سلام ياللي كلنا من شانه

اخوتي واعزائي بهذا المنتدى الغالي على قلبي اسعد الله مسائكم جميعا وااحييكم واضع بين ايديكم هذا القصيده التي قلتها في حفل زواج العمده سعود ابن مهل المطردي الجعفري العنزي املاً ان تنال اعجابكم واستحسانكم
.
.
.
سلام ياللي كلنا من شانه
جينا ومعه قلوبنا فرحانه
نعيش معه اجواء الفرح ونهني
لسعود هناه الولي سبحانه
ابن مهل من بيت عز عالي
متمركز باعلى الجبل مسكانه
من صقر ابن علي المسمى جعفر
ياجاهل بالعلم جاك اعلانه
سعود ابن بكار ماهو خافي
عمده ومن روس البلد واعيانه
اشهر من البيرق براس التبه
اللي تسارج بالحطب نيرانه
ياسعود شوف كيف الحضور الطيب
من طيب ذات اللي دعى لخوانه
والطيب ماله غير طيبٍ مثله
ياللي علومه كلها مليانه
هذا الصحيح اللي بدون مخالف
ماهو كلام اللي غدى برهانه
والهرج واجد والصحيح مجرب
يكفي عن الهرج الكثير سمانه
فيكم تشرفنا وشرفناكم
ميقافنا مايختلف ميزانه
هذه عوايدنا سلايل عايد
نافي مع الوافي ونرفع شانه
ونهين قدر اللي يبي يخذلنا
حتى يشوف مع العرب حقرانه
تاريخنا مشرق يشعشع نوره
واللي يراهني يحط رهانه
بالرمح والسيف الحدب والشلفى
صم الرمك يشهد لنا ميدانه
يشهد لنا القاصي ومعه الداني
ماهي سوالف عالم خسرانه
النومسي لاقال قولٍ تمه
وافي وكلٍ قال صح لسانه </b></i>

رد: سلام ياللي كلنا من شانه

فيكم تشرفنا وشرفناكم
،،،،،،،،،،،،،،،، ميقافنا مايختلف ميزانه
هذه عوايدنا سلايل عايد
،،،،،،،،،،،،،،،، نافي مع الوافي ونرفع شانه

الشاعر/ الصقار
صح لسانك على الأبيات الجزله
وألف مبروك زواج الأخ سعود الجعفري

تقبل تحياتي وتقديري،،

رد: سلام ياللي كلنا من شانه

الف مبرووك زواج العمدة سعود الجعفري

وصح لسانك يا الصقار على القصيدة الطيبة

الله يعطيك العافية

لك شكري وتقديري

رد: سلام ياللي كلنا من شانه

فارسنا الكريم نشكر لك حسن المرور وتقبل فائق تحياتي وتقديري

رد: سلام ياللي كلنا من شانه

رياح الوفاء نشكر لك مرورك واهتمامك

رد: سلام ياللي كلنا من شانه

صح السانك ابوفيصل لاهنت جزل

والف مبروك زواج الاخ سود