((ديوان الشاعر:مـعـيـض بن عـريـفـج))

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
على طاري الذكرى وطاريك ياغلا انسان = وياغلا حبيب برحلة العمر حبيته
قـبل ثلاث سنين باول شهر شعبان = تفرقت انا وياك والواضح اخفيته
اكابرعلى جرح الغلا ولوعة الحرمان = رغم ان قلبي نار فرقاك كاويته
وسمعت صوتك يابعد معشر الخلان = عرفته وفز القلب له ساعة اوحيته
يالبيييييييييه ياهالصوت اللي لامس الوجدان = وقلبي معك ياصاحب الصوت تليته
فزيت فزة من وطت رجله الثعبان = في ظلمت الغدرا وساعة طفا ليته
وتهيض خفوق الهايم المغرم الولهاان = وشريط ذكراياتك العام فليته
بصوتك وفي صورتك شفتك بلاعنوان = وان زارني طيفك من القلب حييته
مع الوقت احسب اني نسيته وحبه كان = اثريه باقي حاضرا ماتناسيته
له وسط صدري ملك ومعمرا بستان = وبالقلب من بين المحاني بناء بيته
الياقبل على قلبي تفتح له البيبان = واليا خرج عن باقي الناس صكيته
الالعن ابو حي الغلا يذبح الولهان = يقضي عليه شويه شوي ويميته
وصلت في حبه الى حالة الادمان = اتنفسه شوق وغرامه تعاطيته
ادور على درب السلامه بمهماكان = وطريق السلامه تالي الرحله اغديته
ولا اله الانت يالواحد الرحمن = رحماك ياللي تحيي الحي وتميته

[/poem]

اخواني اخواتي هذه قصيدة مدري وشهي مدري هي غزليه مدري هي اجتماعية مار اقرب مالها النصيحة او حولها وهي بها من الوجد شيء عجيب >>>امحق من عجيب
ولكن عاد تخبرون نبي نفرفش مع هالخربوطيه سلمكم الله واعذرونا عن القصور وتفضلوا والياقريتوها لاتنسون تقولون صح لسانك ولله درك ظروري هههههههههاغـا ضــه
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
الاياوجودي وجد اللي ماعليه خلاف = ولاهمه ياغير النوم والشرب والزادي
عن البرد متغطي على دوشقه بلحاف = وعن الحر تحت مكيف(ن)باااارد وهااادي
ولاهمه الدنيا ولاتجمع الالاف = ولاهو بشفقان(ن)على غض الانهادي
قلبه لاهو قاطع ولاهو بعد ميلاف = تحب راسه او تشتمه كلهن عادي
يغني وهونايم مع حبيب وصياف = امنت ب الله مايتطابق تقل رادي
وجودي على طرد العجاجه من المشراف = وراها وراها ركض من وادي بوادي
واسوقها لاغابت الشمس بالكشاف = هذا هوا بالي وهو غاية مرادي

[/poem]

وسلااامتكم وش رايكم بهالهوايه ههههههههه

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
التغلي ياحبيبي ينقص من غلاك = كان طولت التغلي ترا يأثر عليك
لاتمارس حرب الاعصاب ويسبب عماك = ولانعميت اللي تسبب على عيونك يديك
انت خلك كأنك المقفي وعينك وراك = وان تحدربك طريق الفراق امسك بريك
وعود لرشدك عسى الله على الزين يهداك = لاتحسب انك اليازعلت خلك يحتريك
كان ماقدرت نعمتك يوم الله عطاك = طاب خاطر من يحبك ولايهتم فيك
ايتنازل عن محبتك مايطلب رضاك = وانت جعلك تاجد اللي يجيك ويشتريك
ثم راح لمن يعزه ويغليه ونساك = والنفوس طيور لاقفت تروح ولاتجيك
لاتقول يموت فيني ولايبعد هذاك = انت بكره لاتزوجت تترك والديك
[/poem]

