بيت شعر تهديه للي بعدك --

قالوا لي العب قلت ما نيب لاعوب
=إلا مزوحٍ عند صافي الجبيني

الاعبه و افرح إلى صرت مغلوب
=و اشوف و جهه لى غلبني يزيني

و اطرب على ضحكه و هو حيل طروب
=و انادمه في لحظة أحلى سنيني

حبيبي اللي كل ما فيه محبوب
=ترخص له الدنيا و ما كان فيني

اللي يجيني كل ما غاب لاهوب
=أونس حرارة لاهبه في كنيني

و كني على غيره من الناس مغصوب
=و كن العمر ياقف بليا ظنيني

و اصير بين يدين الأيام مقضوب
=و الليل يجلد بالسهر موق عيني

يضحك بي الشامت إذا قلت ما أتوب
=و يحزن صديق العمر مما يجيني

ليته يغطي لوعة العاشق الثوب
=و إلا عيوني ما تبيّن حنيني

و إن كان تعذيب المحبين مكتوب
=على عذاب الحب ربي يعيني

لا تقول ان الليالي فرّقتنا=لا تقول ضروفنا عيّت علينا
الليالي يوم ودك جمعتنا=يوم ودك كل شي(ن) في يدينا
ياسقى الله ليلة(ن) بك عرّفتنا=في شعيب شهار عن غيرك سلينا
من مغيب الشمس حتى طالعتنا=عن هل الدنيا نزعنا واعتلينا
ليلة العشاق والله ورّدتنا=مارد ذقناه لكن مارتوينا
ليتها .. ياليتها ماودّعتنا=ليت ذاك الليل ماراح وسرينا
يوم همّلنا الليالي .. هملتنا=كيف تعطينا وحنّا ماعطينا
الليالي عن هوانا مانهتنا=البلى حنّا على البعد انتهينا

ليتك معي ساهر(ن) ليل الهوى كلّه=مانوم انا وانت لجل الحب سهراني
ترى السهر مع حبيبك يبري العلّه=لا صرت شفق(ن) وهو عليك شفقاني
كلش طراته الى وافق على حلّه=والا ترى كل شئ يالغضي فاني
لا عاش خل(ن) تنكر في الهوى خلّه=يوم(ن) حبيب(ن) ويوم(ن) يصير قوماني
وش فيك دايم تعسر القلب واتّلّه=اخاف يوم(ن) يجي ما عاد تلقاني

نامت عيوني ، على حسنك وشفتك حلم=يــازايـر الـلـيـل ،لـيـل الـبـارحه عدنــي

مـتـى تـجيني ، مـثل مـاجيت حـلم(ن) عـلم=يـازايـد الـقـلب خـفـقه بـالـهوى زدنـــــي

تـرى الـبخل مـن كريم الأصل مثلك ظلم=يـاظـالـم الــلـي يـــوّدك لــيـه تجهـــدني

سـويت فـي قـلبي الـلي قـد عـطيتك ثلم=يـامـاخـذ الـقـلب وتـاخـذني وتجحدنـــي

مـاهوب عـند العرب وأهل الجماله سلم=إنــــك بــمــا تــاخــذه مــنـي تهددنــــي

وكـــاد مـحـد(ن) تـعـرّض لـلـعيون وسـلـم=لاشـــك أنـــا بـالـوفـا قـلـبـك معاهدنـي

من خصايص عنود الصيد كثر الطواري
= وعادة الظبي يجفل لاتـحرك ظلاله
ما يصيد الجوازي كـود بخصٍ وضاري
= القنص بالركـاده والتسرع جهاله
ولايعرف الطرد من لايعرف الصحاري
= ماتعرّض سـموم ولاتعرض شـماله
كـلّ دربٍ عليه من المخاليق سـاري
= للسـوالف رجال وللشكاله رجاله
وانت عشقة حيـاتي ياغـزال البراري
=أتفاول بوجهك سعد من صرت فاله
إنت والله حــبيبي وإنت والله داري
= إن نظـرة عيـونك يم غيرك جماله
ماانقطع سـيل حبك بالمعاليق جـاري
= كـنّ قلبي خلقه الله لحبك سـباله
ليلتي ياقمـرها ..غـار منها نـهاري
=حيث وصـل المودّه همسةٍ في لياله
جعل واهج غرامك مثل وجدي وناري
=مير مااظـن في دنيا المحبة عـداله

سـما .. وغيم هتان .. وبرق ..
ورعد .. وامطار .. ونسايم ..
وطفل نايم فوق ازهار ..
وقصر .. وانوار ..
ووسط القصر .. نافوره ..
وفـ ج ـر .. التمع نوره ..
وناس تغني .. مسرورة ..
وعيون من فيض الوله ..
فرحانه .. ومبهوره ..
وكانت هذي الصوره
حــبــيــبــي
يوم لاقيتك

اذكرني اذكرني
مثل حلمن في المنام
اذكرني مثل تنميق الكلام
على لسان المنكسر
اللي يحاول يعتذر
عن غلطته لكن ماهو مقتدر
اخطا وخطاه اكبر
من العذر بلسان
واصدق من دموع العفو
بلحظة حنان

وش اخبارك يا / تاج راسي / وعاليه
ياغيمة جادت بأغزر مطرها
أنت ربيع القلب وأغلى أمانيه
عطر الحياة وأثمن دررها
حقك كبير يعجز الشعر يوفيه
ياوردة فاحت بأجمل عطرها

اكتبني في حياتك عاشق مجنون
مامل اشتياقه ماعرف وشلون
يقرا العشق او يكتب غرامه
ارسمني صورة الولهان بالوان الطفوله
تجرحه كلمه وتجيبه ابتسامه
مغرم فيك لو رفض يبدي غرامه
تفضحه كلمة ومقصده اهتمامه

صباح الورد متعطر بعطركـ
أقدم لك كلمة أحبكـ
مع مشاعر ماتهدكـ
وهمس يذوب على خدكـ
وشوق يغني على قلبكـ
وعيون بس خاطرها تشوفكـ
وإذن ماتريد تسمع غير صوتكـ
ولي قلب يصون حبكـ
وماقدر أقول شي ثاني غير اني
~ أحبكـ موت ~