((ديوان الشاعر:مـعـيـض بن عـريـفـج))

المشاركة الأصلية كتبت بواسطة معيض بن عريفج

مرسله من صديق لي

[poem=font=",6,green,normal,normal" bkcolor="transparent" bkimage="" border="double,5,darkred" type=0 line=0 align=center use=ex num="0,black""]
البارحة لوبغيت النوم ماجاني = أحايل العين والهوجاس يـرٌقها
ياكن ماوسط تيماء غيري أنساني = الشمس عيت تلوح وطال مشرقها
ماهمني عرض دنياً طردها أشقاني = أرزاق ربي على خلقه مفرقها
همي هنوفٍ بوسط (الجوف) تبغاني = الزين من كعبها للرأس مغرقها
لي أربع سنين مدري بأي الأوطاني = البعد عنها معذبني ومحرقها
(ضحكة عدوك )أجامل وأخفي أحزاني = ضحكة يتيمً من اللوعات يسرقها
أيوالله أنه أعز من أقرب أخواني = أضم صوتي لصوت (معيض) وأبرقها
يامعيض النفس تامرني وتنهاني = والنفس عندي كثير الصبر زهقها[/poem]

وهذا الرد مني عليه

[poem=font=",6,darkred,normal,normal" bkcolor="transparent" bkimage="" border="double,5,green" type=0 line=0 align=center use=ex num="0,black""]
يامرحبا ياهلا حياك يالعاني = ترحيبة (ن)فوق نجم سهيل بيرقها
قدامك مهيلات وبن خولاني = تبعد عماس المسافر لاتذوقها
وحجاج قرماً على الشدة بليهاني = ماهو من اللي ملازيمه يزحلقها
وكب الذي لانخيته خاطره شاني = يموت وجهه واصابيعه يطقطقها
من اللي بوقت السعه والكذب شجعاني = وعند اللوازم تبين لك حقايقها
واترك جميع البشر من غيرحقراني = تعال يمي وانا وانته ننسقها
انا فدى اللي نصاني ماتعداني = يخيل غيمة وفاية رف بارقها
بيني وبينه تجارة صدق وأماني = وموثق عقودها وانا موثقها
ماهي تجارة شريطيه بدكاني = هذاك يكتب عقود وذا يشققها
والخط يطويه شيخ الخط الالماني = ومجهز الخمس ميه هي وسايقها
ان حست الترس نزت تقل شيهاني = وتختف يوم ان سايقها يعشقها
والمال موجود بحسابي بالاسباني = وهذي البطاقة بها الارقام مرفقها
وان غلق المال رح لحسابي الثاني = وان غلق الثاني اخذ ت قروض وافهقها
لوكان يقضي لزومك دم شرياني = غير افتح الصدر وعروقه افرتقها
واقول سم وتفضل والعمر فاني = قدام ساعتك ماتكمل دقايقها
وارزاق ربي كثيره ياسليماني = حتى العصافير رب الكون رازقها
نبي ندور وليفك وين ماكاني = في مغرب الشمس والا صوب مشرقها
نلقاه نلقاه لوهومن ورى ايراني = ولوطار بالطائره بالجو نلحقها
اما مع الجو طرنا بأم جنحاني = والا مع البحروالرحله نرافقها
نشوف الفرس كان هي طلقه بلاعناني =ان شاء الله امالك ان الله يحققها
وان كان عيوبها والهرج مالاني = جبنا هل الجاه والدعوى نروقها
وشيوخنا حاضرين بكل ميداني = ابشوتهم تدفي العزوه وتدرقها
اثقل من جبال نواحه وحلواني = واعمق من البحر اللي السفن يغرقها
واكرم من الغيث اللي فيه رباني = ووادي حنيفه مشاء والشعب ضايقها
تجيك يعني تجيك بساع يافلاني = والعاشقه تهتني في قرب عاشقها
وكان الفرس بالعنان ويم ابن ثاني = الله يوفقك وهي الله يوفقها
قبلك ترى الولف ضحكني وبكاني = والله مالومك لو الكفين تصفقها
لاشقاك ربك فـ00 قبلك ربي اشقاني = باللي عن البيض رب البيت فارقها
انافداها وجعل النذل يفداني = لبيه من حدر ماطاهالعاتقها
الصقرة اللي عن اهل القنص تنحاني = ومن دونها جبال(ن)تروع شواهقها
مدري هي لوقتنا الحاظر تحراني = والا الله بنعمة النسيان رازقها
[/poem]

