دورة تخطيط و جدولة أعمال الصيا... [ الكاتب : شادى محمد - آخر الردود : شادى محمد - عدد الردود : 0 - عدد المشاهدات : 22 ]       »     دورة تخطيط وإدارة عمليات الصيا... [ الكاتب : شادى محمد - آخر الردود : شادى محمد - عدد الردود : 0 - عدد المشاهدات : 20 ]       »     دورة إدارة الصيانة وفقاً للموا... [ الكاتب : شادى محمد - آخر الردود : شادى محمد - عدد الردود : 0 - عدد المشاهدات : 23 ]       »     ورشة عمل الهندسة القيمية#دورات... [ الكاتب : شادى محمد - آخر الردود : شادى محمد - عدد الردود : 0 - عدد المشاهدات : 18 ]       »     شركة تنظيف مكيفات بالرياض [ الكاتب : شهاب علي - آخر الردود : شهاب علي - عدد الردود : 0 - عدد المشاهدات : 28 ]       »     شركة صيانة افران [ الكاتب : شهاب علي - آخر الردود : شهاب علي - عدد الردود : 0 - عدد المشاهدات : 21 ]       »     شركة تنظيف بالقصيم [ الكاتب : شهاب علي - آخر الردود : شهاب علي - عدد الردود : 0 - عدد المشاهدات : 19 ]       »     دورة ادارة نظم وبرامج الصيانة ... [ الكاتب : شادى محمد - آخر الردود : شادى محمد - عدد الردود : 0 - عدد المشاهدات : 19 ]       »     دورة البرنامج المتكامل فى الاق... [ الكاتب : شادى محمد - آخر الردود : شادى محمد - عدد الردود : 0 - عدد المشاهدات : 17 ]       »     دورة ميزات التجارة الدولية وتح... [ الكاتب : شادى محمد - آخر الردود : شادى محمد - عدد الردود : 0 - عدد المشاهدات : 24 ]       »    



    موضوع مغلق
     
    أدوات الموضوع انواع عرض الموضوع
    قديم 09-27-2007, 04:32 AM   #1






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي (( ديوان الشاعر عبدالله بن ضيف الله الشملاني ))

    [align=center](( بعض البشر ))[/align]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    ابـدا بذكـر الله وهـو خيـر مبـداه=خالق جميع النـاس وعالـم مصيـره

