رقص الحريم في الاعراس

الحريم فالاعراس حدّث ولا حرج وبالذات إذا جاء وقت الرقص

منهن من تثير الشفقة ومنهن من ترسم علامات التعجب فوق راسك

ومنهن من تجعل المتفرجين يرددون ( الحمد لله على نعمة العقل )

من أ ن تضع قدميها الكريمتين عالكوشه إلى أن تنهي وصلتها الاستعراضية

/
l
/

والحين نكشف الستآر عن الموآهب المدفوونه

وحدة تهز الوسط ؟

- والثانيه: ترج المناطق العلوية وما جوارها بتوقيت المنطقة

- والثالثة: تنفض شعرها بطريقة الفريرة تقولون داخلته حشرة تبي تطلعها

- والرابعة: تحرك يديها بطريقة لولبية كوكبية متوازية الاضلاع كنها تخبز تميس

والخامسة: تطامر يمين ويسار كسرت ارقاب الاوادم من كثر ما يتلفتون وراها

والسادسة: تترنح على أنغام البوب بطريقة هستيرية كنها صرصور باخين عليه بف باف

والسابعه: تتهزهز تقول ماسكها كهرب 220 فولت

والثامنة: تصفق بيديها من تبدأ إلى تنتهي ما تدرون تصفق لنفسها ولا للحضور

- والتاسعة: ترقص جنب الطقاقات وتخش في وجيههم عشان يزينون لها الطق

والطقاقات ودهم يصكونها بالطيران صرعتهم بريحتها

- والعاشرة : تسوي حركات تخليكم تشكون في قدراتها السيكولوجية والفسيولوجية والامبريالية!!!!

..........

كله كوووم واللي يلبسن برآقع في العروس كوم ثاني

( تدق التسريحة والمكياج والفستان المشخلع والمخلوع بابه وتلبس برقع

كيف تجتمع ماااااااااأدري؟!!
وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شيّ يوقفه

وإذا وصلت الكوشه تمسك البرقع بأقوى ما عندها ثم تررررررررميه على الواقفات عالمنصة
والشاطرة تمسكة
واذا خلصت وعينت من الله خير قامت تدور برقعها مثل المسعووووورة
لأنها من الحماس ما تدري وين أراضيه
وإذا لقته كنها لااااقيه كنز على طووووول تحطه على وجهه ما تبي أحد يشوفها

واللي يبط الكبد أكثر وأكثر اللي ترقص بولدها ( يالييييييييل أم حبيليص)
ياشيلي يا أم الشباب يا تتمايلي

وإذا قام الولد يصيح تنزله وتكمل رقص !!

والولد ياعمري يتعلق في فستانها المشخلع ويجرجرفيه يجرجر فيه وهو يشاهق من الصياح

تحسبونها توقف !!

لالالالالا ... إلا تكمل الرقصة إن شاء الله يموت من الصياح اجل تخلي فلانه اللي طلبت لها الاغنية علشان هالعله

لالالالالالا وألف لالالالالالا.............

والمضحك اللي تدخل اسمها في الاغنية واسم العيلة وعيلة العيلة

/
l
/

والأغاني المستخدمة لهذا الغرض تنقسم إلى قسمين :

مدح مباشر مثل :

- (ياصايغين الذهب عطوا الذهب فلانه) ... ادعسسسسسس

ردوا سلامي على الفلانيه اللي ما يهابونه

فلانه كل الحلا فيها احترت أنا مدري وش اسميها ).... جبر الخواطر على الله

(فلانه غزال صادها القناص ) .... ياحلالااه يا حماية الحياة الفطرية أي والله

...........

والقسم الثاني مدح غير مباشر:

- (الله يازين اللي حضرت غطت على كل الحضور .... شوي شوي ياديانا

( بس هالاغنية قديمة جدااااا)

- (قولوا بسم الله على غزالن طب قولوا بسم الله

هاذي عاد ضاربة في عمق التاريخ

بس إلى الآن متداولة للآسف على كثر الأغاني ضااااااااااقت إلا يغنونها

- (نورت ياحلاها شمس الأقبالي والعذارى شموعن من حواليها )

هاذي عاد من تحت الأنقاااااض

/
l
/