ساعة الفرقى

اقتباس:
المشاركة الأصلية كتبت بواسطة smsm

اهـ ياساعة الفرقى وصالي لظاها

واهـ يازفرة الصدر الشقي المعنىّ

واهـ يادمعتن فاحت بصادق غلاها

ترجمة غيض قلبن بعدها ماتهنىّ

روّحت لاخطا مني ولاهو خطاها

مير مكتوب وظروف الزمن داهمنّا

كسرتني بنظرتها وهزّت يداها

وغصّت عيوني العبرات غصب وبكنّا

ولجّت الارض بالفرقى وجاير صداها

وطاول الحزن قلبي والعيون ارمدنّا

ودّعتنا السعاده واعناي وعناها

وحاصرتنا جيوش الشوق منا ومنّا

ياوجودي بعدها كيف ابنسى هواها

لوّعتنا الليالي والظروف اضرسنّا

والله إني لاموت وخاطري مانساها

شربت عروش قلبي حبها واهجرنّا

ياوجودي وجود اللي تزايد رغاها

مات عنها ولدها والبدو ماتونّا

تمشي شوي وتوقّف وتنظر وراها

ثم صنّت تسمّع له وقامت تحنّا

وفركت زورها في الارض هذا جداها

فطّرت كبدها وضلوعها يرجفنّا

اتناسى وانا ما انسى وازيد بضماها

واشرب بذكرها سم الهوى واتهنّا

[align=center] صح لسانك ولسان شاعرها [/align][align=center]
تسلم اخوي سمسم
على هذا الاختيار الرائع
الله يعطيك العافيه

تحياتي وودي لك


[/align]