    وبنـات فكـري بالمعـانـي منـقـاه=وبنـات فكـري بالجزالـه جـديـره

    وفي خافقي بحـرٍ غرفنـا مـن ادنـاه=بحـرٍ تجـاذب بالمعانـي الغـزيـره

    وبدعـت لـي ابيـات نقحـة معنـاه=لوصـف الرجـال الهينـه والعسيـره

    بعض البشرماهي علـي العـز هقـواه=نظـرة حولـه معمـي الله بصـيـره

    وبعض البشـر تلمـح بقبلـة محيـاه=أعلـوم تفـرح خاطـرك والسريـره

    وبعض البشـر ودك تسوقـه لمثـواه=مامـن مسـد الله يغـربـل مـريـره

    وبعض البشر مجلـس ومدهـال تلقـاه=عامـر محلـه بالوجـيـه السفـيـره

    وبعض البشرماوجب الضيف لو جـاه=وربطات مالـه محكـم ادبـال سيـره

    وبعض البشر من صيته الناس تنصـاه=ضيف يتغدا والعشـا لضيـف غيـره

    وبعض البشر ان حل ذكـره وطريـاه=مكـروه وكنـه نافـخ لنـار كـيـره

    وبعض البشر سعدالخوي ان صاح ينخاه=فزعه وسيفـه حرمـه عـن جفيـره

    وبعض البشر كنه كمـا الـذر ممشـاه=والمصلحـه هـي الحـلا لـه بسيـره

    وبعض البشر جمه ولاتاصـل اقصـاه=ويمنـاه جمـه يسقـي الكـل بـيـره

    وبعض البشر يتبع هوا النفس وارضـاه=ونفسه ورا اللـذات تفـرش حصيـره

    وبعض البشر قله عـن الطيـب ينهـاه=وعـن مدتـه خلـلا يدينـه قصيـره

    وبعض البشر نفسه فقيـره ولا اغنـاه=ونفسـه بفقـره زايـده بـزود خيـره

    وبعض البشر مضرب مثل في حميـاه=راعـي حميـا وفزعتـه للعشـيـره

    وبعض البشـر رجولـة فـي مسمـاه=وليت الله حطه بنـت واسمـه منيـره

    وبعض البشر حظه كبيـرٍ ولـه جـاه=وعند المواقـف والمصايـب خبيـره

    وبعض البشـر حظـه تعـلا وعـلاه=وان عـودة لـه مييـت والله ضميـره

    وبعض البشـر ودك يعجـل ابفرقـاه=وفي خوته تمسـي الروابـع كسيـره

    وبعض البشرمن هرجـه الجـرح داواه=ثاقب نظـر ماخـاب مـن يستشيـره

    وبعض البشرفـي شوفتةانقـول عـزاه=كنك تشوف الـداب وتوحـي صفيـره

    وبعض البشر قلبه عن الحسـد صفـاه=فيـه الصفـاوه والنـقـاوه وفـيـره

    وبعـض البشـر مـوذي لسانـه وأذاه=وكـلٍ تبـرا منـه حتـي نصـيـره

    وبعض البشر عقرب ثرا فـي نوايـاه=وعلي شبيهـه اشكالـه يحـوم طيـره

    وبعـض البشـر ياسعـد والله شـرواه=وجهـه يزبـن مـن دخلـه ويجيـره

    وبعـض البشـر العلـم جابـه ووداه=وعلـمٍ درابـه وصلـه كـل ديــره

    وبعض البشر رجله عن العيـب عـداه=ونفسـه عـن اللـذات رابـط خفيـره

    وبعض البشر ياصبرها القاع صبـراه=مـن زود كبـره ناسـيٍ مـن كبيـره

    وبعض البشر قاطع قطع عـود ربـاه=وعليـه لابـد الـرحـى مستـديـره

    وهذا القليل اللـي اختصـرة وذكرنـاه=والنـاس واجـد والطبايـع كثـيـره

    ولو قلـت ماقلـت البشـر ماحصينـاه=واللي خلق هالكون محصـي البريـره

    وصلو علـي مرسـول دينـن تبعنـاه=نبينـا المرسـول بـأرض الجزيـره

    ويـاالله ترزقنـا شفاعتـه وارضــاه=ويشفـع لنـا بحسابنـا عـن سعيـره


    [/poem]


    [align=center]*
    *[/align]
    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    تعالـي واغلقـي التحقـيـق وانتـزعـي اعترافـاتـي=حقيقه لعنبو شارب مايتغزل بميزاتـك

    وبـنـات افـكـاري تتعـهـد وتكفلـهـا خيـالااتـي=على ابداع معناها على جزل امتيازاتـك

    وابــد بلـونـك وزيـنـك او بحضـنـك بدايـاتـي=جزا وصلك وصالي والاصل منه مجازاتك

    بعـد ماجيـت وشيدتـي القصـور بـذاتـك وذاتــي=وتعاهدنا انا فـدوه لدربـك واحترازاتـك

    عسـا يسـعـدك وانـتـي استحقيـتـي احترامـاتـي=وروحي فدوة اعيونك ونظراتك وغمزاتك

    عقـب ماكانـت اهمومـي سبـب لـي فـي معاناتـي=واقول لنفسي يانفسي من الشيطان همزاتـك

    لان الظـن اسـاس الشـك وابـدٍ مـاهـو بصفـاتـي=وسوء الظن ييعني شك وباين باهتزازاتـك

    وانـا مانـي تـرا شكـاك ولاهـوجـس ولاحـاتـي=وعارف اني الغالي وواضح لـي بفزاتـك

    وهـذا يعتبـر اثبـات نجـاحـك فــي اختبـاراتـي=وبرسل يابعد راسـي التهانـي بأجتيازاتـك

    كسبتـي ودي وحبـي وصـرتـي غـايـة امنـاتـي=بعد ماكنتي مغروره ودافع حكمـي رزاتـك

    اقولـه واستبيـح العـذر جــارت فـيـك نظـراتـي=عرفتك واكتشفتك بالتواضـع كـل حزاتـك

    لانـي بالحكـم جايـر وحكـمـي لــك مجـاراتـي=وجوازي بدولة قليبك يختم مـن جوازاتـك

    وهاتـي محضـر التحقيـق هاتـي محضـرك هاتـي=وابصم لك على الاقـوال احبـك باعتزازاتـك



    [/poem]
    أبـــ بنت ـــوهـا غير متواجد حالياً  
    قديم 09-27-2007, 04:35 AM   #2






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: (( ديوان الشاعر عبدالله بن ضيف الله الشملاني ))

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    يموت الحب في لحظه ولو عاش وبقا اعـوام=ودايم يرخص الوافي بعين البنت وتذله

    صدى مافات ياعمري شبابي ضاع بالاحـلام=صدى والله على مافات ياعمري بسبب زله

    وبسئل ليـه بعتينـي وتسـوا اسنيننـا بأيـام=وردك ماطلبته منك لان سكوتك ارحم له

    قسيتي اه للوافـي ومـات الحلـم بالاوهـام=قسيتي والزمن اقسا وانا من ناره لمله

    وعرفت ان الهواهالحين صدر في حقه الاعدام=وعرفت ان الهوا كذبه يجيب الموت والعله

    لاني شفت في دروبه شوارب تقصر وتنضام=وبعد ماشفتها جنبت وبعد الرجل افضل له

    ودروبه من عثر فيها ذكر ان الفضيحه اللجام=مصيبه يافضيحه او اهانه يشوفها استر له

    ورجلي حارت اخطاها بدربه مامشـت قـدام=وتذكرت الهوامن اول واشوفه الحين واسف له

    وصدودي هذي اسبابه واظن اني بها منـلام=وقلبي اكتفا بجروح ادمت في الحشا كله

    واذا قولي مهو مقنع اجل وش يقنعـك افـلام=وشوفي من يصير بدور عنتر وانتي له عبله

    عرفتي مقصدي هالحين ارتاحي بلاش اهيـام=وقولي ماهو متبدل سمح قلبك اوقله


    [/poem]

