بيت شعر تهديه للي بعدك --

ياغايبٍ عن عين مغليك وين انـت

العين شابت تنتظـر بـس لقيـاك

غيرك يشين بناظري وانت به زنت

والقلب حافظ منزلك ويتحـراك

كم واحدٍ وده بقربـي ولا لنـت

واقول في قلبي عساهـم فدايـاك

في داخلي لك مسكنٍ مابه اسكنت

احد سواك ولا قدر حد يسـواك

انت الوحيد اللي له اصغيت وامنت

مرتاح في حبك وراغـب مزايـاك

مرات اقول ان الغلط يومي اعلنت

اني احبـك واتساهـل خطايـاك

اخاف ياخـذك الغـلا لا تبينـت

واتعب هوى قلبٍ يحبك ويهـواك

ومرات اقول اني بقولـي تطمنـت

اني صريـحٍ لا تحاكيـت ويـاك

ياللي لاجل حبك ابد ما تهاونـت

اسمع كلامي والقصايد بك تحـاك

اليوم انا في هرجة العشق ايقنـت

ان اصعب اللحظات يازين فرقـاك

ولي مطلبٍ لا جيتني بس لاهنـت

اتعوض اللي فات لي من سوايـاك

عز القصيد وزاعلتنـي حروفــــــــــــه
من يوم غاب الّلي قصيدي مهــاويه

غابت به الدنيا وخلـت طيوفـــــــــــه
عزي لمن مثلي زمانـه يعاديـــــــــه

عقب الملاقى بس بالقلب أشوفـه
وعقب المناجى بس بالفكر أناجيـه

كلامي وشوفي لغيـره حسوفـــــــه
من غيره يخاوي غريبي وأخاويــــــه

يا لوعة المشتاق تصفـق كفوفــــه
لين التفت ما شاف بالدّار غاليـــــه

كن العيون بكل شيـن محذوفـــــــه
والقلب كن جموع الأيام ترميــــــــه

تسابقتني مـن زمانـي سيوفــــــه
تجرح مرادي في حياتي وتدميـــــه

يا عونة الرحمن ويـن النكوفــــــــــه
لين انتحى الخفاق وش عاد يثنيه

ما رحت أدور عند خلّي مروفــــــــه
ما يرحم إلا الله فلا شـك مغليــــــه

لك حـــــق تزعل ثم لك حق نرضيك
ما اقوى زعــــل حبيب قلبي وعيني
مادام قلبي يا اريـــش العين مغليك
اطلب ولك روحي ومـــــا في يديني

لا تنشغل مــــــــا لك وزين يضاهيك
أبيك أنا لو كــــــــــــــان غيرك يبيني
يوم الله أحسن صورتك خصني فيك
فيك الجمال وصــــــادق الحب فيني

شعري يزين بوصف زينك وطــــــاريك
والخد مــــــــــــن ممشاك فيها تزين
أول غناتي صـــــوت الأشواق يدعيك
واخر غناتي شق صــــــدري حنيني

ياصاحبي هانت عليك المحبه ** لا واحسايف عقب هاك المواثيق

جمر الغضا في وسط قلبي اشبّه ** نارٍ حطبها يابسات المعاليق

كاسٍ مليته بالوفاء لاتكبّه ** خله يبلل بالوصل يابس الريّق

صـبّـه بقلبي ثم مله وصـبّـه ** وان كان ودّك غــرّق القلب تغريق

الحزن في صوتـــــــــك ازعج ساكنـي
لين صــــــــار الكون من حولي حزين

غصب عني حزن صوتـــــــك هاجني
لين خلى عــــــاصي المعنـى يليـن

وامتثل حرف القصيــــــــــــد وعادنـي
وانسكب شعـرك على حزني حنين