها وراها ركض من وادي بوادي واسوقها لاغابت الشمس بالكشاف = هذا هوا بالي وهو غاية مرادي [/poem] وسلااامتكم وش رايكم بهالهوايه ههههههههه |
رد: ((ديوان الشاعر:مـعـيـض بن عـريـفـج))
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
التغلي ياحبيبي ينقص من غلاك = كان طولت التغلي ترا يأثر عليك لاتمارس حرب الاعصاب ويسبب عماك = ولانعميت اللي تسبب على عيونك يديك انت خلك كأنك المقفي وعينك وراك = وان تحدربك طريق الفراق امسك بريك وعود لرشدك عسى الله على الزين يهداك = لاتحسب انك اليازعلت خلك يحتريك كان ماقدرت نعمتك يوم الله عطاك = طاب خاطر من يحبك ولايهتم فيك ايتنازل عن محبتك مايطلب رضاك = وانت جعلك تاجد اللي يجيك ويشتريك ثم راح لمن يعزه ويغليه ونساك = والنفوس طيور لاقفت تروح ولاتجيك لاتقول يموت فيني ولايبعد هذاك = انت بكره لاتزوجت تترك والديك [/poem] |
الساعة الآن 05:09 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.