    [align=center]*
    *[/align]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    الا واشيب عيني من حمولي كل يـوم تـزود=وانا اللي ماهقيت ان الحمول اثقال واشـدادي

    والا يالله جملني بصبرن منذكـر لـه حـدود=يفوق العرف ماله وصف تكفـا يالله الهـادي

    والا يالله لاتثني عزومـي باعتلـي واسـود=ابي لاجابو اسمي يذكرون افعولي وامجـادي

    والا يالله صبرني على حمولي بعد محسـود=والا يالله لاينهـار متنـي بعيـن حـسـادي

    دعاوي موجهه لله وحـده الخالـق المعبـود=ولا غير الولي ارجي على غاياتي ومـرادي

    انارجال لي نظره تشوف ان الرجـال تكـود=تشوف ان الرجال اجبال من يخطي ترا يعادي

    بنات افكار وهيضها بفكر الشاعـر المقـرود=لعمري اللي تهاوا لاني ضايع فيه او غـادي

    بلغت العشر والعشرين كله من عمر معـدود=وربيع العمر بحسابه وماشي لنقص عـدادي

    وقالو بالمثل ظلن مهو لشجرتـه مابـه فـود=وانا شفي اصير اظلال ربعي عند الاجـوادي

    اقوله والحقيقه اني من حظيظي تـرا ملهـود=حقيقة حظي اللي لا ذكرتـه يدمـي افـوادي

    بلغت العشر والعشرين ياحظي العمر محدود=بلغت العشر والعشرين وحظي عاثر اوكادي

    [/poem]
    أبـــ بنت ـــوهـا غير متواجد حالياً  
    قديم 09-27-2007, 04:37 AM   #3






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: (( ديوان الشاعر عبدالله بن ضيف الله الشملاني ))

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]

    علي النقا وضحه مشيـت وتعنيـت=لكن علي وضـح النقـا واخسـاره
    ازريت من وقتن غدا ضدي ازريت=وقتـن يقلبنـي علـي كـل تـاره
    وقتي شبوب النار في معمل الزيـت=والزيت مـن يقـدر يطفـي لنـاره
    دنيا تقلـب مانفـع ليـت او ليـت=دنيـا دنيـه مـن تبعهـا دمـاره
    ان جيتها صدة واذا جتنـي اقفيـت=وان اقبلت واقبلت جانـي اختبـاره
    كنه علي مقياس ينقـاس بالفيـت=او انها زيئبـق صعيـب انحسـاره
    لوهي تزينهـا الهقـاوي تهقويـت=مير الحقيقه مسيرن فـي مسـاره
    وفي لوحي مكتوبن سعيد او تشقيت=وما هو علي كيفي الزمن واختياره
    لو هو علي كيفي شربت وتقهويـت=حلو الزمان اللي سقانـي المـراره
    ولو هو علي كيفي براسـه تعليـت=عالي سنام المجد فـي راس قـاره
    ولو هو علي كيفي مكابر ان اخطيت=ومن يخطي بحقي رضاي اعتـذاره
    واستغفـر الله شكلـي والله زليـت=ويالله طهرني عن السـوء طهـاره
    وسوء القدر رده دعاء رب هالبيت=ولا من نويت امرن اصلي استخـاره



