(( ديوان الشاعر حسين الهوران ))

[align=center]
العزوة الوايليــــة

الخوف والله ماحسبنا لـه الخـوف
................................الا مـن اللـي نعبـده ياأجـوديـه
وشلون أخاف وعزوتي كلها سيوف
...............................وشلون أخـاف وعزوتـي وايليـه
ملوك بالدنيـا وفرسـان وحتـوف
.............................ذيقـار مجـد أجدادنـا الأولـيـه
حنا على أهل الكون كله بنـا نـوف
.............................حنا الكرم والجود وأهـل الحميـه
العي لامن شافنا صـار معسـوف
.............................وأقلنـا ماقـيـل عـنـه الـرديـه
من وين ماسرنا بنا العـز مـردوف
............................ياويل من هزنـاه يصبـح ضحيـه
ترحّب مجالسنا اليازارنـا ضيـوف
...........................ويزيـد ترحيبـة شـذى الشاذليـه
حنا هل الفزعات مانعـرف نكـوف
...........................وحنا الصخى وحنا جزال العطيـه
العز في وايل على كليب موصوف
...........................مقولـة التاريـخ مـاهـي خفـيـه
حنا هل المعروف لأصحابنا ريـوف
..........................ودخيلنـا لحمـاه نصـبـح فـديـه
مايوم خنا العهـد ونعـف ونعـوف
..........................نعـف عـن قـوه وعـن مقدريـه
مانخضع لذلـه ولاهمنـا ظـروف
...........................من ويـن مارحنـا ملكنـا الفضيـه
ننصب كنا السيل من ضايق جروف
...........................لاصـاح صيـّاح النخـاوي عنزيـه
سيوفنا نفرق بها صفوف وصفـوف
..........................وأردى عنزي بالكون يلهـم سريـه
يخاف منا الدرب لوكـان محفـوف
..........................ويهابـنـا ثقليـنـهـا بالـوطـيـه
تاريخنا سجلات وأمجاد وحـروف
..........................مـن جدنـا وايـل لتالـي السميـه
خل الذي ماشاف يرهي على الشوف
..........................ويتوب ويصلي علـى أحمـد نبيـه
أسألك بالله كيف ياصلنـي الخـوف
..........................دامي خليجي وعزوتـي وايليـه[/align]