كيبووورديه ومن خرابيشي بيني وبين نفسي

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]

هذا الزمن مابه جماعة ولاخوان = اخوك جيبك والجماعه دراهمك
المال يجعل لك مخالب وجنحان = يالعن ابوه منين مارحت يخدمك
لو انت ماتسوى الاخيره من الضان = كل(ن)يرحب بك ويقضي لوازمك
ويجعل لك اصحاب وبني عم واعوان = نوعية اللي عايشين(ن)على النمك
ويلحق مع اهل الخيل شقرا وشقران = ناسن تصفق لك وناسن تقدمك
ولوتتصل في نايم(ن)كان سهران = يفز من نومه سريع ويكلمك
وراعي الردى وقت السعه شاطر لسان = ودجاجة(ن)وقت اللوازم يوهمك
ولو انت شيال المحامل بليهان = ان قل مالك مايفيدك تحيزمك
وتشوف من بعض المخاليق حقران = واقرب قريب اليادبرت مايشيمك
لوانت كنت تنقله فوق الامتان = نسيك مااقدر جميلك وقيمك
واستثني اهل العقل والعرف والشان = اللي على فعول المراجل تعشمك
زحول(ن)لهم في ساحة الطيب ميدان = سيفك الياعضك زمانك ومحزمك
واخص مرضاعقول وصحاح الابدان = بهايم(ن)عنهم عسى الله يكرمك
لو انكم من اب ومن امك اخوان = منهم عسى الله يالسنافي يسلمك
[/poem]

كيبوووردية

[/size]
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
المشكله ان خيروك وتحيرت = تختار من تغليه والا السلامه
يمكن تخير صاحبك لاتخيرت = ولاعاد تجني منه غير الندامه
ويطلع غلط ماهو مثل ماتصورت = وتدفع على غلطة قرارك غرامه
تقول لو اني عن الوضع خيرت = ولادخل بتحريم الحلال وحرامه
ماعشت بالدنيا سعيد وتحررت = ولافزت بالجنه نهار القيامه
ويمكن تفوت فرصة(ن)لاتذكرت = تموت غبن ولاتفيد الملامه
فرصة عمر جت لك وعنها تعذرت = وحظك رقد وابطا وهو في منامه
وقلبك يتلك للحبيب وتكسرت = وعقلك يردك حسب مبدا الفهامه
لكن يوم اني تعبت وتفكرت = قلت الحرامي ينكشف من بهامه
سدد وقارب واستخر كان شاورت = واضرب على الكايد بعز وكرامه
ولوتحسب حساب الحوادث ماسافرت = بر اوبحر أومن تحتك الغمامه
واقنعت نفسي بالكلام وتغيرت = ومال العقال اللي تحته العمامه
[/poem]