    [/poem]
    [align=center]*
    *[/align]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    ياوجودي وجد اسامه يـوم حـدوه اليهـود=في تورا بـورا وكابـول وشرقـي قندهـار
    او وجودي وجد من اقفا زمانـه ولا يعـود=ومن ردا حظه زمانه قاسي بحالـه وجـار
    او وجودي وجد من ذلـه زمانـه لشـرود=عاف بقعا يومها صـارت مهونـه للحـرار
    من زهمنا قلنا ابشـر ياولـد ارقـا سنـود=وان زهمنا مالقينا من يقول ابشـر وسـار
    باتوجد واتوجد مـا علـي وجـدي قيـود=واتوجد دام مالـي غيـر وجـدي ذا خيـار
    دام عمري يارفيقي راح في صمت وجمـود=والفرح مامن فرح والشمس غابت ياالنهـار
    قلتها يوم الـردي رد الجمايـل بالجحـود=والجمايل مارجينا ردها وصار اللـي صـار
    والحقيقه ان الثعالب في الزمن هـذا فهـود=والمصيبه ان الفهود نشوف فيها الانكسـار
    ولعنبو وقتن فتل اشنـاب صنـاع وهنـود=ولعنبو وقتن قـراره ياخـذه ابـن القـرار
    وقيمة الرجال صارت وش كثر عنده نقـود=وتكرم اشناب الزحازيح له عنـدي اعتبـار
    قلتها والعهد باقي وعهدنـا هـو للسعـود=وبأسمهم صارنا سعوديين ميـزه وافتخـار
    والحسود العود بعيونـه ولا فينـا حسـود=قلتها دام الفلك وجدي وشعـري لـه مـدار
    ماقصدت اني بانزل قـدر احـدن بالوجـود=وماقصدت اني باقول الشعر في كل اقتـدار
    مقصدي ماطيع وقتي ماخذ لنفسـي عهـود=ومقصدي اعز نفسي وسلك ادروب الكبـار
    ولو يميل الوقت فيني ثابت ومعلن صمـود=والذهب يبقا ذهب ماخالـط بلونـه حمـار
    المهم انك عرفت اني بوجـدي لـو اسـود=ماقدرت اني ابتدع بالوجد معنـا وأختصـار
    يعني بالمنثور ورياح الهباء ارياحي تـزود=وثابتن في هباء المنثـور بريـاح وغبـار
    والجهود اللي بذلته والله ماهي باي جهـود=ولو رميته فوق سور الصين ينهار أنهيـار
    وما ابالغ لو يصيبك من الوصـف البـرود=وياحمولي ان كان وصفي مقصرن لك اعتذار
    والسبب ان الحمول اللي علي دوم ابصعـود=ومن بلاه الله يحبه وثابه عن كـل اختبـار
    واخر ابياتي ياربي حطنـي بحـظ الجـدود=صيتهم نجمن تعلا وطيبهم ضافـي الستـار


    [/poem]
    أبـــ بنت ـــوهـا غير متواجد حالياً  
    قديم 09-27-2007, 04:39 AM   #4






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: (( ديوان الشاعر عبدالله بن ضيف الله الشملاني ))

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    أقول أرتاح وريّحني/ خفوقي مبطي بك مسحور=بلآش الصد والهجران وأنـا الوافـي بهقواتـي

    عرفت إن الحلا كايد وأنا إللي بالحـلا مبهـور=وعرفت إن الهوا يصعب على إللي يسوي سواتي

    لأني ماني متفلسـف ومانـي لالهـوآ دكتـور=وماني راعي إتفلسِف ولا هـو مـن حركاتـي

    أنا إنسان لي قيمة و أحمدالله / مانـي مغـرور=ومن يحتاجني يلقـا لدروبـه سـوق خطواتـي

    أنا عاشق كفاه جروح وطعنة غـادر ٍ لمغـدور=أنا وآفي تعبت أبحث عن إللي وافيّـه لالذاتـي

    وماني محتمل غدرة وجروح الغدر بي طابـور=وماني محتمل لحظـة خيانـه إتفجـر إسكاتـي

    وماني مستعد أشوف قلبـي بالحـزن مكسـور=وماني مستّعد أعيـش حزنـي بـأي لحظاتـي

    أبي قلـبٍ ينسينـي حكايـت حظـي المعثـور=و أعيش العمر في قربه و يجبر كـل عثراتـي

    أبي قلبٍٍ يداويني وجروحي ما عليهـا قصـور=ولا أبي قلبٍ .. يجرحني وينثر باقـي أشتآتـي

    أبيها أوطان وأسكنهـا وتبـدّد ظلمتـي بالنـور=و أبيها الهآمي لشعري وفيهـا روعـة أبياتـي

    و سيور الفتى يكبر عن دروب الهـوآ ..سيـور=و سيوري لبداياتـك معـي يعنـي .. نهاياتـي

    لأني بالوفآ وآفـي و راسـي بالوفـآ مسطـور=و أموت وما أخون إلي أحتوتني بكل مأسآآتـي

    وقلبي ما عليه سياج وطوق أمني ولاله سـور=و يحرص مير ماخون ومنه أبـدا ... قراراتـي

    و أذا منتي على وصفي تراني لخيركـم مكثـور=ولا بعد أنجبت أُنثى فتـاه إتوطـي .. هاماتـي

