المـــعــــنى الــــعـــمـــيق

[align=center]أخي حسين الهوران
صح لسانك
قصيده جزله من شاعر
متمكن


تحياتي وتقديري لك[/align]

[align=center]ميـزة الإتْقـان تفكيـرٍ دقـيـق
واصدق الشعر,اصدقه مهو اكذبـه
اما اجيـب الدر,وعقـود العقيـق
وكل من يسمع قصيـدي يعجبـه

قصيده رائعه بكل ماتعني الكلمه من معني تدل على شاعر متمكن ومبدع
خالف برأيه من يقول أعذب الشعر أكذبه ونال أعجابي
تقبل تقديري وخالص ودي[/align]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إلاّ الأحْمق لاتحطّـه لـك رفيـق=كاسـر الجـرّات بالـك تصْحبـه
العقول خـروج مليـان وشليـق=وكل عقْلٍ حسـب قيمـة مزْهبـه [/poem]

[align=center]صح لسانك يالغالي جزله من شاعر جزل [/align]

المشاركة الأصلية كتبت بواسطة حسين الهوران

[poem=font="simplified arabic,7,black,bold,normal" bkcolor="transparent" bkimage="" border="double,10,black" type=2 line=1 align=center use=ex num="0,black"]


القصيد إن ماقصد معنى عميق=انصح إنّه شاعره مايكتبه
أرفض إني هايم بوادي سحيق=وأعشق من الصّعب صعْبه وأصْعبه

كان غيري لارمى دلْو,بعتيق=وعجّزته وجات بيده متربه

أعتليت بسرج سباقٍ رشيق=وقمْت بالميدان معناي أهْذبه

الحصان الحرْف والهجْس العليق=ابعده بالروح صوّت لأقربه

القوافي بكْر والشّاعر عشيق=وكل مايغفل طيوفه تندبه

قالو,أهل العرْف في معنى الصّديق=مثل حال الغول والعنقا,,إحْسبه

قلت انا هيهات والمعنى طليق=بشرّد الصيدات غارس مخْلبه

كأنصباب السيل من جرْف المضيق= من غيومٍ الفكر ديمٍ مسْهبه

في خيوط الشمس مشراقي يليق=ماخذٍ من لون حُمرة مغْربه

إعترض مبداي مرْهي باللحيق=وإعتلى الطّاروق عالي مرْقبه

قامت الغرنوق للفتنه تويق=ومارده للعين رمْشٍ يجْذبه

مابه إنسٍ يمتلك قلبٍ غليق=وكل فيضه من مطرها معشبه

روّحت رسْلٍ فريقٍ مع فريق=مرزماتٍ من صميم الموْهبه

المراجل موج عاشقْها غريق=بين موت وبين عالي المرْتبه

اللسان حصان والمنطق رحيق=كم هذورٍ له لسانٍ ينْكبه

ابن آدم بين جنّات وحريق=لأجل ذنبه ربّنا اللي أنّبه

من أكل تفّاحة الغصن الوريق=وإن بغينا,الصّدْق حوّا,مُذنبه

الأصايل وكْرها بشامخ شهيق=مثلما بالنّاس عالي منْسبه

أرحب من الأرض للمعنى سميق=والكفوف الناديات المرطبه

ذاك كفْوٍ,والندى بكفّه لصيق=مردْردْ الجدّين ساسه عرّبه

لانخيته جاك للفزعه شقيق=والهموم اليانخيته ترْهبه

له يمينٍ بالصّخا,سيلٍ دفيق=وله كرومٍ بالوهايب معْنبه

لاغدى لغربان شمّاتك نعيق=صوّبه بالطيب الأنقى صوّبه

لايشدّك معدنٍ ضوحه بريق=بعض واهج يخْذلك بالتّجْربه

إلاّ الأحْمق لاتحطّه لك رفيق=كاسر الجرّات بالك تصْحبه

العقول خروج مليان وشليق=وكل عقْلٍ حسب قيمة مزْهبه

البشر مخلوق حسّاس ورقيق=والليالي كالحيايا,,المسلبه

لاتسرّع كان تجْهل بالطّريق=أحْذر من الدّرْب لحْظة تدْربه

وعذْ,بربك شرْ,وقّّّابٍ غسيق=بمحكم الآيات خوفك طبّبه

من صحا, بينام والنّايم يفيق=وخيررأيٍ بين الأرْيا, أصْوبه

ميزة الإتْقان تفكيرٍ دقيق=واصدق الشعر,اصدقه مهو اكذبه
اما اجيب الدر,وعقود العقيق=وكل من يسمع قصيدي يعجبه
والا احرّم اكتبه حلفٍ وثيق=ان ماخلقت الاسئله والاجوبه
ان كتبته والعرب يبّاس ريق=كود اخلّي الشّيخ يحذف معْصبه

ممتزج ماضه في حاضر أنيق=ومفرداتٍ كل جيلٍ تطْربه

القصيد ابحار والمعنى عميق=يكتبه حسْ المشاعر يكْتبه
[/poem]

[align=center]الله ...... الله
عز الله قصيده جزله

من شاعر مبدع

الراقي

حسين الهوران

صح لسانك يالشاعر

ونحن بحاجة لمثل هذه القصائد

التي تحمل

الرأى الجاد

وتثري الحركة التثقيفية والتوعوية

لمصلحة التراث والشعر

كل الشكر والتقدير لك

ولنزفك الراقي

وتذكرني هنا في بعض ابيات

من قصيدة لي......



صادق ولاني مرجد(ن) خلف حصاد
.....................اقولها لو كـــــــــــان لي او عليه
يالـــــــلي تهـــيم بواد وحـــنا على واد
....................النفـــس عندك لا ولاهي رضيه
ما كل من غاص البحر صار قصاد
...................يكـــــسر ولا له فالوزن مقدريه

كل الشكر اخوي حسين

ودمت بخير


اخوكم عماد الغزو[/align]

حسين الهوران

هكذا الشعر والا فلا

صح لسانك

وعساك على القوه دائما وابدا


لك تحياتي وتقديري

[align=center]القصيد

ابحـار والمعنـى عميـق .... يكتبـه حـسْ المشاعـر يكْتبـه

صح لسانك أخوي حسين الهوران

كلمات يفوح منها عبير من زهور ابداعك

وتنحني الحروف أمام روعة الابداع


تقبل فائق احترامي وتقديري لك[/align]

اعزائي


كل فخر بكم


وبمروركم الرائع


الله لايحرمني منكم


تواجدكم اسعدني


تقبلوو تحياتي وتقديري

[align=center]فعلا أنت نجم المنتدى

يا أكثر من رائع


دمت بود

وتقبل مروري[/align]

[align=center]نواف المصربي


شكرا لك من الاعماق


شرفتني بمرورك العذب


تقبل تحياتي[/align]