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
هلا ياصباح الخير والفل والريحان = وهلا ياصباح الطش والرش والغيمه
وهلابالسحاب اللي تشابك مع الربان = على قول ابن جدلان تضحك مقاديمه
بعـد من جفاف الارض تتباشر البدوان = رعوده تجاوب صوتها وانهمر ديمه
وهلا ياسكون اليل مع جلسة الخلان = ارخا سدوله هادي(ن)دون تعتيمه
وهلاياتمام البدرمع سمرة الرعيان = وهلايالحن وتراً حزينه تقاسيمه
وهلايانسيم الفجر يازهرة البستاان = وهلا بالحياء اللي في جبينك مراسيمه
وهـلا بالبـراءه لاتـبـسمـت يالفتان = لهاعند من يفهم تعابيرها قيمه
تسولف عيونك همس ويلامس الوجدان = رسالات تبقاء بقلب معشوقهامقيمه
بحياتي رسمتك لوحة الملهم الفنان = وهو مرهف بحسه ومبدع بتصميمه
وكتبت بك ديوان شعر وقصص والحان = وانامستمدن من غرامك تعاليمه
كتبه الغلا ماقاله محمد الشرهان = احساسي تقوم بنظم طرقه وتقديمه
سكنت الخفوق وسكرت دونك البيبان = وغيرك تجي ذكراه ركعه وتسليمه
وهلابمهرة(ن)تتعب على شانها الفرسان = كفو الشجاع اللي مايترك ملازيمه
تواضع من اجله لوهي بلا رسن وعنان = وهو يحترمها وهي شريدة مغانيمه
والله مالومه فيك ياشمعة النسوان = لوانه عطاك دبي والعين والخيمه
وهلاياشموخ العزياحلا صفاة انسان = ياطهر من الينبوع واطيب من الشيمه
على فطرتك طيب وصادق وحلو لسان = عفيف(ن)لطيف(ن) ماتغير مفاهيمه
وجمال اللي مايتخالف عليه اثنان = اجزل لك الخالق بفضله وتكريمه
من عيونك سهوم المنايا على البرهان = وقتلك لغيرك ماحد افتا بتحريمه
بسم الله وماشاء الله على خلقة الرحمن = تبارك الخلاق احسن تقاويمه
اعيذك برب الناس من نظرة الشيطان = ومن نفخه ونفثه وجملة مزاعيمه
واعيذك برب الناس من شر انس اوجان = عسى نظرته لك ماتعدا بلاعيمه
احبك اشد من حب وضحى وابن عجلان = واشد من حب الولد وافي لشيمه
احبك وانا تايه بحبك بلاعنوان = وانا مسامح الضالم وانا من مضاليمه
والنفس طيراً في سماءجوك بجنحان = ان طار يرجع لك بطوعه وتصميمه
عسى الله يلهم قلبي الصبر والسلوان = لأن الحياة بغيبتك مالها قيمه
[/poem]

[poem=font=",6,darkred,normal,normal" bkcolor="transparent" bkimage="http://mdyf.net/vb/mwaextraedit4/backgrounds/16.gif" border="groove,6,green" type=2 line=0 align=center use=ex num="0,black""]
ياكثر الدواهي مير لابين الصحيح = ياليت منهم يصفي اثنين بالميه2%
تروح العلوم علوم ماينفع التبجيح = ماهي سوالف جنب دله وصينيه
ظروف الزمان تصحح الادمي تصحيح = ويطلع له الخافي بصورة حقيقيه
ظروف الزمان تشرح الادمي تشريح = ويبين ذاك الوقت سره وخافيه
وتبين الجبال اللي تصدى بوجه الريح = وفقارا البشر واهل النفوس الغناويه
وتوارى العصافيرالضعيفه بسد الشيح = ويطير الورق لاجت من الغرب غربيه
وتعطي بعض خلان وقت الرخاتصريح = وتكتب بصحبة خايب السد مرثيه
تغني بها ماهي وناسه لكن ترويح = ترويح عن نفس(ن) ماموره ومنهيه[/poem]

حبايب قلبي الجميع اليوم صار موقف مضحك ومبكي بنفس الوقت بين شخصين الكل منهم مصر على انه لازم ينفذ كلامه والامر تافه جداً وصار فيه احتدام بالموقف وكلهم غلطانين ههههههههههههههه

ومن الصدف انني حضرة الموقف بدون مقدمات ولالي علاقه بالموضوع اللهم اني من ضمن المشاهدين المهم انني تركتهم وجيت مدحدر على سيارتي رايح البيت وعاد تخبرون الواحد لحاله نوب يهيجن ويخربط

هيجنت وخربطت وضحكت على حالي وقلت هالبويتات وابيكم تضحكون معي عليهن امل ان تحوز على رضاكم ولكم تحياتي

[poem=font=",6,,bold,normal" bkcolor="red" bkimage="" border="inset,10,deeppink" type=0 line=0 align=center use=ex num="0,black""]