    أقول إرتاح و ريحّني يقلـب يخالـف المذكـور=بلاش الوّد و الفرقـآ إذا منتـي .. طموحاتـي
    [/poem]
    [align=center]*
    *
    *[/align]
    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    راكب اللي يطـوي البيـدا وارد مـن عمـان =كامل الأوصـاف والتوصيـف ماجابـه ردي
    وارد البهـوان والبهـوان معطيـك الضمـان =شامل(ن) لمحركاته وشامـل(ن) حتـى البـدي
    وارد اليابـان ماجـمـع مصـنـع باليـابـان =و ابدعه اللي خشيمـه مثـل تبصيمـة يـدي
    جيب لاند كروز في اكس ار محسوبـه ثمـان =البواجي اللي فـل أنجكشـن وقـوده موقـدي
    مركب الشيخان واللي له عنـد ربعـه مكـان =مركب اللي من لهم صيت(ن)كما نجم الجـدي
    اركبـه يامسنـدي بوصيـك يالله المستـعـان =ونحره بيت الكريـم وعطـه علمـي يابعـدي
    ولا لفيته حب راسه وحـب عينـه ثـم كمـان =حب خشمـه وقلـه راسـي والله مقـدم فـدي
    جعل يومي قبل يومه مأحتمل عقـب الزمـان =كيف باعيش الزمن من عقب ذخري وسعـدي
    وخبـره يازيـد زادت فـي ثلاثينـي سنتـان =وبقعا من بلوى لبلـوى تزخنـي زخ ابـردي
    وبشره انه مايهم(ن) زان وقت او هـو شـان =ودام عين تشوفه طيب عـذه يابقعـا وغـدي
    الحصان ابن الحصان ابن الحصان ابن الحصان =وايلـي لا لا وشمـلانـي تـدرون!!أرشـدي
    يعني اللي ندينـه هاللحيـن بكـره بـه نـدان =واللـي لـه باقدمـه بكـره يقدمـه ولــدي
    وفضلهم بعد العبـاده فـرض بـر الوالـدان =وفي جزاهم نجزاء بالدنيا ونحاسـب بالغـدي
    قلتهـا واقولهـا وباقولهـا وهــي البـيـان =ويالله تهدينـي علـى رضاهـم وبالله اهتـدي
    وبشر اني مستديمن اللي مـن عبيـد استـدان =وجعل يومه يبطي وعمره على الطاعه مـدي
    قلتها وانـا وكيـل الجـزل وابياتـي سمـان =والقريحـه مفرداتـه مـن جزايـل مفـردي

    [/poem]
    أبـــ بنت ـــوهـا غير متواجد حالياً  
    قديم 09-27-2007, 04:42 AM   #5






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: (( ديوان الشاعر عبدالله بن ضيف الله الشملاني ))

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    الا يالله يالمعبـود تحقـق غايـة الرغـبـات =وغاية رغبتي يارب عزيـز القـوم مايذلـي

    وا لا يالله لاتجـزا ؟؟؟؟؟ العـرب خـيـرات =تخلو عن شريف(ن) هو ضحيتهـم لمحتلـي

    بلا أعياد اوفرحة بعـد ماذاعـت النشـرات =خبر اعدام من حافظ على عادات كل فاملي

    وقبل الحاكم المغـدور راحـت اول القبـلات =ضحية وعد من بالفور اشحم مير احسن لـي

    دعيت الله سبحانه وكفوفـي ترفـع الدعـوات =وعظيم الشان سبحانه وحنـا عبـادة انصلـي

    اِلهى الوالي العالي اِلهـى مسهـل الصعبـات =تسهلها بوجهي ياكريـم الوجـه سهـل لـي

    بعد ما ضدني وقتي وشفت خيانـة الهقـوات =وموت الموت صكات الزمن تبقـا ولا تولـي

    تعزبني زماني والبـلاوي وهرجـة الشمـات =ضيوف اثقال لمعـزب يرحـب دوم ويهلـي

    وعذاب الحر أي والله اذا قلت بـه الحيـلات =وموت الحر لو يمنـاه بـلا حيلـة ولاحلـي

    وغبن الحر قتالـه وضيمـه يقهـره مابـات =ولوعاش القهر لحظه عن دياره تـرا يجلـي

    عرفت العلم من عودٍ يقول الرجـل بالوقفـات =لة الثنتين يا حادور صيت او صيـت متعلـي

    وعرفت العلم من علمه وعلمه يكسب الخفرات =وعلى قول الجنوبي من زمان اتعلم وقـد لـي

    ورجلٍ يا من الدنيـا بربـي تاخـذه بغفـلات =واذا الله جاد لك بالخير رفيق الفقـر لاتخلـي

    ورجلٍ يندب حظوظه لايندب والعمر مافـات =ورزق الحي عند الله وقـل يالله اغفـر لـي

    وعسا الله يزين الحاره تبي حارتنا ترميمـات =تبي ترميم جدرانن عثابه الدهـر ترللـي




    [/poem]

    [align=center]*
    *
    [/align]

    [align=center](( سوق المراجل ))[/align]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]
    المراجل عيب تحــضر بــرجل ثم(ن) تــغيب=والمواقف سوقها وكل(ن) يضارب بسهمه