[align=center]
كفو اخوي ابو وليد
وصح لسانك ملايين

[/align]

لله درك يأبو وليد درر والله درر
تحياتي والي الأمام

[poem=font="arial,6,darkred,normal,normal" bkcolor="transparent" bkimage="" border="outset,8,green" type=2 line=0 align=center use=ex num="0,black""]
ليه ياقلب صابك تالي الوقت رجه = وانت عقب الثقل مانته على الصبر قاوي
مانت غصن(ن) تهزهزكل ما جتك عجه = خبري انك جبل ترسي لو انك خلاوي
وانت حيرتني مدري على وين اوجه = حارت الرجل مدري وين اسوق الهقاوي
والسبب جادل(ن)مالي عليها أي حجه = وباقي(ن) ماقطعت الياس عندي رجاوي
والغلا ان طب في قلب ال ابن ادم وسجه = يتعب الطب ماداواه طب المداوي
ياللي نجيت يونس قلب امعيض نجه = ويالله اجبر عزاه بصاحب(ن)له نحاوي
مار ياطير بلغه السلام وترجه = وقل له اني على لاماه شره وشفاوي
كررالهرج له مليون مره ولجه = ازعجه ربما انك اتعرف ويش ناوي
امايقفي وانا اقفي عنه من غير ضجه =والايقبل وانا اجيله سريع الخطاوي[/poem]

ماشاء الله عليك اخوي معيض بن عريفج

ديوان رائع وفيه من الدرر الشيء الكثير

صح لسانك ولإبداع ليس غريباً عليك

لك شكري وتقديري

[align=center][tabletext="width:70%;border:10px ridge silver;"][cell="filter:;"][align=center]

[align=center][tabletext="width:70%;background-color:black;border:10px outset firebrick;"][cell="filter:;"][align=center]

هلا وغلا بشاعرنا الرائع والقدير

اخبارك يابعدي

صح لسانك مليون ولا يكفون

قصيده قمه في الروعه بروعة حضورك

كلمات اجبرتني علي مشاركتكـ لاحساسي بصدقها

وايمانا مني بشاعر يختار اجود المفردات

ماذا أقول لكـ يا سيد الحرف ومنبع المعاني

وبستان الكلام ..المعطره

لك كل مني خالص التحيه

[/align][/cell][/tabletext][/align]

[align=center][tabletext="width:70%;background-color:black;border:10px outset firebrick;"][cell="filter:;"][align=center]


الم الزمن الدهمششي


[/align][/cell][/tabletext][/align][/align][/cell][/tabletext][/align]

[align=center][tabletext="width:70%;border:10px ridge silver;"][cell="filter:;"][align=center]
[/align][/cell][/tabletext][/align]

[poem=font=",6,darkred,normal,normal" bkcolor="transparent" bkimage="" border="outset,8,green" type=0 line=0 align=center use=ex num="0,black""]
ياصاحبي احلم علي شوي يالوجه السموح = وقلي من الأخر وهات الدرس كله واشرحه
واخذ كلام لسانك وأعتبره حصاناً جموح=ماني بشايل قلبك موديه يم المشرحه
خلك من اصحاب التواضع والصراحة والوضوح = والمنطق الراقي وخل النرفزه والبحبحه
اما اناطبعي صريح ودائماً بالصدق ابوح = واحب اريح خاطري واللي معاي اريحه
واحلا مافي الادمي قلب ولسان وطيب روح = طبيعة(ن) ماهي تصنع لأجل غيره يمدحه
والكذب ماهو من صفاة الشامخ الشهم النصوح = ومن يلبس قناع(ن)مزيف غير-ربه يفضحه
واحيان اشوف الشيء شوف العين واتركها تروح = واقول درء المفسده قدام جلب المصلحه
واخلي غراب الشقاء يمر من فوق السطوح = لاعله يحص له مسلح وغيري يذبحه
واخفي واجامل واتحمل واخفي الام الجروح = واطمع بماهو افضل من الهرج والامادمحه
واليا كباحصان السعد هي كبوت حصاناًجموح = والا البعير اماهبد راعيه والايرمحه
[/poem]