ياليت لخبول المخاليق دكتور = متخصص(ن)لآهل العيا والعواجه

ويحط مستشفى وطبيب برفيسور = ومكمل(ن)جاهز بكل احتياجة

وقلب العقاب يحطه بصدر عصفور = ويزرع جناحين القطاء ف الدجاجه

ويدخل افضل مخ في هامة الثور = وعلى الذكا والطيب يضبط مزاجة

تلقاء على بابه من الناس جمهور = كل(ن)معه خبله يدور يدور علاجه

ويصير كل الكون عقبان وصقور = ويتلف وهو بالعش بيض الزراجه

وان صار لي خبل(ن)وانا فيه مجبور = ادفع تكاليفه على كل حاجه

ويطلع رجل حكمه ومبدى ودستور = مانبتلش بالعلم يوم نتواجه

ولو يتحسن مانبيه برفيسور = نبيه يعرف في حياته خراجه

[[/poem]

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يقولون سر الشخص لامن ظهر يؤذيه = وانا السر عندي ساجنه وسط زنزانه
ولويفتح اذنه ناقل الهرج مايوحيه = لوانه بذل قصارجهده على شانه
ردي العزايم بالكرب لارحم واليه = لايدري بزلاتك لو انك حدى اخوانه
لاتاخذك فيه انك ابن عم وابن اخيه = ترى مال نقال الحكي غير حقرانه
ترى الصدر صندوق(ن)مقفل على مافيه = ولاينكب احيان ال ابن ادم سوى لسانه
اللي يجيب الهرج للناس ويوديه = مشغول بين فلان وفلان وفلانه
ماينظر سما دايم عيونه تحت رجليه = كبه ويلقا من طيوره وصدقانه
ويرتاح معه ولايجيني وانا ماجيه = ولابي تليفونه ولاريد عنوانه
عسى واحد(ن)مايجمل ولاالله مهاديه = يقشه القشاش قدام بزرانه
ولوان صدري جرح سيف الغدر مدميه = مايدري به الا رب الارباب سبحانه
اسجد لرب(ن)يمرض العبد ويشافيه = كريماً عن المحتاج ماصك بيبانه
وارفع يديه واطلبه والتجي ايليه = واتوسله عطفه ولطفه وغفرانه
وابي الوذ في بوحي الى الشعر واحاكيه = لاعله يبدد ضيقة الصدر واحزانه
واسولف مع القمراء على اليل واناجيه = بكل اريحيه يطلق الشاعر حصانه
على النار والدله وتمر الحسا ناقيه = بروض الحياء والارض خضرا ورويانه
ماغير ام سالم صوتها بالسماء تلاحيه = تهوبل على يادان وا دان لادانه
حرام انها اطلق من رفيق(ن)قصار يديه = الياجتك تستعرض تقل فيك فرحانه
يالبيه فيها ثم مليون يالبيه = ولوانها طيراً يرفرف بجنحانه
افضفض عن الصدر الذي هاجسه مشقيه = بطاروق يعجبني ومرتاح للحانه
الياصاغه الشاعر ومن بعده يغنيه = متخير اللي يلامس(ن)كل وجدانه
[/poem]

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
انضبط بالسير ياخي قائد السياره = القياده فن وخلاق(ن) وذوق(ن)راقي
لاتطيروتعتبر نفسك ملكت الطاره = كم غلام راح قبلك مابقا له باقي
في تريله اوعمود او خش في عباره = وازهق انفس مالها ذنب ابتلاها الشاقي
سرعلى مهلك وحذرا تقطع الاشاره = واعط حق الافضليه هكذا السواقي
حاول انك تنضبط وتواكب الحضاره = وابذل الاسباب والله الرحوم الواقي
وكان تبي تطير سافر لك على طياره = قبل ماتصبح ضحيه في حدى الانفاقي
الهمجيه مبادي عالما منهاره = مايعرفون الادب والذوق والاخلاقي
احفض النعمه مادامك تمتلك سياره = فيه غيرك حافي الاقدام ماهو لاقي
[/poem]