    بعضهم يعجبك في مـوقف وفي عشره يخيب=واللــي مـــثله ماهــو حزامي ولاني محزمه

    وعزتي للمجـــتهد ماكــل مـن اجهد يصيب=هذا واللـــه الـلي حظـــه طايح ولا يــخدمه

    قلتها من بعد مابـذ الـخفا امـر(ن)غريـب=شـــي واللــه احــترت به مابيه مابي افهمه

    والمجالس هي مدارسها ولي فيه نصيب=واحمــد اللــه في مجالــسنا دروســه مقــدمه

    ابدع الجزلات في التصويروالمعنا عجيب=يــوم غيــري ماقــوا التصوير بالمعنا اقلمه

    وغيرتك مني سبب انك قلق مني كئيب=ورخمــه تبـــقا بعينــــي ماتشرف برخمه

    والمثل قال العشا ماهولذيب(ن)عند ذيب=والذيابـــه ماتـــخاشر في عشـــاها وتقسمه

    والمثل هــــذا اقوله للذيابه ياصــحيــب=وانت عندي قربت شــريم وقصــة برطمه

    وحسبى الله يازماني يازمن الله حسيب=والصبر مل الصبر فينــي ولكــن اكتمه

    ومن يماري بالكرم بلازمه ماهو يطيب=واللي طيبه يعسره ربي بطيبه اكرمه

    ورجل مايستر عيوبه ماستره الله بعيب=ورجل يشتم في عيوب الناس بكرا تشتمه

    ماحسبها للقريب اخطا ولو اخطا قريب=والظفر باقـي مــكانه ماطـلع عــن ألـــحمه



    [/poem]
    أبـــ بنت ـــوهـا غير متواجد حالياً  
    قديم 09-27-2007, 04:45 AM   #6






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: (( ديوان الشاعر عبدالله بن ضيف الله الشملاني ))

    [align=center](( شبح البعيدات ))[/align]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]

    الله مـن قـلــبـن غـدا الـهـم والـيـه = و قـامـت تـصـكـه و إلـعـبـت بـه ../ هـمــومــه

    لامِـن قعـد وحـده يـهـوجـس بـأمانـيـه= يـرجـي بهـا حـظـه مـتـى .. يـقـوم قــومــه ..؟

    وضيـم الـرجـل / إن صـار حـظـه مـرديـه=و مـا هـو ردي و الـحـظ .. ردآ عـلــومــه

    هـذا هـو أكبـر هَـم بـ القلـب مـشـقـيـه=و يـالعنبـو ... مـن لآآآم قـلـبـي بـلـومــه

    جــدواي...// ربـي مـايـرد كـف تـدعـيـه=بـأول .. تبـاشـيـر الـفــرج فـي قـدومــه

    و يـجـعـلـّي وجهـه وجـاه لوجيـت مـبـديـه=يصلـح و لّو في ثـار أو فـي خـصـومـه

    و مـن لا يـروم المـرجـلـه في مـماشـيـه=والله / خـسـاره فيـه حتـى هـــدومـــه

    و مـن لا يـعـز الـنـفـس .. لابـد تـسـقـيـه=كـاس الـمـذلـه // و الـكـرامـه أمـعــدومـه

    و مـن لا كـسـب صيـتـه مع النـاس بـيـديـه=عـيـبـه // علـى يـمـنـآه تـنـدق وشــومــه

    و لانـي .. ولـد لاشـن ســلايـلـة تـهـفـيـيـه=( أنـا ) ولـد حــرن .. تـعـلآ بـحـومــه

    و يقطعـك يـا وقــت .. الـخنـآ في تـوالـيـه=و عوص الـنـجـايـب فيـك تـهـفـي وســومـه

    و إن كـان لـي شـرهـَه / سـحـبـت الـمـشـاريـه=و مـن بعـد صـكـاتـه .. رمـتـنـي سـهــومــه

    وقـت الـخـنـآ../ وقتـن يـهـيـلـّك بـلاويــه=وعــزآآآه ../ لِلـي مثـل نـفـسـي كـتـومــه

    و لانـي بـحـسـد مـدلـه الـقـلـب تـدلـيـه=ولا شـقـتـه .. سـاقـه لـذبـت رجــومــه

    ( أنــا ) أغـبـط اللـي لـه الـعـود تـشـبـهـيـه=لـطـيـبـه وطـآ .. أشـنـاب و الـلـحـآ إمـحـشـومـه

    و تـرى , الكـريـم أمـعـان والله يـعـطـيـه=و حـمـول وقـتـه .. مـا تـردي عــزومـه

    مـسـبـل يـمـينه وكل مـن جـاه .. يـرضـيـه !!=و مـقـلـط أسـمـانـن تـقـاطـر ../ شـحـومـه

    و مـن لا شـبـح يـم الـبـعـيـدات .. مـابـيـه=و فـي خـوتـه .. لابـد تــدفــع رســومــه

    و قلبـن خـلا مـن هـمـي / يـلـزمـه تـوجـيـه=لا صـار هّـمـي .. بـ الـمـراجــل عــمــومــه ..!


