مرثية للمرحوم الامير نايف بن عبدالعزيز رحمة الله

شفت الخبر مكتوب عبر القنوات
يومن شاهتة صار بالعقل ريبة
أختل فكري وهلت العين عبراة
ودمعي على الخدين ينثر صبيبة
أكبر مصيبة جت لنا اليوم بذات
كوارثـن مـرت علـينا عـصيبـة
قالو توفاء اليث رجل المهمات
نايـف ولـي العهد موتة مصيبـة
يوم الاحد صلو علية الجماعات
بالـمقـبرة حطو عـلية النصيـبة
مرحوم يانطاح وجة المغيرات
يامخلص القالات لو هي صعيبة
نبكيك ياصنديد راع الجمالات
يـالـي بـرايـك كـلـنا نـغتـديـبـــة
مواقفك لشعب خير ومسرات
يالـعاهـل الــي كـلنـا نـلـتجيـبة
فعايلك ماتنحصي بالحسابات
يصـعب علينا عـدة وتـحـسيـبة
سجلك التاريخ بالمجد بصمات
ولاينسي راع الـفعول العـجيـبة
يشهد على ماقول رب السموات
علام ماب الكون سـره وغـيبة
خلف أسودن يشـيلون الثقيلات
الـمرجله مـهـي عليـهم غريـبة
رجالهم يـنطح من القوم ميات
ليا هاجت الهيجة ولع لـهـيـبة
صديقهم يبشر ليا صار فزعات
وعدوهـم مدحور محدن دريـبة
يقفي معيف وجر بالصدر حسرات
وجروح قلبة بالضماير عطيبة
ياخادم البيتين رجل البطولات
يانصرت السلام ومن يعتزيبة
لو قيل نايف مات حين ولا مات
صفوت أهل العوجاء سيوفن حريبة
هم العوض لاصار بالوقت ميلات
سور الوطن ودروع صقورن مهيبة
أقبل تعازي الوايلي بنظم البيات
ياهل الوفاء ياهل الصدور الرحيبة



الشاعر: أحـمـد رحيـل الـفــدعـانـي العـنـزي