بيت شعر تهديه للي بعدك --

‘،


في غيبتك مليون عايق وعايق
........... خلت مساري يختلف عن مسآرك

اي والله إنه جد مآهو بـ / طايق
.......... قلبي بدونك .. ليل يبغى نهآرك


‘،

__________________
،
،

عيونك آخر آمالي وليلي اطول من اليم
كيف القى كلامٍ عذب يوصف دافي احساسي

يازين صوته لا لفتني عبارات
أهلآ هلا بك ياضيايه وفيه
لا من سمعته قمت أردد بالأهات
وضيع في نبرات حرفه وغيه
وقوم أردد له حبيبي سلامات
سلامتي من صوت مافيه زيه
والله ماغيرك تعلى بالأصوات
إلا أنت يلي زاد قلبي وميه
أذا حكيت أطرب ولا لي خيارات
يكود أكرر ! كرر الصوت ليه

لا تشتكـي لـي تعـب صوتـك مــن الكـحّـة

(يسعد لي حروفـك اللـي تشبـه احساسـك)



فدوتك صوتي , واذا قصدك على البحة

هذا انا , وسط صـدرك واخـذ انفاسـك !

ماتدري أنك مداهم كل تفكيري
ياليت ما أنتابني بالشوق ينتابك

لو قلت لك حالتي مافاد تعبيري
الزبده إني عليك أموت وأحيابك

الصيف ودع شمسه وعاد للبرد
وعادت صباحات المطر والنسايم
قم ياصباح الخير والنور والورد
شف وش كثر نشتاق لك وانت نايم

اليوم صبحه غير , وإطلالته غير
وينك ؟ وكيف الحال , يا واحشتني ,

وتقول لا شفتك / ترى حالي بخير ,
وآقول :- ( جعلك دائماً شايفتني ) ,

بضم صدرك حتى تصبح على خير

إفتـح شبابيـك الـهـوى جيـتـك الـيـوم
بإحساس مـن زود الولـه عـده يطيـر

جيتـك مثـل طفلـن لـه أيــام مـحـروم
عـن حـضـن أمــه أبعـدتـه المقـاديـر

وجيتك مثـل عـودن لـه أيـام مهمـوم
وده يـلاقــي بـأخــر الـوقــت تـقـديــر

وجيتك حضن عاشق وهايم ومغروم
وده يضمـك ليـن تصبـح عـلـى خـيـر

متى تحـس إن الهـوى شـي مقسـوم
من قسمة الخالق على خلقـه يصيـر

ومتـى تحـس إنـي لـك أطيـح وأقــوم
وأتعـب علـى شانـك وأقـدرك وآغيـر

لي فـي هـواك أحـلام وأمـال وعلـوم
وأحزاب وأصحاب وقصيد وجماهيـر

وهمـوم وأفكـار وهواجيـس وحـلـوم
ودروب وأخطـار وعـذاب ومشـاويـر

وحب وغلا وإخـلاص ومعانـد ولـوم
وإحسـاس وإلهـام وشعـور وتفاكيـر

وصحبـة سهـر ومقاطعـة لـذة الـنـوم
وأشـواق جياشـه وعـشـق وتعابـيـر

فـي ذمتـك مـابـان لــك شــي مكـتـوم
من بعد ماصورت الأوضـاع تصويـر

لاتحسـب إنـك شــي عـابـر ومـعـدوم
وتـاريـخ حـبـك فــاق كــل الأساطـيـر

فـي كـل شـي أتخيلـك وأسمـعـك دوم
وأتأملـك فـي الوقـت الأول والآخـيـر

مـن مـاضـي الأيــام لايـومـك الـيـوم
وغـلاك عنـدي ماحصـل فـيـه تغيـيـر

وأنـا لـك الله ماأقبـل البيـع والـسـوم
ولا أرضى علي ولاعليك المخاسيـر

لاْني الوحيد إللـي علـى بحـرك يعـوم
وإللي عرف مرساه في رحلة السير

لحـظـه حبيـبـي قـبـل يسبقـنـي الـنـوم
بضم صـدرك ليـن تصبـح علـى خيـر

ارتحت لك واسلوب هرجك عجبني
ياليت صوتي له عيون وتشوفك
يمكن يكون احساس صوتك ملكني
ويمكن تكوني مالكتني بخوفك
ويمكن يكون الله لجلك وهبني
احساس... وانتي ترجميه بحرووفك
ويمكن تكوني حسب فكري وضني
جيتي على جرح الزمان بكفوفك
ما احب احب وحب غيرك وصلني
لكن قلبي له امل في وصوفك
ياهل ترى قبلي احد لك يحني
والا اتكلم كان تسمح ظروفك
بس المهم اني من اجلك اغني
واكتب قصايد قبل عيني تشووفك

اسقني من شفتك لين ارتويك
لايطول البعد عني في لقاك
لو تغيب شوي عني أحتريك
ما ابي عمري انا يصبح هلاك
انت اصلٍ لو لك بقلبي شريك
كان مات بلحظة فيها يراك
مايبيعك قلب مخلص مشتريك
هو يباع اللي خلقه الله ملاك
لا لغيرك والزمان وغصب ابيك
والزمن والكل واهلك واقرباك
ظنهم تنسى غرام اللي يبيك
لاوربي الموت اهون من جفاك