    [/poem]
    [align=center]*
    *[/align]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]

    لا تقرب لي انا صاحب مبـادي=ولاتخيلني اصيـر اللـي هقيـت

    جيت بنصح يمكن مضيع وغـادي=بانصحك ابعد وفارقنـي خسيـت

    والنصيحة طحت في سقم المعادي=طحت في شملاني كانك مادريت

    وان بغيته ترجع لفعـل الايـادي=نجس والله ماتنجس بـك هبيـت

    يعني تبطـي ماتذل(ن)بالتمـادي=ولانخلق اللي يـذل(ن) ماحييـت

    لابتي عزه على كـور الشـدادي=فعلهـا والله يـدرس بالسوفييـت

    وانت صانع ابن صانع والوكادي=منسبك في عبد بيـره ماستحيـت

    والاصل ماهو بسلعـه للعبـادي=ولايغرك كم تسوم وكـم شريـت

    والمسيل اللي يخالـط كـل وادي=هذي للي باعك اختـام ولفييـت

    البغل ندري ابوه أحمـار عـادي=لكن امه عنهـا بالمـال انعميـت

    يعني افهم تالي النـار الرمـادي=والصدا يبقا طليـت او ماطليـت

    ولا انا من ماكر احرار الهـدادي=بأطيب الويلان بافخر لاعتزيـت

    والشهـادة قالهـا شيخ(ن)قيـادي=قالها الشعلان اسنـد ان حكيـت

    عن لقيه ياعنزه اعتمدو اعتمـادي=ضيفت الشملاني محسوبه قضيت

    قلتها يمكن لقت قلـب استفـادي=واستفْ لله رضيت او مارضيـت

    ولاتصير اللي يبي يصيد ويصادي=وكان تفهم مقصدي للارنب رميت

    والنهايه كلمـه ابموجـز مفـادي=أنتبع ماتبع احـد لامـن مشيـت


    [/poem]
    أبـــ بنت ـــوهـا غير متواجد حالياً  
    قديم 09-27-2007, 04:51 AM   #7






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: (( ديوان الشاعر عبدالله بن ضيف الله الشملاني ))

    [align=center](( حاز المراجل ))[/align]

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]


    ياللـــه يالمعبود خالق عبيده =محيي يباس القاع بخيال نوه


    بدعت من هيض القريحه قصيده=لو ان نفسي ماتبي الشعر جوه


    وفيض المشاعر سايلن من فريده=فرايدن بالمدح بمدح وانوه


    فيها اشهدان عبيد عقب وليده=عقب ابوي ابوي شباب ضوه


    من شب بدنيا وطيبه رصيده=وحاز المراجل كلها من علوه


    ويوم الليالي المعسرات الشديده =حايز صفات الطيب وماخذ سموه


    ويوم الكرم عسرن تسيده سيده=ويمناه دم الحيل كاسي زهوه


    لو قلت به ماقلت والله مزيده=وتقصر بحور الشعر لوني مفوه


    ويشهد على قولي حقايق اكيده=قولن عليه اشهود ماهو مموه


    وارفع له البيضا ولاهي جديده=ويالله تصونه من عدوه وسوه


    ويالله تجع لي سنينه مديده=وفي درب طيبه يالله يالله قوه



    [/poem]

    [align=center]*
    *[/align]
    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]

    علي حبي عسا ربي يزيدك بالغـلا لمغليـه =وعلى حبك عسا ربك يجيبك وانتي اطماعـي
    واذا ردك على ودك بـردك لاتجـرح فيـه =وكلام وكنه ماجاني اذا شفتـه بـلا داعـي
    تعالي بشوق وتلمك مشاعر شاعـر وينفيـه =على شاطي نغم صوتك لحن هادي لآسماعي
    امانه يالغلا قلبي يحبـك ايـه ومـدري ليـه =وحبك والله في قلبي حـلا يحـلا بأوجاعـي
    واحبك ايه واحساسي لصوتك جاوبـك لبيـه =وحبي لك ترا يصونك وقلبي لقلبك الراعـي
    فتاتي جيت لك عاني زمانـي بشقـا اشكيـه =فتاتي جيت لك غارق بلا مركب ولا شراعي
    فتاتي بالحشا بيتك تعالـي اسكنـي واحييـه =وقلبي بالحشا يرسم لقلبـك لوحـة ابداعـي
    والاياحظها بقلبي ولاحـدن غيرهـا يعنيـه =وعلى قلبي تدلع بالغنـج وتقـول اطباعـي
    احبـك والهـوا دربيـن والله دايـم ابتاليـه =لدرب افراق او يجمع بدربه حب ماضاعـي
    ابيك بحب ماضًيع سنينـه وبالهنـا امضيـه =وابيك بكلي ياعمري لو اخذها مـن ذراعـي
    ومن يوفي لجل قلبي اقدم لجله قلـب اوفيـه =ومن يمشي شبر يمي مشيت الشبر له باعـي
    واذا انتي ودك افراقي فراقي عله من يشفيـه =لاني شاري شاريني وعمري دونـه ايباعـي
    وقلبك ماهو بضلوعك على قول الكويتي اهنيه =وقلبك والله مو عندك ترا قلبك ورا اضلاعي