مررت لأسجل اعجابي بما تقدم ابو وليد لا تحرمنا من رقيق بوحك

تسلم اخوي معيض


على القصيد الرايع


وسح السانك

الف شكر لك اخوي نايف ويستاهل ابو وليد كل خير

[align=center] الاخوه والاخوات الكرام اطرح بين يديكم هذه القصيدة وهي لها سبب الشاهد[/align][align=center]
انني كنت عضو في احد المنتديات وبأسم مستعارمؤقت لكون المنتدى فيه شعار وكتاب وادباء ونقادمعروفين واعرف بعضهم ويعرفونني البعض وكنت ابي استفيد من نقدهم وخوف من المجامله المهم نزلت اكثر من قصيدة وكان اكثر التعليق والردود يطلبون مني الاسم الحقيقي وقال احد الشعار وهو شاعر وناقد واديب واستاذ في اللغة العربية وهو خلف العنزي
فقال تكفى لاتنزل هذه القصائد بأسم مستعار خوف من لصوص الشعر والمشاعر مثل ماحصل لغيرك وكلام جميل فــكتبت هذه القصيدة موجهه له وطلبت منه يمهلني في الاسم المستعار ووعدته انني سوف اكتب اسمي الحقيقي وماقصر منحني مهله وبالفعل حصل هذا واليكم القصيدة المتواضعه امل ان تحوز على رضاكم [/align]

[poem=font=",6,darkred,normal,normal" bkcolor="transparent" bkimage="" border="double,10,green" type=0 line=0 align=center use=ex num="0,black""]
ياسلام الله سلامٍ معطر بالبهار = بريحة الخولان والهيل والدله تفور
معطر بالعود الازرق وتحته جمر نار = مايوفر غير عند الاكابر بالقصور
لمنتدى ويلان عماعموم بلاحتقار = حيث من بالمنتدى كلهم نقوة صقور
يحمل اسم اللي ليا هللو فوق المهار = لابةٍ رجالهم لانتخا بخته جسور
كان طقوا بالمحازم وطقوا بالقصار = خصمهم ان فكه الله يروح بلا شعور
يا خلف يا محزمي خذ جوابي باختصار = مايحب يلفلف اخوك بالوضع ويدور
اتخاطب معك لانك فقيه ومستشار = وودي اناقشك واعطيك واخذ منك شور
وانت كلك فائده من يشاورك استنار = والخشوم تشم وتميز انواع العطور
وألإذان تميز الصوت في ليل ونهار = والعيون تشوف لكنها تحتاج نور
لا تواخذني ليا جيت بأسمٍ(ن) مستعار = السبب له سر واسرار الأمه بالصدور
ياخلف لك كل شكري وجاك الاعتذار = ياعساك تقول لي يا ابيض الوجه معذور
بس عطني وقت وابشر ولي كل افتخار = في معرفتكم وباسمي وبحزامي فخور
خلنا ننزل بلنشاتنا وسط البحار = يا عساني اتقن الغوص في سبع البحور
وننزل البحر الحمر والخليج وزنجبار = والمحيط الهندي ودجله نمره مرور
وادري ان بنات الافكار بالعالم كثار = بس يختلفن بالاوزان واسعار المهور
ما شريناهن من السوق والا بالإيجار = وهبة اللي خص داود بكتاب الزبور
والله اللي قدر ارزاق الأمه والاعمار = ويبعث ارواح الجنايز وهي وسط القبور
الله يقدرني انجح بحسن الاختيار = بالخيار اللي تصفق لها كفوف الحضور
ويا الله اوهبني فصاحه وحكمه بالقرار = وانك تجنبني الغطرسه هي والغرور[/poem]