لعبة الابيات الشعريه

ياشرفة الغياب.. كم غايب جاي ؟ ** وكم غايب.. بيظل " ذكرى حزينه "

هجرت قلبٍ دايم الدوم يرضيك
وأبديت هجرك يابعد كل هالكون

غرست رمحك داخل القلب بيديك
رمح يشق القلب قاسي ومسنون

بالأمس كنت تقول ماني بناسيك
وإنه غلاي بداخل القلب مكنون

واليوم تنساني وتظهر بلاويك
وتقسى علي وتدبح القلب بالهون

نعيب زماننا والعيب فينا ****وما لزماننا عيب سوانا ...
ونهجوا ذا الزمان بغير ذنب****ولو نطق الزمان لنا هجانا...

ألا يالله ترحم من يخافك

نهار الحشر وبالموقف تجيره

وصلاة الله مني والسلامي

عدد ما طار طير من مطيره

هيه ياللـي مبتلينـي صـد ّ ... واخطائـك .... كثيـرة
مانشدتك .. وين رحت ؟ .. وليه رحت ؟ . وويش ناوي !
كنت احسب إنـك عشيـر ٍ مابخـص قيمـة .. عشيـرة
لين ماشفت بعيوني ... كيف خيّبت ... / .... الهقاوي !

يا جـَرحي أستـَأذنك بنام لي{.. سَاعه
وأرجوك تكفى..} دخيلك لا تصحـّيني!

لي{.. ثلاثة أيـّام أعيش السّمع والطّاعه
ولك ثلاثة أيـّام..} تامرني وتنهيني

أصبَحت أنا القـَاز وأنت أمسيت ولاّعه
شبـّيتني .. لعنبوكـ وش يطفّيني!؟

دكتور وممـّرضه وابره وسمّاعه ..
في كل ليـْله ولا يـَدرون وش فيني..}!

من وخّر عن طريقي عنه انا صديت
ولو شفته بدربي صديت عنه وحقرته

يحسبني يوم صد... عنه انا دريت
مايدري ان عمري بحياتي ماعبــــــّرته

? ..هاك قلبي.. ?




. .
إنت ياللي تـقدر تحطّم كيان ..
[ هـاك قلـبي ]
حـطّمـه وأقـرا عليـه ..
\\
وإن قدرت تشب جوفه بالـ حنان ..
اسأله بشويـــش :
ويش اللي يبيه .. ؟!
\\
وبسألك يا صاحبي ليـه الزمـان ..
لا مسك له
[ قلب ]
.. يلـ ع ـن والديه ..!!




:
:

،؛،.. أنا جـــيت كـــلي ..،؛،
ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضـْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)



،؛،.. في كــــفـــها خــــاتــــــم ..،؛،

في كفها خاتم وفي خدها خال ..
.. وفي عينها غيم وعمارات وبيوت

الخال شفته واضحٍ من ورى الشال ..
.. والخاتم الماس مرصع بياقوت

والعمر في العشرين كني مانيب زال ..
.. والجسم كنه من جبل ثلج منحوت

جبل ولكن لا طرقه الهوى مال ..
.. وخطواتها ماهي بالأمتار بالفوت

ماهي تشوف الشمس من ظل الاظلال ..
.. ومصيافها ما بين لندن وبيروت

الشمس لو تشرق على جسمها سال ..
.. كنها مجسم محلبيه وبسكوت

ومن صغر مبسمها شقى حالها الحال ..
.. ما تاكل الا اللوز والخوخ والتوت

ماهي تشوف الناس تمشي وتختال ..
.. ومرٍ على جاكور ومرٍ على حوت

وخدامتين وهي بلا زوج وعيال ..
.. وسمعتها تدعي الدريول يياقوت

وثلاث جوالات ماهو جوال ..
.. ومن يوم خلقت كل شيٍ بريموت

لكن قلبي مالها فيه مثقال ..
.. وش قرب البشت الحساوي من الكوت

ياجعلها للي خذت قلبي نعال ..
.. اللي غلاها عندي الشرب والقوت

حوريةٍ من فوقها الليل شلال ..
.. كنها صبحٍ فوقها الليل مكتوت

قلبي لها من كثرة الشوق مشخال ..
.. وللسر عن كل المخاليق تابوت

تنحت لي من الحب في القلب تمثال ..
.. وحبي لها ينحت على الساحه بيوت

في عينها ماكل رجال رجال ..
.. وأقصى حدود الوصل في سلمها الصوت

زودٍ على القلب وعلى الحسن من آل ..
.. روسٍ لهم روسٍ على متونها بشووت

الى رضت موتوا يا أهل روس الأموال ..
.. وإلى زعلت جربت وش سكرة الموت

من دونها رجلي وراكب وخيال ..
.. والسيف والأمواج والبحر والحوت

-----

ان شاء الله تحوز على رضاكم

اخوي ابو فايـــــــز ربي يعطيك العافيه



ابيات في قمه الجمال ولا هنت على المروور لبى قلبك