    [/poem]
    أبـــ بنت ـــوهـا غير متواجد حالياً  
    قديم 09-27-2007, 05:00 AM   #8






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: (( ديوان الشاعر عبدالله بن ضيف الله الشملاني ))

    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]

    أن كان عيبي خوتي للمناعير=أكبر فخر والله لو كان عيبي


    خوة نقا لهل الوجيه المسافير=والفضل لله كل طيب صحيبي


    ولاني حريص لخوتن مابها خير=ومن دون وجهي ماحفظ مال جيبي



    اقولها والصدق مابه معاذير=وعن وقتك اذخر صاحبن مايخيبي


    واحرص علي اللي لالفاه المسايير=حيا ويبدا بشحم لك يطيبي



    واحرص على اللي لانتهض كنه الزير=وفزعته لك يمناه ورايه صليبي



    وعليك باللي معدنه اصفا من النير=صافي كما نير الذهب يانديبي



    وخلك مع اللي ماحسب للمخاسيير=عريب جد وخال ولاهو لهيبي



    في فزعته سعد الخوي والتباشير=ضد الضديد يضد ضد الحريبي



    واحذر رفيقن مارمى السر بالبير=لوجات لك نكبه لعلمك يجيبي



    واحذر زمانك له لليالي معاسير=وبقعا لها قسمه علينا ونصيبي



    ومن لاحمل راسه شجاعه وصعاطير =ماهو فقيده جعل شمسه تغيبي

    [/poem]



    [align=center][align=center](( الشاعر عبدالله بن ضيف الله الشملاني ))[/align][/align]
    أبـــ بنت ـــوهـا غير متواجد حالياً  
    قديم 09-27-2007, 06:17 AM   #9




     
    الصورة الرمزية مشعل النمران
     
    تاريخ التسجيل: Dec 2005
    الدولة: حي الدخل المحدود
    المشاركات: 6,035
    معدل تقييم المستوى: 343
    مشعل النمران is on a distinguished road
    افتراضي رد: (( ديوان الشاعر عبدالله بن ضيف الله الشملاني ))

    [align=center]عمتي الغالية بنت ابوها
    صح لسانك ولسان الشاعر عبدالله الشملاني
    والف شكر لك على نقل القصائد لنا الاستمتاع بقراءتها
    وفيها من المعاني والحروف المفيده
    اله يعطيك الف عافيه وماقصرتي [/align]
    __________________


    ||| مشعل النمران |||
    أصحو في إحدى الليالي على نداء والدي الذي رحل عني منذ زمن بعيد
    فأبعث الضوء في أرجاء غرفتي لأراه
    فلا أرى أحداً
    فأعود وأرتمي على وسادتي الوردية
    وأوجه لعناتي إلى إبليس اللعين
    الذي حمل صدى صوت والدي ليزيد أحزاني
    مشعل النمران غير متواجد حالياً  
    قديم 09-27-2007, 06:30 AM   #10


     
    تاريخ التسجيل: Sep 2007
    الدولة: الرياض حاليا
    المشاركات: 85
    معدل تقييم المستوى: 202
    عبدالله بن ضيف الله is on a distinguished road
    افتراضي رد: (( ديوان الشاعر عبدالله بن ضيف الله الشملاني ))

    اقتباس:
    المشاركة الأصلية كتبت بواسطة مشعل النمران مشاهدة المشاركة
    [align=center]عمتي الغالية بنت ابوها
    صح لسانك ولسان الشاعر عبدالله الشملاني
    والف شكر لك على نقل القصائد لنا الاستمتاع بقراءتها
    وفيها من المعاني والحروف المفيده
    اله يعطيك الف عافيه وماقصرتي [/align]
    اولا من لايشكر الناس لايشكر الله واشكر الاخت بنت ابوها لقيامها بوضع القصائد

    وعسا يسلمك ومشكوره


    صح الله ابدانك اخوي مشعل والشاعر لابد يكون حريص لطرح الشئ المفيد للمجتمع او الطرح المتضمن للنصح وتسلمون على كل حال
    __________________
    قال الرسول صلى الله عليه وسلم :{نعم القوم عنزة مبغي عليهم منصورون} اخرجه الامام احمد وصححه العلامه احمد شاكر

    للمراسله:
    [email protected]

    [email protected]
    عبدالله بن ضيف الله غير متواجد حالياً  
    موضوع مغلق


    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    تعليمات المشاركة
    لا تستطيع إضافة مواضيع جديدة
    لا تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة

    الانتقال السريع


    الساعة الآن 06:58 PM.


    Powered by vBulletin® Version 3.8.8
    Copyright ©2000 - 2024, vBulletin Solutions, Inc.